Masry Plus

"هل تعلم إن: "أنا من طرف فلان
أقوى من 10 سنين خبرة و 5 شهادات و7 دورات تدريبية! 🤝

مع بداية 2026 بنبدا +G مش كمكان تتعلم فيه ألماني وخلاص.. لكن كرحلة ليها معنى وهدف+G اتعملت بعد مشوار طويل وتجربة حقيقية علشان نسيب أثر وطريق واضح من غير خداع ولا تضليل ولا وعود سهلة احنا شوفنا ناس كتير تعبت وذاكرت ووصلت لمستوى كويس لكن وقفت لأنها مش عارفة تحول اللغة لشغل حقيقي خصوصا في الكول سنتر أو السياحة أو علشان تسافر برة مصروهنا بالظبط دور +G

في +G اللغة مش هدف اللغة وسيلة. نتعلم، نتكلم، ونشتغل بنركز على ألماني يتقال ويتستخدم ويتعاش في الشغل بخطوات واضحة ونصايح حقيقية وفرص هنمشي عليها سوا... مش بنوعد بنتيجة سريعة.. لكن بنوعد بالصدق وبالوضوح وبإن اللي هيمشي الطريق بجد هيلاقي نتيجة حقيقية. احنا داخلين الرحلة دي بنية واضحة قدام ربنا قبل أي حد إننا نختصر عليك الطريق ونسيب رسالة وأثر في كل شخص هيكمل معانا.
1/1/2026 هي البداية والمشوار لسه طويل، بس واضح واللي مستعد يبدأ صح مكانه في +G

كنت من كام يوم بتكلم مع ابويا
عارف هو كان مدرس في نفس المدرسة اللي انا كنت فيها
كنت دايما ببص للمدرسة على إنها المكان اللي المفروض نخرج منه عارفين كل حاجة عن الحياة
بس لما كبرت اكتشفت إن المدرسة ما علمتنيش حاجات كتير أهم من كل اللي كنا بناخده في الحصص

ما علمونيش ازاي أحب ولا ازاي أتعامل مع خسارة
ما حدش شرحلي ازاي أواجه لحظة فشل ولا أمد إيدي لحد بيقع جنبي
ما علمونيش أقول انا اسف بصدق ولا أقول انا محتاج مساعدة من غير ما أحس إني ضعيف
ما حدش فهمني إني ممكن أكون مميز حتى لو مش الأول على الدفعة
ما حدش قاللي إنك مش لازم تكون غني علشان تكون ناجح وإن الشهرة مش دليل على القيمة

اللي وجعني إننا قضينا سنين بنحفظ وبنكتب وبنمتحن
بس ما حدش علمنا ازاي نعيش

كنت بقول لأبويا
يا بابا المدرسة اللي كنت حضرتك بتدرس فيها
مكنتش بس مكان للتعليم دي كانت فرصة حقيقية للتغيير
بس المنهج دايمًا كان أضيق من حلم طفل
وأبعد بكتير عن احتياج بني ادم

والنهاردة لو رجعت أختار
كنت هختار أتعلم ازاي أحب ازاي أسامح ازاي أفهم اللي قدامي
كنت هطلب حصة اسمها الناس
مش الرياضيات بس
بس خلاص…
أنا مش ناوي ابني يعيش نفس اللي أنا عيشته.
ابني هيتعلم مني الأول.. مش من السبورة.
هفهمه إن اللي يستحق يتعلمه…
هو إزاي يكون إنسان.

هعلمه يحب ويغلط ويتعلم
يقع ويقوم
يعبر عن نفسه
وما يخافش يقول "مش فاهم"