GDX Technology

جالنا عميل أول مرة نتعامل معاه…
كان واضح من البداية إنه متحمس جدًا وكل افكاره برا الصندوق ودي حاجه كويسه وبحبها ف الشغل ولحد هنا كل حاجة تمام 😅

بدأ يشرح لنا الحملة اللي عايزها
فيديوهات +موسيقى + مشاهد “ترند” على السوشيال ميديا.
أنا سمعت أفكاره بكل هدوء وبالأسلوب المعتاد رديت
تمام… هنشوف الفكرة ونظبطها بما يتناسب مع الضوابط عندنا

هنا حصل الصمت اللي قبل العاصفة 😭
العميل سأل:
ضوابط إيه؟

رديت بكل بساطه:
شغلنا ماشي وفق معايير شرعية وأخلاقية واضحة في المحتوى

الراجل ابتسم ابتسامة غريبة وقال:
يعني هتعملوا إعلان… بس من غير كل الحاجات اللي بتجيب مشاهدات؟

رديت:
المشاهدات تيجي وتروح… بس الضمير لازم يفضل ثابت

المفاجأة بقى إنه اتضايق شوية لا شوية اي ده جدا

وانتهى الاجتماع بدري…
واللينك بتاع المشروع اتقفل قبل ما يبتدي 😂

رجعنا نكمل شغلنا عادي
وأقول الجملة المعتادة اللي بقت شعارنا:
مش كل عميل مناسب… ومش كل ترند ينفع لنا

والحمد لله… ضميري مرتاح، حتى لو الشغل أهدى شوية ♥
#إعلانات #محتوي

GDX Technology