Nursing Notes

ماذا بعد بكالوريوس التمريض ؟؟
اهم بوست لأي طالب في كلية تمريض بعد التخرج

1 - اولا: الماستر "الماجستير"

قبل ما اتكلم عنه انا عايز اعرفك الأول ايه هي اقسام الكليه الي زي ما قولتلك بتدرس منها واحد او اتنين كل سنه

1 - تمريض باطنه و جراحه (Medical Surgical)
2 - تمريض نسا و ولاده (Obs & Gynae)
3 - تمريض اطفال (Pediatric)
4 - تمريض نفسي (Psychiatric)
5 - تمريض مسنين (Geriatric)
6 - تمريض صحة مجتمع (Community Nursing)
7 - ادارة تمريض (Nursing Administration)

في الماجستير او زي ما بيقولوا عليه (الماستر)، انت بتختار قسم من الاقسام دول و تتخصص فيه بشرط ان تقديرك في القسم ده ميقلش عن جيد

مدة الدراسه بتكون حوالي 2 - 3 سنين، طب مميزاته ايه؟

ليك احقيه في التقديم على عضو هيئه تدريس في الكليه في حال الاحتياج ويسلام لو معاك حاجه كمان هقولك عليها بعدين

- زياده في المرتب "مش كتير بس مقبوله"

- بيقلل عدد السنين الي هتطلع فيها من الدرجه التالته للدرجه الثانيه ودي حاجه لطيفه"

بالمناسبه خريج اي كليه طبيه بيتعين ع الدرجه التالته ف مفيهاش قله يعني انك درجه تالته"

2 - ثانياً "الدكتوراه"

- بتوصل ليفل الوحش في التخصص الي عملت فيه ماجستير بتكون رقم 1 كحق التدريس لو محتاجين

- زياده حلوه في المرتب ويسلام لو انت استااف تدريس

- في حاله اختارت نسا و ولاده ف ساعتها ممكن تفتح عياده ولاده بشرط تكون الولاده طبيعيه بس ودا طبعاً لو الوزارة صرحتلك بدا

بعد كدا نيجي لطريق تاني مفتوح الا و هو "الزماله"، مفتوحلك كذا زماله زي...

1 - زماله الارواء القلبي"
في عمليات القلب المفتوح بيتحط القلب على جهاز الارواء ودور التمريض هنا مراقبه الجهاز و القلب و تظبيط الاوامر للجهاز ودي اجمد واهم زماله ممكن تاخدها"
2 - زماله التحكم بالعدوى
3 - زماله التخدير
4 - زماله الاطفال
5 - زماله المعلوماتيه الصحيه
6 - زماله القلب الصناعي

3 - تالت طريق مفتوحلك "الدبلومات"

1 - "دبلومه الجوده"

مدة دراستها سنه واحده، بتخرج منها اخصائي جوده، شغلك بيبقى عباره عن مراقب لاي حد شغال في المستشفى بتتأكد انه شغال بمعاير الجوده المطلوبه، كل شغلك فيها اداري

2 - "دبلومه مكافحة العدوى"

مدة الدراسه سنه ونص، بتخرج منها اسمك اخصائي مكافحة عدوى، شغلك بتبقى مراقب لاي حد شغال في المستشفى بتتأكد انه محافظ على معايير النظافه والتعقيم

3 - "دبلومة الادارة"

مدة الدراسه سنه واحده، بعيدا ان البكالريوس يؤهلك للاشراف لكن دبلومة الاداره بتضمنهولك اكتر وبيبقى ليك الحق في المناصب الاداريه والاشراف بشكل أكبر

4 - رابع طريق مفتوحلك "اكاديميات الشرطه"

بتدرس سنه واحده بعد ما كانت 6 شهور سواء في حربيه او شرطه، بتؤهلك للشغل في المستشفيات العسكريه و بيبقى المسمى بتاعك ملازم اول اخصائي تمريض وحاجه اخر فخامه

اكبر مميزتها في المستوى المادي والاجتماعي المريح جدا بتاعها لكن من عيوبها نظام الشغل الصارم الي مش كل الناس بتستحمله.

شوف بقا المجال مش مقتصر علي سرنجه وكانيولا ازاي 🤓؟

صحوة الموت اللي بتجيلي بعد ١٢ ساعة نوم تخليني أقوم أشخصنها مع الشابتر و تنتهي بصفحتين و نص و كريب نوتيلا عشان هبطت

دماغي بعد ما حشيت فيها ال١٤ شابتر ليله الامتحان..
وفي الآخر رحت اللجنه نسيت كل حاجة

قاعد مش عارف أحط قلم في المقالي الواد الي قدامي =

هصلي العيد ومعلقتين فته وراجعلك ياغاليه

🩺✨ أولاً كل سنة وأنتم طيبين بمناسبة عيد الأضحى المبارك، أعاده الله علينا وعليكم بالخير والسعادة ❤️

ثانيًا… بما إن العيد عيد لحمة 🥩
وكتر أكل اللحوم والدهون ممكن يسبب مشاكل صحية، فواحدة من أشهر المشاكل اللي بنشوفها في العيد هي:
⚠️ Biliary Colic (المغص المراري)

وده موضوعنا النهارده 👇
تعالوا نتكلم بسرعة:
ايه أسبابه؟
وازاي أتعامل معاه؟
وايه الفرق بينه وبين التهاب المرارة؟
وايه العلاج؟
وازاي أحمي نفسي منه؟

📌 يعني ايه Biliary Colic؟
هو ألم شديد بيحصل بسبب وجود حصوات في المرارة بتسد القناة المرارية بشكل مؤقت من غير ما يحصل التهاب.

📌 ايه السبب؟
بعد الأكل الدسم المرارة بتنقبض علشان تساعد في هضم الدهون، ولو فيه حصوة ممكن تتحرك وتقفل القناة المرارية فتسبب ألم مفاجئ وشديد.

📌 الأعراض:
🔸 ألم شديد أعلى البطن ناحية اليمين
🔸 ممكن يمتد للكتف أو الضهر
🔸 بيظهر غالبًا بعد الأكل الدسم
🔸 غثيان أو ترجيع
🔸 وغالبًا بيستمر أقل من 6 ساعات

📌 الفرق بينه وبين التهاب المرارة؟
🟡 Biliary Colic:
✔️ انسداد مؤقت
✔️ بدون التهاب
✔️ الألم أقل من 6 ساعات
✔️ غالبًا بدون سخونية

🔴 Acute Cholecystitis:
❌ انسداد مستمر
❌ التهاب في المرارة
❌ الألم أكتر من 6 ساعات
❌ سخونية وترجيع وتعب أشد

📌 العلاج:
✅ تقليل الدهون
✅ مسكنات تحت إشراف طبي
✅ شرب مياه كويس
✅ والمتابعة مهمة لأن بعض الحالات بتحتاج استئصال المرارة

📌 الوقاية:
✔️ متكترش أكل دهون مرة واحدة
✔️ قلل الليات والأكل الدسم
✔️ متنامش بعد الأكل
✔️ لو عندك حصوات مرارة خليك حذر جدًا

📸 والصورة المرفقة موضحة الفرق بين المغص المراري والتهاب المرارة بشكل طبي مبسط.

العيد فرحة ❤️
فخلي أكلك باعتدال علشان ميقلبش مغص وزيارة للطوارئ 😅

#عيدمبارك #عيدلحمه #تمريض #طواري

أنا الساعة ٣ الفجر لما اكتشفت إن المحاضرات ١٢ ملف PDF

لما تفضل تتعلم 17 سنه وفي الاخر تشتغل في مستشفي جامعي بي 5500 بدون وجبه

تعالوا نتكلم بسرعة عن 🫀
Congestive Heart Failure (CHF) | فشل عضلة القلب الاحتقاني

📌 أول حاجة.. يعني إيه CHF؟
فشل عضلة القلب الاحتقاني معناه إن القلب مبقاش قادر يضخ الدم بكفاءة كافية علشان يلبي احتياجات الجسم، وده بيؤدي لتجمع السوائل في الرئتين أو الجسم حسب الجزء المصاب من القلب.

📌 طيب إيه الأنواع؟

🔹 Left-sided Heart Failure (فشل الجهة اليسرى)
الدم يرجع ويتجمع في الرئتين ➜ فيظهر على المريض:
• ضيق تنفس 😮‍💨
• كحة
• تعب وإرهاق
• صعوبة في النوم وهو مسطح
• Crackles في الرئة
• Pulmonary edema

🔹 Right-sided Heart Failure (فشل الجهة اليمنى)
الدم يتجمع في الجسم والأطراف ➜ فيظهر:
• تورم الرجلين (Edema)
• زيادة في الوزن بسبب احتباس السوائل
• انتفاخ أوردة الرقبة (JVD)
• Ascites
• تضخم الكبد
• تعب وضعف عام

⚠️ طيب مين أكتر الناس المعرضين للإصابة؟
• مرضى ارتفاع ضغط الدم
• مرضى الشرايين التاجية
• مشاكل صمامات القلب
• العيوب الخِلقية بالقلب
• التهابات القلب

🩺 طيب إزاي نقدر نشخصه؟
• Echocardiography لتقييم كفاءة ضخ القلب (EF)
• BNP
• وظائف الكلى والأملاح

👨‍⚕️ دور التمريض مهم جدًا في متابعة الحالة:
✔️ متابعة العلامات الحيوية وO2 sat
✔️ متابعة الوزن يوميًا
✔️ تقييم وجود edema أو crackles
✔️ تنظيم السوائل والأملاح
✔️ إعطاء الأدوية والأكسجين حسب أوامر الطبيب

📖 طيب إيه الحاجات اللي المفروض المريض ياخد باله منها؟
• تقليل الملح في الأكل 🧂
• تجنب المعلبات والأطعمة عالية الصوديوم
• الراحة مع نشاط خفيف مناسب
• متابعة أي زيادة مفاجئة في الوزن
• التوجه للطبيب عند زيادة ضيق التنفس أو التورم

💙 لو حبيت المحتوى وحابب تستفيد أكتر في التمريض والحالات الطبية، اعمل Follow لصفحة Nursing Notes.