RanarGraphics

Better late than never. 🌟

Joining the .now trend with a selection of my favorite marks and logos.
Some are being shared for the first time. 💙

​

Day08 🌟🌟
Aura Skin
Natural SkinCare Store

Day07 🌟🌟
Verda
Landscaping, Eco-design
Solutions for green, mindful spaces

Day05 🌟🌟
22 Cafe
Coffee Shop

Day04 🌟🌟
Khubza خُبــــزة
Lebanese bakery

Logo Julio Challenge🌟🌟
Day03
Grand Egyptian Museum

Logo Julio challenge 🌟🌟
Day01
CAAS | كأس
Coffee Shop

استكمالاً لسلسلة خطوات مشروعي WeWind المرشح في مسابقة Gridliners 🌟
في البوست اللي فات، اتكلمت عن الخطوات اللي بنيت عليها الأساس الاستراتيجي. النهارده هنتكلم عن المرحلة اللي ببدأ فيها أترجم الاستراتيجية لاتجاه بصري، وهي مرحلة المفاهيم البصرية (Visual Concepts).

بعد ما اكتملت الصورة عندي من البريف والبحث، بدأت أشتغل على الأفكار البصرية
الخطوات اللي مشيت عليها في المرحلة دي كانت كالآتي:

العصف الذهني (Brainstorming):
وهنا ببدأ اجمع كل الkeywords اللي بتعبر عن المجال عموما والبراند خصوصا وهنا انا بحب استخدم اداة الmind map من كتاب how to design a logo بتخلي الموضوع مرتب وبتبقى موضحة كل جوانب البراند وضفت الصورة هنا وتقدروا تعرفوا اكتر عنها من الكتاب او من الcase study اللي قدمتها أستاذة هديل في موقع ينفع:
https://yanfaa.com/eg/single/A_Study_in_Brand_Building

المود بورد (Mood Board):
هنا انا عملت stylescape وهي بتبقى ادق شوية من المود بورد، جمعت صور، ألوان، وخطوط من مصادر مختلفة عشان أوصل للـ "Feeling" اللي عايزاه للبراند. في المرحلة دي كنت بختار الحاجات اللي تعبر عن طاقة الرياح، السرعة، والاستدامة.

التوجه التصميمي (Design Direction):
قررت أشتغل على تصميم بيعكس ديناميكية طاقة الرياح، مع لمسة بسيطة تعبر عن التكنولوجيا والاستدامة.

الرسم الأولي (Sketching):
بدأت أرسم أفكار أولية لشعار البراند (Logo) باستخدام الmind map ابتديت اعمل matching بين الكلمات و العناصر، كنت بجرب أكتر من فكرة عشان أوصل للشكل اللي بيعبر عن هوية البراند.

تنفيذ التصميم (Design Ex*****on):
بعد ما اخترت الاتجاه المناسب، بدأت أشتغل على التصميم واخترت ألوان تعبر عن الاستدامة (زي الأخضر والأزرق) وخطوط واضحة بتعكس البساطة والحداثة.

النتيجة؟
قدرت أوصل لشعار يعبر عن البراند بشكل واضح وبسيط، وكان بداية للتطبيقات البصرية اللي هتكلم عنها في البوست الجاي.

لو حابين تدعموني بالتصويت في المسابقة تقدروا من خلال اللينك ده او في ال bio:
https://gridliners.com/awards/

هتلاقوا كل التفاصيل في المشروع كامل من هنا (Behance presentation & brand strategy PDF):
https://gridliners.com/awards/portfolio/wewind-2/

Is this useful?

استكمالاً لسلسلة خطوات مشروعي WeWind المرشح في مسابقة 🌟 وبعد ما اتكلمت في البوست اللي فات عن البريف، نيجي للخطوة اللي بعدها وهي البحث (Research):
هنا بدأت أفهم عن المجال أكتر وأتعرف على الـprocess بتمشي إزاي، وإيه هي طواحين الهواء، بتتكون من إيه، وبتتركب أو بتتبني إزاي.
المرحلة دي بتسرق الوقت جدًا لو الواحد سرح فيها، وأحيانًا بتخليني أدخل في تفاصيل التفاصيل. بس عمومًا، اللي بيحصل وقتها إنّي بندمج في الـindustry بشكل كبير، وبتبدأ الصورة تتكون عندي واحدة واحدة.
بدأت أجمع كل الداتا اللي ليها علاقة بالمجال في فولدر، سواء كانت صور، مواقع، معلومات، أو فيديوهات. وفي المرحلة دي مكنتش بدور خالص من الناحية التصميمة، كنت مركزة بس على جمع معلومات عن المجال نفسه.
بعد كده، بدأت أبني البراند استراتيجي بناءً على المعلومات اللي جمعتها من البريف والبحث.
طبعًا، البراند استراتيجي مجال واسع جدًا ومليان تفاصيل، لكن أنا ركزت على الأساسيات اللي هتساعدني أوصل للـdirection والتصميم بشكل واضح، زي ايه؟

تفاصيل عن البيزنس (Business Details):
بتوضح طبيعة البيزنس والخدمات أو المنتجات اللي بيقدمها.

الهدف (Purpose):
الغرض الأساسي من وجوده، يعني المشكلة اللي بيحلها أو القيمة اللي بيقدمها للعملاء.

الجمهور المستهدف (Target Audience):
مين الفئة اللي بيخاطبها؟ وإيه اهتماماتهم واحتياجاتهم؟

دراسة المنافسين (Competitor Analysis):
مين المنافسين في السوق؟ إيه نقاط قوتهم وضعفهم؟ ده بيساعدنا نحدد الفرص اللي نقدر نتميز بيها.

الرؤية (Vision):
إزاي شايف نفسه مستقبلاً؟ وعايز يوصل لفين؟

الرسالة (Mission):
إيه الخطوات اليومية أو المهمة اللي هيشتغل عليها عشان يحقق رؤيته؟

القيم (Values):
المبادئ اللي بتحدد شخصية البراند وبتأثر على قراراته وسلوكياته في التعامل مع العملاء.

شخصية العلامة التجارية (Brand Personality):
الصفات اللي بتحدد البراند لو كان شخص. هل هو رسمي؟ عصري؟ ودود؟ مغامر؟

نبرة الصوت (Tone of Voice):
إزاي البراند بيتكلم مع عملاؤه؟ بأسلوب رسمي، ودود، أو بسيط؟ ده بيساعد في خلق شخصية البراند.

المكانة السوقية (Positioning):
إيه اللي بيميز البراند عن المنافسين؟ وإيه الصورة اللي عايز يثبتها في ذهن الجمهور؟

الشعار (Brand Tagline):
جملة قصيرة بتلخص روح البراند ورسالته، والهدف منها إنها تكون سهلة التذكر وتعبر عن القيمة اللي البراند بيقدمها.

لو حابين تدعموني بالتصويت في المسابقة تقدروا من خلال اللينك ده (موجود في ال bio)
https://gridliners.com/awards/

سعيدة بتأهل مشروعي في فئة الهوية البصرية لمسابقة حدث
Graphic Design بالعربي
🌹🌟🌟