Yolande Trading

عرووووض العوده

كل عام و انتم جميعا بالف خير

ساعات بيكون غلطك كله متلخّص في كلمة واحدة:
"عودتهم"

عودتهم إنك ما بتزعلش، فـ مبقاش حد بيحسب حساب زعلك
عودتهم إنك بتسكت وبتعدّي، فـ بقوا بيتمادوا ويجو عليك
عودتهم إنك بتضحّي وبتريحهم، حتى على حساب نفسك،
فـ ارتاحوا لراحتهم… ونسوا راحتك!

عودتهم توافق، وتطاوع، وتقول "ماشي"
فـ بقى ده الطبيعي… وحق مكتسب من غير ما يسألوا حتى نفسك فين!

بس خليني أقولك الحقيقة المرّة:
الغلط مش في اللي أخد منك كتير وماقدّرش
الغلط الحقيقي فيك إنت… لإنك عوّدتهم ياخدوا
وأنت سايب نفسك… من غير حساب!

إزاي تطلب من الناس يراعوا حدود،
وانت ما رسمتهاش من الأول؟

احفظ لنفسك قيمتها… لأنك غالي أوي عند ربنا
وكل مرة بتسكت عن حقك، أنت مش بتتسامح…
أنت بتمحي جزء منك.♥️

"الوجع الصامت"
كسر الخاطر وجع مبيبانش ومبيتكلمش
، بس بيقعد جوه القلب يوَجع بصمت.
ماتستقلّش بكلمة، ولا بنظرة، ولا بردّ بارد...
ممكن تكون بالنسبالك بسيطة،
بس عند اللي قدامك كانت القشة اللي قصمت قلبه 💔
خد بالك من الناس اللي بتحبك...
اللي بتحاول، وبتعدّي، وبتسكت علشان ماتكسرش...
ماينفعش تكسرهم بإيدك وانت أغلى عندهم من الدنيا!
جبر الخواطر مش ضعف...
ده أصل من أصول الجدعنة، وسُنة ماشية على الأرض.
اختار كلامك، خليك حنين، وخلي عندك ضهر نظيف قدام ربنا...
لأن القلوب مش لعبة، والخواطر مش عظام تتجبّر بسهولة.

Waaaaw