Possibly

لما بقعد أفكر فى شكل تطور مراحل التكنولوجيا خاصة بعد تحول التكنولوجيا وثورة المعلومات على جهاز بسيط أصغر من كف اليد، وإن فـ كل مرحله تقول إن دا أخر التطور التكنولوجى تلاقى تمادى أكبر من اللـ قبله.

يعنى لو حبينا نبدأ من وقت عولمة النت بداية من سنة 2000 الواحد كان فاكر الياهو والمُنتديات هو الأخر من الاول، لكن بمرور الوقت وبعدها بسنين بسيطه ظهور الفيس ودخول نظام الأندرويد على الخط وإنتشار التليفونات وسعرها الزهيد مقارنه بالبدايات، وتطور البرامج وكل يوم برنامج غير اللـ قبله، وبكل موضوعيه مفيش بيت إلا ودخله الانترنت على المستوي العالمى بشكل عام وعلى المستوي العربى بشكل خاص ما عدا مناطق محدوده جغرافيًا، لكن مع صعود الأقمار الصناعيه وستارلينك هيكون مُتاح لتغطية كل سنتى على الأرض.

تعالى بقي نروح للجزء المُهم، مؤخرًا وبسيرش بسيط هتقدر تكتشف إن فى تلاقى الأفكار اللـ بيحصل دا بتكون شايف إنسان عادى مُتدين وأنت شايفه على خير، هوب تصحى فى يوم تلاقيه ألحد، وتلاقى شخص كان بيواجه الله رأسًا كده إذا فجأه بدون أى مُقدمات تلاقيه تاب وتراجع. شوف كده الحديث النبوى بيقول إيه.

ثم تكون فتنة الدهيماء لا تدع أحداً من هذه الأمة ـ أي كل المسلمين ـ إلا لطمته لطمة، كلما قيل انقضت تمادت، يصبح الرجل مؤمنًا ويُمسى كافرًا، حتي يصير الناس إلي فُسطاطين فُسطاط إيمان لا نفاق فيه، وفسطاط نفاق لا إيمان فيه.

الدُهيماء تصغير الدهماء والتصغير هنا للتعظيم، والدُهيماء يعنى السوداء أو الظُلمه.

أى حد فى الفترات الاخير تلاقى لفظ السواد أو الظُلمه دا على لسانه تلقائى من هول اللـ بيشوفه او اللـ مش قادر يحتمله من اللـ بيحصل حواليه.

وبشكل كبير هتشوف نسبة الإلحاد خرافيه فى السنين الاخيره دا بجانب البُعد عن الدين.

بشكل كبير إن لطمة الأنترنت دخلت كل بيت، وفِكرة سوء الإستخدام وحُسنه للشئ مش معيار كافى .. يعنى انت بلمسة شاشه تقدر تجيب العالم دا كله تحت رجليك بكارت فكه، كمان تقدر تدخل أى موقع قايم على المُحرمات وياما قالوا هنشوف بس ونستطلع الدنيا فيها إيه وبيتسحبوا سحب، كمان اللطمه دى طالت الأطفال والشباب والناس الكبيره محدش فِعليًا غير ووقع فى فخ الانترنت.

اللـ بتبيع لحمها واللـ بيبيع دينه واللـ بيبيع نفسه واللـ يبيع اهل بيته علشان المُشاهدات واللـ بيسب ويلعن واللـ بيستغل ويبتز بنات الناس، واللـ بيمرر أفكار إبليسيه وهسيبلك القوس مفتوح تعد براحتك وتكتب، ولا تنتهى الفِتنه دى اللـ بظهور فتنه اعظم وهى الدجال فـ اخر فِتنة الدُهيماء، وفِعليًا الدجال بيظهر فى وقت اللاتكنولوجيا يعنى فى حاله من إنتهاء التطور التكنولوجى، وقتها هيكون الناس فريقين.

تقدر ببساطه تكتشف إن مساحة اللون الرمادى بتختفى فى البشر وفِعليًا هتلاقى فريقين فى المسار الزمنى بيتقسموا دلوقت واضحه وأى حد صاحب بصيره يقدر يكتشف دا سهل، وكله داخل الفِتنه دى أنت تقدر تميز ببساطه وانت قاعد على الفيس او تويتر أو أى موقع أو تطبيق على الانترنت.

إمتداد الفِتنه دى وهو الإمتداد الأخير، اللـ هو كل ما تقول وصلنا لأخر تطور الأنترنت يلطمك بلطمه جديده، وهو الميتاڤيرس ودا ليه ما بعده.

فى وقت ظهور الدجال وحالة الانقسام، هيكون كل اللـ تشبع بأى فتنه قبله على اتم الإستعداد للتعامل معاه والأيمان بوجوده علشان مفعول المُخدرات وأعراض الإنسحاب ظهرت عليه، وبناءًا على دا أتوقع حركة عزوف عن الانترنت من فئات مُعينه، وأتوقع برضو عملية التمايز ما بين اللـ ربنا كتب له الثبات وربنا يجعلنا منهم ومن اللـ رجله وقعت فى المحظور ربنا يعافينا.

الأخطر من دا كله هو الأطفال اللـ فعليًا مرتبطين إرتباط صعب بالأنترنت، أجيال كامله حديثة العهد لا يُمكن تنفك عن الأنترنت الرهان عليهم كبير ما بين التربيه والتشبع بأفكار غريبه.

مُجرد تصور شخصى، وربنا يعافينا.

مافيش حاجة ممكن تريحك نفسياً اكتر من انك تبقى درويش ماشي بنور الله لا بتقارن نفسك بحد، ولا بتحقد ع حد، ولا شايل من حد، ولا فاكر حتى اسم حد ، حبيبي ازيك هات بوسه؟

مازلت عاصياً و مازال ستّارا فاللهم استرني بسترك الجميل
واجعل تحت الستر ما يرضيك فـ طالما سترت
علي ما لا يرضيك 🤍🥀