BoNo7

اما بنسمع كلمة "كولومبيا" ناس كتير بتفتكر بابلو إسكوبار…
بس الحقيقة إن اللي شهّر كولومبيا بجد مش الي كان بابلو بيتاجر فيه… بل القهوة الأسطورية اللي غزت العالم!

القهوة الكولومبية ليها طريق تاني خالص:

جبال عالية بتديها نكهة غنية ومركّزة

تربة بركانية تخلي الطعم متوازن ورايق

مزارع عالمية بتنتج أفضل أرابيكا في أمريكا الجنوبية

وبينما كان اسم "إسكوبار" مربوط بالفوضى…
القهوة الكولومبية كانت بتبني سمعة بلد كامل بالجودة، الطعم، والرائحة اللي تخطف القلب.

✨ القصة الحقيقية لكولومبيا… مش في مسلسل، في فنجان.

📦 علشان كدا بن نوح وفر لك أجود أنواع البن الكولومبي علشان تعيش الحكاية الحقيقية

للـطـلـب تواصل معانا على الرسائل
ومتوفر شحن لكل أنحاء مصر 🇪🇬☕️


#يخلي #مزاجك #يروح

الناس نوعين ابعد عن الاتنين واشرب قهوة ..


#يخلى #مزاجك #يروح

طبيعي يحصل ده لو مش بتشرب قهوة طبيعي 100٪

بس مع بُن نوح روبوستا كل مستوي من القهوة اعلي من التاني

اطلب دلوقتي وهتجيلك لحد البيت🚚

🔥متنساش تسأل علي العروض الجباره 🔥

#يخلي #مزاجك #يروح

انت فاتح محل بن جديد وعامل توليفة تمام… خد بالك من نقطة مهمة:
النِّسَب عمرها ما بتفضل ثابتة 100% كل مرة.

ليه؟ لأن في عوامل كتير بتأثر على الطعم من غير ما تحس:

1️⃣ اختلاف المحصول نفسه

أول ما تستلم البن المحمص من المحمصة، ممكن تلاقي فيه اختلاف بسيط في الطعم.
وده طبيعي جدًا… لأن البن محصول زراعي، زيه زي الخضار في السوق:
مرة تلاقيه ممتاز، ومرة تلاقي فيه عيوب بسيطة.
فمش معنى اختلاف طعم بسيط إن المحمّص غلطان.

2️⃣ المطحنة ودرجة الطحن

إنت بتطحن على درجة معينة…
بس الحجر مع الوقت بيتآكل، والمطحنة لو مش بتتنضّف أو مش بتتعمل لها صيانة دورية، درجة الطحن هتتغيّر حتى لو إنت مش واخد بالك.
وأي اختلاف بسيط في الطحن… هيغيّر طعم التوليفة.

3️⃣ وقت استخدام البن بعد التحميص

هل عملت التوليفة وطحنت بعد التحميص بـ 3 أيام؟
ولا استنيت شهر؟
ولا شهرين؟
ده لوحده يغيّر الطعم تمامًا… لأن البن بيتنفس وبيفقد زيوته وروايحه تدريجيًا.

4️⃣ مفيش حاجة اسمها نسب ثابتة على طول

حتى لو استلمت من نفس المحمصة، ونفس النسب، ونفس درجة الطحن… بردو الطعم ممكن يختلف من مرة للتانية.
وده طبيعي جدًا.

🎯 هنا بقى بييجي دور الخبرة

اللي واقف يعمل التوليفة ويطحن… هو اللي بشطارته وخبرته يقدر يظبط الطعم كل مرة رغم كل المتغيرات دي.

"اللهم صلِّ على محمدٍ وعلى آل محمد، كما صليتَ على إبراهيم وعلى آل إبراهيم، وبارك على محمدٍ وعلى آل محمد، كما باركتَ على إبراهيم وعلى آل إبراهيم، إنك حميدٌ مجيد."


#يخلي #مزاجك #يروح

"تلات أنواع حبوب قهوة… يمسحوا النوم مسح .. "جرّب تنام بعد استخدام الحبوب دى فى التوليفة بتاعتك

🥇 الروبيستا الفيتنامي
ده الكبير… كبير الكافيين!
📌 نسبة الكافيين فيه من 2.5% لـ 2.7%.
يعني أول ما تزود منه في التوليفة… تنسى النوم، وتنسى إنك كنت ناوي تنام أصلاً! 💣

🥈 الروبيستا الهندي
طعمه تقيل ووشّه عالي… وكافيينه يخبط مباشرة في المخ.
📌 بييجي من 2.2% لـ 2.5%.


🥉 الروبيستا الأوغندي
قوي ومظلوم في السوق، بس اللي يعرفه ما يسيبهوش.
📌 الكافيين بتاعه من 2.1% لـ 2.6%.
حلو وسعره حنين… يعني يفوّقك من غير ما يفوّق جيبك.

⚠️ بس اسمع دي…

على قد ما الكافيين بيعلى 🔋… المرارة بتعلى معاه 😖
يعني لو مش صاحب مرارة القهوة السادة… هتتعب شوية.

⚡ ملحوظتين مهمين:

الأنواع دي مش للشرب لوحدها… دي بتدخل في توليفات القهوة مع أنواع تانية. الفكرة من البوست إنك تبقى عارف مين فيهم أعلى كافيين.

نسبة الكافيين دي في البن الأخضر… وكل ما درجة التحميص تعلى، الكافيين بيقل.
يعني الفاتح أعلى كافيين من الوسط… والوسط أعلى من الغامق.


#يخلي #مزاجك #يروح