RAMCO Academy

📢⛔ يعني ايه بيبسي وكوكاكولا بعد حملات مقاطعه شرسه وعنيفه في سوق المياه الغازيه المصري والعربي تقدر ترجع تاني للسوق بقوه وكمان تعلي سعرك بكل أريحيه .. هنا نقف عند كذا نقطه اللي بالمناسبه أغلبها ضعف من المنافس :

🛑 اول نقطه أن المنتجات المصريه ( في مجملها) مقدرتش تنافس لانها ببساطه اشتغلت علي الهوجه و (تريند) المقاطعه لكن في الحقيقه مشتغلتش علي جوهر المنتج product core quality يعني قدمت بديل مؤقت ردئ ( باستثناء V COLA) مع حالة الغضب ممكن يمشي لكن علي المدي الطويل انشكفت ويا حلو بانت لبتك 😏

🛑 البراند المصري كان مهتم اوي بفكرة (جمع الغنائم) أو المكسب اللحظي وقت المقاطعه اكتر من فكرة البراندنج وخلق عميل حقيقي بمبدأ لم دلوقتي علي اد ما تقدر ومفيش اي رؤيه لبعد الأزمه رؤية مندوب سيلز بحته 🙂

🛑 البراند المصري برده في المجمل لاني بأكد عاوز استثني V COLA حتكلم عنها في بوست تاني بس في المجمل البراند المصري اثبت انه يفتقد للرؤيه البعيده المدي تماما وده الفرق الجوهري دائما هو بيشتغل علي فكره حكسب ايه بعد وقت مش مهم حخسر ايه دلوقت بعكس المنتج المصري اللي ماشي بمبدأ احييني النهارده ووديني في داهيه بكره يا عم الحج بيزنس ورؤيه من بتاع كفر ابو قردان🫡

🛑 البراند المصري كانت ولا زالت تفتقد للكواليتي والجوده حتي مفيش مقاربه في الطعم وساعات بنحب نجدد لمجرد التجديد وتلاقي صاحب البراند أو الشركه هو اللي يقرر يجدد الطعم وكأنه البراند ملكه مش ملك المستهلك وهنا بنلاقي الفرق الشاسع بين زوق الناس وزوق الحج صاحب البراند missconnection ووقتها بقي صاحب الشركه مضطر يشرب المنتج ويبقي يعمل واحد جديد ولفي بينا يا دنيا 🤨

🛑 زيادة بيبسي وكوكاكولا بعد الازمه دي من الاخر بيطلعولنا لسانهم وحاطين ايديهم في وسطهم وبيقولوا للشركات المصريه ها خلصت يا كوكو طيب اقعد علي جنب بقي وشوف الشغل الصح ومتنساش تشتري بيبسي وتعيش اللحظه 😃

حينما يتحول التسويق الي كاميرا خفيه تضحك علي العميل وتديله حته من حقه بمبالغ مضاعفه ومش منطقيه .. هنا بيختفي تماما مبدأ ال customer satisfaction اللي في اول صفحه في كتب التسويق واول كلمه قالها عم كوتلر وبتتحول الشركه من كيان بيقدم قيمه علشان يرضي العميل ويحصل منها علي فائده لكيان أشبه بسجن انفرادي اللي نحطه للعميل يأكله من غير ما يفتح بقه وكمان حناخد منه فلوس أضعاف المنطق والعقل وفي النهايه مش حتلاقي غير صوت خدمة العملاء البارد اللي بيقلك اقدر اقدم لحضرتك اي مساعده يا فندم .. اه ياريت تدوني حقي !! 😭

#خدلك٠حته٠في٠التسويق
#الكاميرا٠الخفيه

من يومين الاسكندريه صحيت علي حملة غريبه اسمها (الفن مش رساله ) الموضوع كان مش لطيف وواحد اسكندراني قرر يصور الحمله وينشرها علي السوشيال ميديا !! هوب مباحث هوب تحريات هوب قبضوا علي أصحاب الحمله وطلع طبيب اسنان وصاحب شركة دعايه واعلان !! الحمله كانت في إطار ال teaer campaign أو الحملات ( التشويقيه ) علشان الناس تتكلم عنها كتير وكان مفروض ينزلوا بعدها بحملة (الفن عياده) 🥴🥴 وهنا الحمله التشويقيه قلبت بنكد لأن مش كل عباره اوجمله أو فكره تصلح تكون teaser campaign خصوصا لو بتتصادم مع ثقافة المجتمع وتوجهاته

ملحوظه : كان ممكن صاحب شركة الاعلان يحط علامة تعجب أو استفهام بعد جملة الفن مش رساله وتبقي عباره استفهماميه أو استنكاريه والاحسن يدور علي جملة تانيه محبكتش 😃

ال teaser فن مش عن عن يا اخوانا !!


#التسويق٠فن٠مش٠عنعن

المعلم شديد صاحب فرشة الخضار ماشي بمبدأ الصبي اللي يمشي يجي احسن منه ومتطمعش الصبي فيك علشان تفضل سايقه و لازم يشقي ويشيل الصخر ويطير في الجو ويثبت ولاءه لفرشة المعلم شديد ويكون احسن عصفوره !! 👁️👁️

بتكون النتيجه أن المعلم شديد بعد فتره بيلاقي نفسه لوحده هو والمروحه في الفرشه والدنيا بايظه وبيقول ياريت اللي جري ما كان !!

✅ يا معلم شديد الشركه مش محتاجه من الموظف غير انه يقوم بشغله صح يحافظ علي اسرار شغله يجتهد ويفكر بشكل مختلف مش لازم يمشي علي الميه ولا يطير في الهوا ولا حتي يتكلف ما لا يطيق علشان يثبتلك ولاءه وأنه يستحق يبقي موجود في فرشة المعلم شديد !!

✅ الموظف مش مضطر يضحي معاك ويشتغل ايام وساعات زياده بمرتب أقل من السوق بدافع ال loyalty ولما يجي يتكلم ويقول عاوز اغير وضعي بيكون الرد (انت ابن الشركه) !! ده اسمه ابتزاز تحت مسمي ال loyalty 🫡

✅ الموظف اللي معاك لو مشي مش حيجي احسن منه ده وهم انت بتقنع بيه نفسك علشان تداري علي فشلك لكن في الحقيقه حتدفع تكلفه كبيره اوي الموضوع مش سهل يا عم شديد وربنا يجعل وقتك سعيد 🥴

#خدلك٠حته٠في٠التسويق

#انا٠مش٠ابن٠الشركه

من زمان نفسنا في اعلان هادف يحذر وينبه ويكون بيقدم قيمه فعلا
الاعلان ده مفروض الدوله تعمله جايزه علشان تشجع صناع الميديا والتسويق يعملوا زيه
فكرة الربط بشكل عبقري بين الاكل الغير صحي وبين الدكتور 🫣 اختياراتك في الاكل ممكن توصلك لمكان زي المستشفي خلي بالك 🙂‍↕️
التصوير اكثر من رائع يحسسك انك مكان الراجل ده فعلا مش بس بتتفرج
وقايه واختيار صح لاكلك وحياتك حيحميك ادام
استخدام story telling ناجحه وجذابه وكمان مؤثره
الاعلان بيشتغل علي ال behavior وده اخطر اعلان ازاي اغير سلوكك واراهن علي وعيك
والاحلي أنه بيعملها بطريقه خفيفه كوميديه تضحك وتخليك تاخد بالك في نفس الوقت 😃
بعض النظر اني من عشاق الحلويات 😃

جائزه اوسكار احسن اعلان في مصر يستاهلها عن جداره

#سحرـ التسويق
#اعلاناتـ رمضان

خليك مؤمن جدا باللي بتعمله واجتهد وحسن من نفسك حتوصل .. كلنا بنشجع كابتن حسام ومنتخبنا علشان نوصل لآخر محطه علشان مفيش مستحيل ✊✅💪🏆

#هاتولناالكأس

فرع من فروع مطعم جاد فتح جنبنا من وقت قريب .. اول يوم كسر الدنيا .. تاني يوم تمام .. الاسبوع التاني الاكل مبقاش بنفس الجوده والتعامل مع الزبائن بقي بارد والديلفري بقي سئ جدا 😏

من سنه فيه واحد فتح مطعم فول وطعميه جنب البيت اشتريت منه معجبنيش بعدها بشهر كنت راجع من شغلي وقررت اكرر التجربه تاني حسيت بتحسن رهيب في جودة الاكل والتعامل والخامات !!

Convert the bad experience !!

هنا نظرية ال Brand Quality Assurance
يعني ضمان أن المنتج حيكون بنفس الجوده كل مره بتشريه نفس الشكل نفس الطعم نفس التعامل في كل مره العميل بيشتري المنتج أو الخدمه لازم يعيش نفس التجربه بحذافيرها

The same experience every time ✅✅

طب لما ده يحصل : ✊

العميل حيرتاح وينبسط peace of mind 🥳
علاقة حب مع البراند Emotional connection 😍
حيثق في البراند brand trust 🫡
حيحب البراند لدرجة أنه ينتمي ليه مش حيشتري غيره Brand Loyalty 🤗
دعايه مجانيه يقوم بيها العميل للبراند word of mouth

الثبات consistency = ثقه trust

قصة النجاح والموت ..
✅خمسه من اشهر وانجح الشخصيات في عالم الاعلانات الهوليوديه بيموتوا بمشاكل في الرئه بين سرطان وتضخم !!
بس العامل المشترك بين ال ٥ شخصيات وكلمة السر هي (مارلبورو) !!

في العشرينات شركة (فيليب موريس) طرحت سجائر✅ (مارلبورو) الشهيره ودي كانت السجائر النسائيه وكان الانطباع عند الناس أن السجائر ده بتاعة الستات والناس التوتو اللي مبتستحملش الدخان وده خلي سوقها هادي ومبيعاتها قليله !! طب نعمل ايه ؟! 🤔 نعمل حمله اعلانيه نقدم من خلالها شخصيه ال( cow boy) أو راعي البقر وده شخصيه (خشنه ملامحها قاسيه وحاده صلب قلبه ميت راكب حصان بيدخن) حاجه كده زي الكبير بتاع امريكا perception and brand persona !! كل ده علشان الصوره الذهنيه عن مارلبورو تتغير وتبقي بتاعة الرجاله الجامده وده فعلا قلب الدنيا وخلي مارلبورو في الصداره وحققت نجاح مذهل !!🚬🚬 بس للاسف طباخ السم بيدوقه .. كل الممثلين اللي شاركوا في اعلانات مارلبورو ماتوا بأعراض سرطان الرئه🥴 : (ديفيد ميلر) (واين مكلارين) (ديفيد مكلارين) (ريتشارد هامر) (ايريك لاوسون) علي اد ما حققوا نجاح كبير لمارلبورو علي اد ما كانت نهايتهم مؤسفه !!

الطريف أن واين ماكلارين اللي كان واحد من نجوم اعلانات🚬 مارلبورو واللي حقق النجاح المذهل لما جاله سرطان في التسعينيات اتحول لناشط ضد التدخين !! مش بس كده ده رفع قضيه علي شركة (موريس) صاحبة مارلبورو لدرجة أن مارلبورو ردت وقالت ولا نعرفه ولا عمرنا شفناه 😀 السوائل عمرك شفت نداله اكتر من كده 😏