Ahmed elsayed

بعض الأسباب للمشكلة دى بتكون : ١_الصفات المسببة للعادت اللى بترفضها في الاخرين بتبقى موجوده جواك وبتكون رافضها وغير متقبل ليها فلو انت مثلا شخص غير منجز وشوفت شخص تانى كسول هتضايق منه لانه بيفكرك بضعفك فالحته دى فانت هنا مش رافض الشخص نفسه ( ولكن رافض سلوكه لانه بيلمس على نقاط الضعف اللى انت بتحاول تهرب من مواجهتها وحلها ) أو – ٢_ أنك تكون بتعمل اسقاط على الطرف الاخر ( صفات انت رافضها فنفسك ومش عارف تغيرها ،فتقوم ترميها على الطرف التانى وتتهمه بيها فتضايق منه وترفضه عشانها ) وتبقى عاوزه يغير من نفسه فحاجه مش موجوده فيه أصلا بعض النقاط للتعامل مع المشكلة : ١_ لما تلائيك رافض سلوك شخص ( أسال نفسك ايه السلوك المشابه اللى بعمله ،او الصفه اللى رفضها فنفسى )وغير منهم ٢_ قلل من انتقادك لذاتك فكثره الانتقاد للذات تنعكس في انتقادك للاخر ورفضه ٣_حاول التركيز على مميزاتك ومميزات الطرف التانى أكتر لو بتعانى من المشكلة دى تقدر( تقدرى )تتواصلى معانا من خلال ارسال رساله على الرقم الظاهر بالاسفل لحجز جلسه نقدر نساعدك فيها على تقبل نفسك والآخرين لتنعم بعلاقات هادئه ومتوازنه واتساب / 01062795014 أحمد السيد لايف _كوتش #لايف_كوتش #تطويرذات #الوعى #lifecoaching

مرايات :
ان حد يحبك دي حاجة عادية
وأن حد يكرهك برده حاجة عادية

ان حد يشوف دمك خفيف عادي
وان حد يشوف دمك تقيل برده عادي

ان حد يشوفك امور عادي
وان حد يشوفك شكلك وحش برده عادي

اللى مش عادى انك تحكم على نفسك على حسب ما الناس شيفاك

لأن الناس فالأول والاخر هى مرايات بتعدى عليها
اهم حاجه تكون عارف نفسك كويس . متقبلها. متصالح معاها

اعرف نفسك كويس ومتقعدش تغير نظرتك ليها مع كل مرايه بتعدى عليها

( أنا هو أنا مهما اختلفت المرايات 🙂 )

أحمد السيد 🙂

❤️_ الفرق بين التسليم والاستسلام
_التسليم هو الأخذ بالاسباب مع اليقين بأن الله لا يضيع أجر من أحسن عملا

أما الاستسلام .. فى منه شكلين
١_ أخذ بالاسباب برضو ولكن مع ضعف اليقين
( اللى هو بسعى بس شايف أن سعيى ملوش لزمه )

٢_أو الوصول مع الوقت لمرحلة عدم الأخذ بالاسباب
( يأس.. اللى هو مهما اعمل مفيش فايده .. يبقى اعمل ليه )

حدد حالك الآن.. تسليم أم استسلام

#ببساطه
أحمد السيد

قال الكاتب ( أحمد خالد توفيق )

قد يبدو لك أنني حزين ، لكني في الحقيقة تائه ، و هذا أسوأ إن كنت تعلم

— خلينا نعمل التعديل المناسب على الجمله
ونقول ...
أن التوهان هو أول خطوات الوصول لطريقك المناسب
لان التائه يبحث عن الطريق ، عن المخرج

أما الحزين هو فالغالب جالس مكانه يبكى ويندم على ما مضى

فلو أنت الآن بتمر بمرحلة التوهان .. تفائل فهى مجرد خطوه ع الطريق

قد تحتاج لمرشد ودليل يساعدك على الوصول بسهوله ويسر أكتر

#ببساطة
أحمد السيد 🙂

أحبُ جدًا آية
‏ {‌‎وَلَقَد مَننَّا عَلَيكَ مرَّةً أُخرَى}،

لأنها تُذكرني دومًا أن الله لم يُنعم علينا مرة واحدة أو أكرمنا مرة واحدة ولا رزقنا مرة أو لطف بنا مرة، بل أن حياتنا كلها مليئة بنعم وكرم من الله وأرزاق وألطاف متجددة، في كل وقت وفي كل ضائقة، حتى إيمانك بكرم الله يُعد عبادة، وتيقنك بعطاياه طمأنينة لا تنقطع

تذكر ما عندك من نعم واشكر الله عليها لتزيد ( ولئن شكرتم لازيدنكم ) 😊

التأجيل هو إللى بيمنعك أنك تعيش الحياه
لأنك مستنى يحصل كذا عشان تفرح عشان تحس الحياه
شوف بقالك أد ايه مستنى
مش ناوى تفكر بشكل مختلف وتغير من شكل حياتك

لما كل يوم هتستهلك وقتك وطاقتك فالقلق والزعل والخنقه واليأس
هيفضلك أيه تعيش بيه يومك