Smsm macrame

ستارتي العملاقه 🥰🌹

الفيديو نزل يا بنات اتنمني يعجبكم وتنفذوه وتوروني ابداعاتكم 🥰🤗

طقم مراية وحوامل شموع مكرمية بتصميم أوراق ثلاثية الأبعاد 🌿 Enjoy the videos and music you love, upload original content, and share it all with friends, family, and the world on YouTube.

بيبي يحي 💙

جداريتي 🤗🌹

رسميا تم العمل بفضل الله ❤️
الفيديو كامل بكره علي قناه اليوتيوب ✨


تعديل
الفيديو نزل 🤗

https://youtu.be/c2dvRIdVKn0?si=6TkEY1YowdAwiTqd

عملت مفرش كروشيه 😍

لو حد طلب مني نصيحة في التعلم، هقوله: اسأل، لكن ما تعتمدش إن إجابة الناس هي اللي هتمشيك.
أنا في البداية كنت بتكسف أسأل أصلًا، ولما سألت كام مرة ما لقيتش الإجابات اللي كنت بدور عليها، فقررت أرمي نفسي في البحر.
حرفيًا كنت بشتغل على حاجات وأنا مش فاهمة هي اتعملت إزاي، ولا اتحسبت إزاي، ولا السر وراها إيه. كنت بقعد أجرب وأغلط وأفكك وأركب وأرجع من الأول تاني.
ولحد النهاردة ما زلت بعمل كده.
في حاجات كتير جدًا فضلت ألف حواليها أيام، وساعات ما كنتش بنام كويس عشان أفهم تفصيلة صغيرة أو أفك شفرة فكرة معينة. مش لأن حد قال لي الإجابة، لكن لأن فضولي كان أكبر من إني أستسلم.
اسألوا الناس واتعلموا من خبراتهم طبعًا، لكن ما تزعلوش لو حد ما ردش أو ما عرفش يساعد. دي طبيعة البشر، والناس عندها ظروفها وانشغالاتها.
اللي يرد عليك مرة يمكن ما يردش التانية، واللي ما ردش النهاردة يمكن يساعدك بكرة.
لكن الحاجة الوحيدة المضمونة فعلًا هي محاولتك أنت.
اغلطوا، وجربوا، واخسروا شوية خيط أو شوية وقت في سبيل التعلم. ساعات الغلطة نفسها بتعلم أكتر من مية إجابة جاهزة.
وأؤمن دائمًا إن اللي بيتعب في البحث والمحاولة، عمره ما بيضيع.

انا جاهزه انتي جاهزه ✨🤗
مين مستني فيديو الطقم القمر دا يكتب انااا 😅❤️❤️

حساب طول الستاره بطريقه بسيطه ✨
الطريقة دي بتبقى دقيقة جدًا لو هتشتغلي بنفس التصميم، ونفس نوع الخيط، ونفس العقدة، ونفس طريقة الشد. لو أي حاجة من دول اتغيرت ممكن استهلاك الخيط يختلف شوية.
✂️ قاعدة حساب أطوال خيوط المكرمية:
لو عندك:
طول الخيط الأصلي = أ
والطول النهائي بعد الشغل = ب
وإنتِ عايزة تعملي نفس التصميم بطول نهائي جديد = ج
يبقى طول الخيط الجديد هيتحسب كده:
(أ × ج) ÷ ب
✅ مثال:
خيط الستاره طوله 6 متر.
بعد الشغل إداني طول نهائي 220 سم.
لو عايزة أنفذ نفس التصميم بطول نهائي 270 سم:
(6 × 270) ÷ 220 = 7.36 متر
يعني هحتاج خيط طوله حوالي 7.4 متر.
🌿 بالطريقة دي تقدري تحسبي أي طول جديد لأي تصميم عملتيه قبل كده من غير ما تعيدي التجارب أو التخمين.