Diettopia with Rania

طفلك بيعمل كده؟ 👀

✔️ ياكل نوع أو نوعين بس طول اليوم
✔️ يرفض يجرب أي حاجة جديدة
✔️ ممكن يجوع… بس برضه يرفض الأكل
✔️ يقبل الأكل بشكل معين ويرفضه لو اتغير شكله
✔️ كل وجبة تتحول لخناقة! 😓

لو شوفتي الحاجات دي…
📌 يبقى عندك طفل انتقائي في الأكل (picky eater)

⚠️ بس خلي بالك… مش كل الحالات زي بعض!

👶 فيه طفل انتقائي عادي:
بيرفض الأكل → لكن الاختيارات موجودة

💉 فيه طفل عنده Type 1 Diabetes:
المشكلة مش في المنع… احنا مش بنمنع غير الاكل الغير صحي وده الصح للكل مش هو بس
بس المشكلة هنا في إنه :
"أخد جرعة… وممكن ما يكملش أكله!" 😰

🌾 وفيه طفل عنده Celiac Disease:
في أكل ممنوع أصلاً
→ فاختياراته محدودة
→ ولو انتقائي كمان… التحدي بيكبر

🧠 ليه ده بيحصل؟ (نفسي + سلوكي)

✔️ مرحلة طبيعية من حب الاستقلال
✔️ الطفل بيجرب يحس بالسيطرة
✔️ حساسية للطعم أو القوام
✔️ تجربة ضغط أو إجبار قبل كده
✔️ توتر حوالين الأكل
✔️ أحيانًا لجذب الانتباه

💡 طب نعمل إيه؟ (بشكل عملي بسيط 👇)

🍽️ وجبات صغيرة متكررة
سناك خفيف كل 2–3 ساعات
→ علشان ما يوصلش لجوع شديد يخليه يرفض الأكل كله

🥄 ابدئي بكميات صغيرة
حطي 2–3 معالق بس
→ لما يخلصهم يحس بالإنجاز ويقبل ياكل أكتر

🍱 اعملي طبق فيه اختيارات
حاجة بيحبها + حاجة جديدة
→ ده بيقلل الرفض لأنه مش حاسس إنه مجبر

🥕🎨 قدّمي الأكل بشكل جذاب
أشكال + ألوان + طرق مختلفة
→ الطفل بيتقبل الحاجة اللي بتشده بصريًا

👩‍🍳 خليه يشارك في التحضير
يحط – يقلب – يختار
→ المشاركة تقلل الخوف وتزود الفضول

⏳ اعرضي الأكل بدون ضغط
سيبيه قدامه من غير إلحاح
→ الضغط بيزود المقاومة مش الشهية

🧠 التعرّض بدون ضغط
حتى لو مش هيأكل… يشوف الأكل كل مرة
→ التكرار بيخلي القبول يزيد تدريجيًا

🎯 إحساس بالتحكم
“تحب ده ولا ده؟”
→ لما يحس إنه بيختار… العند بيقل

🎯 اربطي الأكل بهدف
“علشان تعرف تلعب وتبقى قوي”
→ الطفل بيستجيب للمعنى أكتر من الأوامر

❤️ امدحي المحاولة
“برافو إنك جربت”
→ ده بيشجعه يكرر التجربة بدون خوف

⏳ حددي وقت للأكل
20–30 دقيقة وبعدين نشيل الأكل بهدوء
→ ده بيعمل نظام بدون ضغط

👀 كُلي قدامه نفس الأكل
→ الطفل بيتعلم بالملاحظة أكتر من الكلام

🏃‍♂️ نشاط قبل الأكل
لعب أو حركة بسيطة
→ بيفتح الشهية بشكل طبيعي

🌱 هدفنا الأكبر
مش إنه يخلص الطبق…
هدفنا إنه يتعلم يسمع جسمه
ويكون عنده علاقة صحيه مع الأكل

🚫 عشان كده دي حاجات منعملهاش؟ (وممكن تعمل إيه بعد كده 👇)

❌ إجبار الطفل على الأكل
→ يخليه يتجاهل إحساس الشبع
→ ومع الوقت ممكن ياكل غصب عنه أو يكره الأكل

❌ ربط الأكل بالمشاعر
“كُل علشان ماما تفرح”
→ يتعلم ياكل علشان يرضي الناس
→ ممكن يظهر أكل عاطفي بعد كده

❌ استخدام الأكل كمكافأة
→ يخلي الحلويات لها قيمة أكبر
→ ويقلل تقبله للأكل الطبيعي

❌ تقديم بديل فورًا بعد الرفض
→ يتعلم إن الرفض وسيلة للحصول على اللي عايزه

❌ التوتر أو الزعيق وقت الأكل
→ الأكل يتحول لتجربة غير آمنة
→ فيبدأ يرفضه أكتر

❌ الأكل مع الشاشات (موبايل/تليفزيون)
→ يفصل عن إحساس الجوع والشبع
→ ممكن ياكل بدون وعي أو يرفض الأكل

❌ وصف الأكل (ده وحش / ده حلو جدًا)
→ يخلق علاقة فيها ذنب أو شراهة
→ ويخلي الطفل يميل للأكل “الممنوع” أكتر

❌ الضغط المستمر على الطفل إنه ياكل
→ ممكن يخليه يخبّي الأكل أو يقول إنه أكل وهو ما أكلش
→ كده بنعلّمه يتجنب الضغط بعادات غلط بدل ما يتعلم ياكل صح

⚖️ طيب ونتصرف إزاي بقى حسب الحالة؟

💉 مع Type 1 Diabetes:

✔️ ابدأي بوجبات أو كميات "مضمونة" في الأول
✔️ دخّلي الجديد جنب حاجة هو بيقبلها
✔️ لو عندك مشكلة إنه ما بيكملش أكله بعد الجرعة
👉 الحل مش واحد لكل الأطفال
وممكن يتعمل تعديل في توقيت أو تقسيم الجرعة
⚠️ لكن ده لازم يكون بالاتفاق مع الطبيب
علشان يتظبط حسب حالة طفلك

🌾 مع Celiac Disease:

✔️ نوّعي جوه المسموح
✔️ استخدمي بدائل خالي جلوتين
✔️ اعملي وصفات جديدة علشان تقللي الملل

وافتكري دايمًا…
إنتي مش بس بتأكليه النهاردة
إنتي بتشكّلي علاقته بالأكل لباقي عمره 🤍
طفلك مش بيعاند…
هو بس محتاج أمان + تكرار + صبر 🤍

قوليلي في كومنت 👇
أكتر حاجة بيرفضها إيه؟

#دايت #ديتوبيا #سكري #سيلياك

في البوست اللي فات… سألتكم بتردوا تقولوا إيه لما طفلكم يقول: (ليه أنا؟)
وده لينك البوست 👇
‏https://www.facebook.com/share/p/1ELNSRDpTt/?mibextid=wwXIfr

وشوفت ردود جميلة كتير… فيها حب وخوف ومحاولات تطمين 🤍

بس النهارده… خليني أقولك الرد اللي فعلاً بيفرق في نفسية الطفل 👇

✨ قبل ما نبدأ… خلّي بالك من نقطة مهمة جدًا:

الموقف ده مش محتاج “رد وخلاص”…
ده محتاج دعم نفسي + دعم روحي لطفل لسه بيكوّن صورته عن نفسه وعن ربنا وعن الحياة 🤍

💙 نفسيًا:
طفلك محتاج يحس إنه آمن
وإن مشاعره مفهومة ومقبولة
وإنه “طبيعي”… مش مختلف بشكل يخوّفه

🤍 روحيًا:
محتاج يفهم إن ربنا مش بيعاقبه
لكن بيحبه… ودايمًا معاه
وإن الابتلاء مش نهاية الطريق…
ده بداية قوة جديدة جواه

في ناس أول ما تسمع طفل بيقول:
“ليه أنا؟” 💔

بتخاف…
وتفكر إن ده اعتراض أو ضعف إيمان

بس الحقيقة غير كده خالص…

⚡ الطفل هنا مش بيعترض…
هو بيدوّر على إجابة لأسئلة جواه:

“هل أنا طبيعي؟”
“هل أنا لوحدي؟”
“هل حياتي هتبقى صعبة؟”

وعلشان كده…
ردك لازم يجاوب على إحساسه… مش بس على السؤال 🤍

💡 مهم جدًا:
إنت مش مطلوب منك تسكّته…
إنت مطلوب منك تطمّنه

👶 طفل صغير (4–7 سنين)

في السن ده… الطفل محتاج أمان وبساطة قبل أي تفسير

“أنا شايفة إنك متضايق… وده طبيعي 🤍
تعالى في حضني

بص يا حبيبي…
جسمك محتاج مساعدة صغيرة علشان يبقى كويس

وإحنا هنعملها سوا 💙

وزي ما في أطفال بيلبسوا نضارة
في أطفال بياخدوا دوا
إنت كمان عندك حاجة بنساعد جسمك بيها

وإنت تقدر تلعب وتضحك وتعمل كل حاجة بتحبها
وأنا دايمًا معاك 🤝

وربنا دايمًا معانا… وبيحبنا 🤍”

✨ الهدف: احتواء + أمان + ربط ربنا بالحب

🧒 طفل متوسط (8–12 سنة)

هنا الطفل بدأ يفهم الاختلاف وبيوجعه فعلًا

“أنا فاهمة إحساسك… ومن حقك تحس كده 💔

بس خليني أقولك حاجة مهمة…
ده ابتلاء… بس مش عقاب

ربنا بيحبك وبيختار لكل واحد حاجة يقدر عليها وبناخد عليها حسنات 🤍

وإحنا هنتعلم سوا إزاي ندير الموضوع
علشان تعيش حياتك وتعمل كل حاجة بتحبها 💙

وفي أطفال كتير زيك…
وهنلاقيهم ونتعرف عليهم”

✨ الهدف: اعتراف بالمشاعر + أمل واقعي + دعم اجتماعي

🧑 مراهق (13+)

هنا السؤال أعمق… ومحتاج احترام

“أنا عارفة إن الموضوع تقيل…
ومش هقلل من إحساسك 💔

ومش لازم تحبه…
بس تقدر تتعامل معاه

ده ابتلاء…
بس ربنا مش بيحطك في حاجة علشان يكسرك
لكن علشان يقوّيك وعشان فيها خير ليك حتى لو مش شايفه دلوقتي🤍

والأهم…
إنك تتحكم في حياتك
مش المرض هو اللي يتحكم فيك 💙”

✨ الهدف: احترام + معنى + نديله الإحساس بالتحكم

💙 جملة جامعة لكل الأعمار:

“إنت مش لوحدك… إحنا معاك 🤍
ربنا معانا 🤲
وسهّل لنا العلاج…
وسهّل لنا إننا نتعلم
ورزقنا بناس شبهنا
نحس وسطهم إننا مش لوحدنا ❤️
هنعرف إن شاء الله نتعامل مع السكر
ونعيش ونفرح…
ونعمل كل حاجة نفسنا فيها
السكر مش هيوقفنا… هو موقفش غيرنا 💙”

⚡ افتكر دايمًا:
طفلك محتاج يسمع الأمان… قبل أي إجابة 🤍

💙 وخلّي بالك…
إنت مش بس بترد…
إنت بتربي عقل + نفس + علاقة مع ربنا 🤍

#دايت #سكري #ديتوبيا

لما ابنك/بنتك يقولك: "ليه أنا؟" 💔
بترد عليه/عليها تقوله إيه؟

اكتبولي ردودكم 👇
يمكن ردك يفيد أب وأم تانيين 🤍

ولو لسه مقريتيش البوست اللي فات اقراه من هنا هتفهم الحكايه 👇

https://www.facebook.com/share/p/1CLtDPGdnB/?mibextid=wwXIfr

وهجمع ردودكم وهقول أفضل رد للسؤال ده في البوست الجاي💙

#دايت #ديتوبيا #سكري #كوتشنج

في طفل كل يوم… 👶
بيقيس السكر قبل ما ياكل… 🩸
ويبص حواليه 👀

يلاقي كل اللي حواليه بيأكلوا عادي… 🍽️
من غير تفكير… من غير حسابات… من غير وخز…

وساعتها بييجي في باله سؤال بسيط…
بس تقيل جدًا 💔
"ليه أنا؟"

بس الحقيقة…
اللي مش باين أصعب بكتير

هو مش بس بيقيس…
ده بيحسب هيأكل إيه…
وبيحسب جرعته… 💉
ويستنى قبل ما يبدأ ياكل ⏳

قبل التمرين لازم يقيس…
ولو السكر عالي… ممكن مايدخلش التمرين اللي بيحبه 💔
ولو واطي… ممكن كمان يتمنع 😔

ممكن يكون داخل حصة…
كان مستنيها من زمان 🎯
وفجأة يحس بعدم تركيز…

يكتشف إنه محتاج يعالج هبوط 🩸
فيقعد ياكل ويستنى…

ولما يرجع يركز…
يلاقي جزء كبير من الحصة عدى…
واللحظة اللي كان مستنيها… راحت 💔

في المدرسة…
ممكن كل أصحابه بياكلوا… وهو لأ
لازم يستنى… لأن سكره عالي ⏳

وممكن حصة الألعاب…
تتمنع عنه ببساطة… لأن سكره واطي ⚠️

اللحظات دي…
ممكن تعدّي علينا كأهل عادي…
بس جواه… بتسيب إحساس إنه لوحده ومختلف 😔

ومع الوقت…
الإحساس ده ممكن يكبر…
ويبقى رفض… أو تعب نفسي… أو حتى إهمال في العلاج…

بس الفرق الحقيقي بيبدأ من هنا 👇

لما نحطه وسط أطفال شبهه 💙
أطفال بيقيسوا زيه…
بياخدوا إنسولين زيه…
وبيعيشوا حياتهم عادي جدًا ✨

فجأة نظرته لنفسه بتتغير…
"أنا مش لوحدي" 🤍
"في ناس زيي"
"أنا طبيعي"

الدعم مش رفاهية…
الدعم جزء من العلاج 🙏

يمكن جرعة الإنسولين بتظبط السكر… 🩸
بس الكوميونتي هو اللي بيظبط قلبه ونفسيته ❤️

لو أنت/ي أم أو أب…
خلي بالك من الحتة دي كويس جدًا ⚠️
دي مش تفصيلة… دي أساس الرحلة كلها

ابدأ من هنا 👇
خليه يكون جزء من كوميونتي داعم
Glura community زى مجتمع جلورا

وده لينك الواتساب 👇👇
[https://chat.whatsapp.com/GHiPJytKDcL7QtUO6SRoe2?mode=gi_t]

انضم لينا انت مش لوحدك 💙💙

#دايت #ديتوبيا #سكري #كوتشنج

الحمد لله من قلبي 🤍
كلامكم بعد الورشة مش مجرد Reviews… ده دعم وطاقة فرقو معايا جدًا ❤️
ممتنة لكل حد وثق فيا 🙏

🚨 خلاص… العدد قرب يكتمل!
🏃‍♂️ Run with Glura
مش مجرد Run… دي طاقة + دعم + مجتمع حقيقي 💙

لو كنت بتفكر تيجي…
فده وقت القرار 👇
📅 الاثنين 13 أبريل
⏰من 11 صباحا -4 مساء
📍 Agyal Park – ملاعب اجيال بارك جاردينيا (طريق السويس)
الحضور مجاني تماما 💙

✨ سواء أول مرة تجري
أو بقالك فترة… المكان ليك
⏳ الأماكن محدودة جدًا
👉 الحق احجز مكانك قبل ما يفوتك!
👇 لينك التسجيل في أول كومنت

🏃‍♂️💙 كل حاجة بتبدأ بخطوة… يمكن الخطوة دي تغيّر حياتك!
مش لازم تبقى جاهز 100%
كفاية إنك تحاول… وتيجي 💪✨

👶👩‍🦱👨‍🦱
أطفال وكبار… كلنا هنخوض التحدي سوا
هنجري… نتحرك… ونثبت إن السكري مش بيوقفنا 💙

🌸 Event شم النسيم مختلف
📅 الاثنين 13 أبريل
📍 ملاعب أجيال بارك – جاردينيا
⏰ من 11 صباحًا
حتى 4 مساء

مش بس هتنبسط…
هتتعلم حاجات هتفرق معاك في رحلتك مع السكر
وهتاخد طاقة تخليك تكمل 💥

🏃‍♂️ الرياضة مش رفاهية…
دي واحدة من أقوى الحاجات اللي بتساعدك تظبط السكر
ممكن تكون “العصاية السحرية” اللي مكنتش واخد بالك منها 👀✨

🔥 جاهز تاخد أول خطوة؟
📌 لينك الحجز في اول كومنت 👇
الايفنت مجانا لكن الاماكن محدوده سارع بالحجز 🏃‍♂️🏃‍♂️🏃‍♂️🏃‍♂️🏃‍♂️🏃‍♂️🏃‍♂️🏃‍♂️🏃‍♂️🏃‍♂️🏃‍♂️

💙 مستنيينك نجري سوا…
ونبدأ خطوة جديدة فعلاً ✨

🌿✨ Run with Glura – شم النسيم بشكل مختلف ✨🌿

السنة دي بنحتفل بـ شم النسيم بطريقة أقوى…
بطريقة فيها حركة، دعم، وطاقة حلوة 💚

📅 الاثنين 13 أبريل
📍 ملاعب أجيال بارك – جاردينيا
https://maps.app.goo.gl/cbY4P4sxVrWEtiGZ8?g_st=awb
⏰ من 11 صباحًا
حتى 4 مساء

جاهزين نجري سوا؟ 🏃‍♀️🏃‍♂️
مش سباق… دي رحلة دعم لكل حد عايش مع السكري من النوع الأول 💙

✨ هيكون معانا:
• Run خفيف/رمزي يناسب كل المستويات
• Capsules (محاضرات قصيرة جدًا ومفيدة)
• طاقة إيجابية + مجتمع فاهمك وبيشبهك

💥 الدخول مجاني
لكن الأماكن محدودة!

📌 احجز مكانك دلوقتي من خلال التسجيل في الفورم 👇
[ https://docs.google.com/forms/d/e/1FAIpQLSficZGBdJ5FZewvrNoNZKg7u9guBhEl5J9LXHCQ1oC1gD9SMw/viewform?usp=dialog ]

#