Error404
Share
بجرب وبرشح العاب عشوائية ممكن تكون سمعت عنها او لا
لو متعرفش احسن لعبة الغاز Boxes: Lost Fragments
دلوقتي مجانية على منصة ايبيك جيمز لغاية يوم الخميس الساعة 6 فاللحق ضيفها وخليها معاك للابد🔥
قصة اللعبة : بتلعب فيها بلص محترف تم تكليفه بمهمة انه يدخل قصر عشان يسرق حجات ثمينة فيه بس الي هو مكنش عامل حسابه ان القصر بيقفل عليه وبيحبسه ولازم انه يحل الالغاز والغرف الي موجودة جوه القصر عشان يعرف يهرب منه بس الموضوع مش بالسهولة دي لان الالغاز كل شوية بتكون اصعب وبتحتاج تفكير كتير منك وبتكتشف ان الموضوع اكبر من كدا وان القصر ده فيه اسرار كتير مش عايز احرقها عليكم والمميز فى اللعبة هو التنوع فى الالغاز الموجودة وكمان صعوبتها الي بتحتاج تفكير برا الصندوق فا لو بتحب النوع ده من الالعاب متنساش تضيفها عشان تكون معاك للابد ومتنساش تمنشن صحابك الي بيحبو النوع ده من الالعاب 🔥
اقوى لعبة لازم تلعبها مع صحابك 🔥
فكرة اللعبة باختصار بتلعب كقبطان تمت خيانته بعد اما خلص المهمة بتاعته وبعدين بتصحى تلاقي نفسك في عالم خطير لوحدك والمفروض انك تحاول تعيش عشان ترجع تنتقم من الي عملو فيك كدا بس الموضوع مش بالبساطة دي لانك بتلاقي نفسك وسط صراعات تانية اكبر من كدا ولازم انك تحاول تنجو منها والمميز فى اللعبة هو ستايل اللعب بتاعها الي بيعيشك جو القراصنة مع صحابك الي كلنا بنحبه فا لو بتحب انت وصحابك العاب السيرفايفل وعالم البحار فاللعبة دي هتبقى مناسبة ليكم واللعبة لسا فى مرحلة الديمو وتقدر تجربها مجاناً على ستيم فا متنساش تمنشن صحابك الي هتلعب معاهم اللعبة دي 🔥
اكتر لعبة عشوائية مش هتبطل فيها ضحك مع صحابك 😂
فكرة اللعبة بسيطة جداً فكرتها انك بتكون انت و٣ من صحابك بتلعبو كاقزام مشاغبين مهتمهم انهم يسرقو بيوت البشر عشان يطورو المخبأ السري بتاعهم تبان الفكرة سهلة بس احب اقولك لا لان البشر والحيوانات مش هتسيبكم في حالكم وهيفضلو يجرو وراكم طول ماانتو فى البيت وكمان انظمة الامان الي جوه البيت الي هتحتاج منكم انكو متعاونين عشان تعرفو تدخلو البيت ده من غير ماحد يكشفكم والي بيميز اللعبة دي هو ان كل شخصية ليها المميزات بتاعتها زي واحد بيفتح الاقفال وواحد بيصنع الادوات وهكذا وكمان الفيزيائية بتاعت اللعبة الي هتخليكو متبطلوش فيها ضحك مع صحابكم فالو بتدور على لعبة مش هتبطل تلعبها مع صحابك فاللعبة دي هتبقى مناسبة ليكم واللعبة لسا فى مرحلة الديمو. وتقدر تجربها مجاناً على ستيم فا متنساش تمنشن صحابك الي هتلعب معاهم اللعبة دي 🔥
اقوى لعبة مجانية لفترة محدودة لازم انك تلعبها 🔥
بتدور احداث قصتنا فى المستقبل فى مدينة نيويورك في عالم مفيهوش مكان للفقرا وان الموت فيه مش هو النهاية وان الناس الاغنياء بيقدرو انهم يشترو خلودهم وبتلعب فى اللعبة بمحقق اسمه جيمس بيتم تكليفه بمهمة تحقيق فى جريمة غامضة بتمس ناس قوية عندهم سلطة وفي خلال رحلتك بتكتشف ان الموضوع طلع اكبر من كدا وان فيه اسرار كتير مش عايز احرقها عليكم تستاهل انك تجربها والي بيميز اللعبة دي هو الاجواء المظلمة بتاعتها الي بتعيشك فى جو اللعبة وكمان استايل اللعب والجرافيك الواقعي جدا بتاع اللعبة فا لو بتحب النوع ده من الالعاب وجو التحقيق وشغل شارلوك هولمز فاللعبة دي اكيد ليك واللعبة موجودة على جميع المنصات pc وبلايستيشن والاكسبوكس ومجانية على ايبيك جيمز ليوم الخميس الجاي الساعة ٦ فا الحق ضيفها وخليها معاك للابد فا متنساش تمنشن صحابك الي بيحبو النوع ده من الالعاب 🔥
اقوى لعبة موبايل هتخليك تشك فى كل صحابك 😂
فكرة اللعبة بتبقو 16 واحد موجودين فى قرية وبيبقى معاكم 3 مستذئبين و مهمة اهل قرية انهم يعرفو مين المستذئبين ويكشفوهم قبل مايخلصو عليهم واحد ورا التاني بس الموضوع مش بالبساطة دي لان المستذئبين هيوقعوكم فى بعض وهيخلصو عليكو فا لازم تخلو بالكو وتعملو تصويت وانتو متأكدين والحلو فى اللعبة ان اللعبة فيها ادوار كتير وكل واحد بيعمل حاجة يعني فيه العراف الي بيقدر يكشف الناس وفيه الطبيب الي بيحمي واحد وهكذا والموضوع ده مش بس على اهل القرية لا كمان المستذئبين عندهم ادوار ومهارات ممكن تغير اللعبة كلها زي مثلاً ممكن يخلو حد ميعرفش يعمل تصويت معاكم وهكذا فا لو بتدور على لعبة هتشكك فى كل صحابك فااللعبة دي هتبقى مناسبة ليكو واللعبة مجانية وموجودة على الموبايل وستيم ومناسبة للباقة والاجهزة الضعيفة والحلو كمان انها بتدعم اللغة العربية فاده هيسهل عليكم اللعب فا متنساش تمنشن صحابك الي هتلعب معاهم اللعبة دي 🔥
#لعبة #العاب #جيمز #ترشيحات
اقوى لعبة مجانية ممكن تلعبها مع صحابك 🔥
فكرة اللعبة انكم بتتخانق انت وصحابك على الي وقع التاني برا الماب بس المميز فى اللعبة دي هيا كمية الشخصيات الكتيرة الموجودة فى اللعبة وان كل شخصية ليها المهارات والمميزات بتاعتها بلس بقى ان اللعبة فيها كمية مودات مش طبيعية وبتقدر ان تلعبها لحد ٨ انت وصحابك فاانتو متخيلين كمية الخناق والضحك هتبقى عاملة ازاي واللعبة مجانية وموجودة على pc ومناسبة للباقة والاجهزة الضعيفة وكمان موجودة على جميع منصات PS و Xbox و كمان موجودة على الموبيل اندرويد وايفون فا متنساش تمنشن صحابك الي هتلعبها معاهم 🔥
#لعبة #العاب #جيمز #ترشيحات
اكتر لعبة عشوائية مش هتبطل فيها ضحك مع صحابك 😂
فكرة اللعبة بسيطة جداً فكرتها انك بتلعب انت و٥ من صحابك هوكي بس المميز فى اللعبة دي انك تقدر تخلي كل واحد من صحابك بيلعب بلاعب مختلف فاانتو متخيلين كمية العشوائية والضحك عاملة ازاي والحلو فى اللعبة ان الحراس بتوع اللعبة بيدافعو عن شرفهم مش عن الجون فا مش اي حد هيعرف يجيب عليه جون فا لو بتدور على لعبة خفيفة تضحك فيها شوية انت وصحابك فاللعبة دي هتبقى مناسبة ليكم واللعبة مجانية وموجودة على ستيم ومناسبة للباقة فا متنساش تمشن صحابك الي هتلعب معاهم اللعبة دي 🔥
#لعبة #العاب #جيمز #ترشيحات
اكتر لعبة عشوائية مش هتبطل فيها ضحك مع صحابك 😂
فكرة اللعبة بسيطة جداً فكرتها انك بتروح انت وصحابك تسرقو بنك والبنك ده عليه حراسة مشددة فا لازم تخططو ازاي تسرقو البنك ده بس الي انتو مكنتوش عاملين حسابه ان كل ماب عليها سوبر هيرو بيحميها وهيقعد يصطاد فيكم واحد ورا التاني فالازم انكو تحاولو تسرقو البنك من غير ماالسوبر هيرو والضباط ياخدو بالهم عشان لو اخدو بالهم منكم مش هيرحموكم وهيرجعوكو للسجن تاني فا لو بتدور على لعبة مش هتبطل فيها ضحك مع صحابك فاللعبة دي هتبقى مناسبة ليكم واللعبة لسا فى مرحلة الاصدار المبكر وتقدر تجرب الديمو مجاناً على ستيم فا متنساش تمنشن صحابك الي هتلعب معاهم اللعبة دي 🔥
اقوى لعبة تلعبها انت وصاحبك على نفس الجهاز 🔥
فكرة اللعبة باختصار بتتعرض انت وصاحبك لسحر شرير بيحاولكم لبلالين والمفروض انك تتعاون انت وصاحبك عشان توصلو للشخص الي عمل فيكم كدا عشان تفكو السحر ده بس الموضوع مش بالبساطة دي لانك بتكون انت وصاحبك مربوطين في بعض ولازم انك تكون انت وصاحبك متفاهمين و بتساعدو بعض بشكل مضبوط عشان تعرفو تعدو الالغاز والتحديات الي قدامكم لازم تتعاملو اكنكم بلالين بجد فا لو بتدور على لعبة خفيفة تلعبها انت وصاحبك فاللعبة دي هتبقى مناسبة ليكم واللعبة لسا فى مرحلة الديمو وتقدر تجربها مجاناً انت وصاحبك على ستيم فا متنساش تمنشن صاحبك الي هتلعب معاه اللعبة دي 🔥
اقوى لعبة رعب ممكن تلعبها مع صحابك 🔥
فكرة اللعبة باختصار انك بتكون انت و٣ صحابك فى بيت مهجور وبعدين بتلاقو بورد جيم قديمة وبتقررو تلعبوها بس الي انتو مش عاملين حسابه ان البورد جيم دي ملعونة وان كل خطوة بتمشوها فى اللعبة بتفرق وبتستدعي حاجة مختلفة وغير متوقعة للعالم بتاعكم فا لازم انكو تحاولو تنجو منها وتساعدو بعض عشان تعرفو تكملو اللعبة وتكسبو حريتكم والمميز فى اللعبة دي ان كل جيم فى اللعبة غير متوقع ومختلف عن الي قبله والحل ديماً مش ثابت فا ده هيخليكم متزهقوش منها فالو انت وصحابك من محبين جومانجي ونفسك تلعب لعبة تعيشكم نفس الجو فاللعبة دي هتبقى مناسبة ليكم وللاسف اللعبة لسا متحددش معاد نزولها فا متنساش تمنشن صحابك الي هتلعب معاهم اللعبة دي لما تنزل 🔥
اقوى لعبة مجانية لفترة محدودة لازم انك تلعبها 🔥
فكرة اللعبة باختصار بتلعب باخر غوبلنز موجود فى العالم وبيتم تكليفك من البشر بمهمة سرقة مادة سحرية بس فى خلال رحلتك بتكتشف ان المادة السحرية دي مش زي اي مادة سحرية وانها بتحتوي على قوة خارقة والكل طمعان فيها وانهم خدعوك وان القوة دي ليها علاقة بالغوبلنز الي انت واحد منهم والمميز فى اللعبة هو ستايل اللعب المظلم بتاعها والتخفي والبيئة بتاعت اللعبة وان اللعبة فيها مؤامرات تانية مش هحرقها عليكم وازاي شخصيتك وقراراتك بتتغير على مدار اللعبة فالو بتحب النوع ده من الالعاب ونظام الanti hero فاللعبة دي هتبقى مناسبة ليك واللعبة موجودة على جميع المنصات pc وبلايستيشن والاكسبوكس والجزء الاول والتاني مجاني حالياً على ايبيك جيمز ليوم الخميس الجاي الساعة ٦ فا الحق ضيفها وخليها معاك للابد فا متنساش تمنشن صحابك الي بيحبو النوع ده من الالعاب 🔥
اكتر لعبة عشوائية ممكن تلعبها مع صحابك 😂
فكرة اللعبة بسيطة جداً فكرتها انك بتشتغل انت وتلاتة من صحابك فى المطافي والمفروض انكو تطفو الحرايق تبان الفكرة سهلة بس احب اقولك لا لانك بتلعب بشخصيات الفيزيائية بتاعتها مضروبة بالنار والتحكم فيها صعب لانك بتستخدم ايديك الاتنين بس والمفروض انك تعمل كل حاجة بيهم تسوق عربية المطافي وطفي النار قبل ماالنار تاكل كل حاجة وطبعاً انت مستحيل تعرف تعمل كدا من غير صحابك الي ممكن يسهلو عليك الشغل او يبوظولك كل حاجة والحلو فى اللعبة ان فيه اكتفتي تانية تقدر تعملها فى اللعبة مش هتخليك تبطل فيها ضحك مع صحابك فالو بتدور على لعبة خفيفة تضحك فيها شوية مع صحابك فاللعبة دي هتبقى مناسبة ليكم واللعبة موجودة على ستيم موجود عليها خصم ليوم ٢٠ بسعر اقل من دولار ومناسبة للباقة والاجهزة الضعيفة فا متنساش تمنشن صحابك الي هتلعب معاهم اللعبة دي 🔥
Click here to claim your Sponsored Listing.