Dr.Rasha Fathy د. رشا فتحى

سؤال بتسأله كتيير ايه رأيك فى نظام الطيبات ؟؟!!
انا بسكت خالص قدام السؤال ده ..
لانه فين السؤال حقيقى ؟🙂
هناكل اية لو كل الاكل غلط ووحش ؟!
الادوية مينفعش نوقف الانسولين لمرضى سكر النوع الاول ولا ادوية الأمراض المزمنة طبعا ...
ومفيش نظام غذائي يكفى كبديل للدواء للحالات اللى محتاجة تدخل طبى ..
✨️ لا شك انه التغذية السليمة بتساعد بنسبة كبيرة فى العلاج وممكن ساعتها جرعات الدواء بتقل أو تتعدل لكن تحت إشراف طبى متخصص ... مش من نفسنا خالص
وشكراا
#تغذية

سؤال تقريبا بتسأله كل يوم ؟!!
دكتورة هو انا لما اعمل دايت واروح جيم هخس قد ايه ؟
طيب لو اخدت حقن التخسيس هتخسسنى قد ايه ؟
الحقيقة انه مفيش اجابة ثابتة ومحددة للسؤال ده...
✨️لان مفيش جسم شبه التانى ...
كل شخص مختلف ، جسمك مختلف ، معدل الحرق مختلف ، وطريقة استجابة جسمك للدايت أو الرياضة أو حقن التخسيس مختلفة برضو ...
✨️اللى اقدر اوعدك بيه هو انه مع المتابعة السليمة والاهتمام بكل جوانب صحتك هتعرف تشوف نتايج كويسة 🙏♥️
#تغذية

ليه وزنك ثابت رغم انه بتعمل دايت 👇
بتبقى ملتزم وحارم نفسك وبرضو مش بتقل على الميزان
💡 الحقيقة المهمة اللى لازم تعرفها هو انه الميزان مش دايمًا هو المقياس 👀
ممكن وزنك ثابت… لكن المقاسات بتقل وده معناه إنك بتخس دهون فعلًا ✅️
❗ لكن لو مفيش تغيير لا في الميزان ولا المقاسات يبقى هنا في مشكلة 👇
❌ بتاكل قليل جدًا وده بيخلى جسمك يقلل الحرق علشان يوفر طاقة
❌ بتاكل بروتين قليل بتخس من العضلات
❌ توتر وقلة نوم وده بيأثر على الهرمونات ويقلل الحرق
الحل ؟
_ تاكل اكل صحى متوازن
_ خلي في بروتين في كل وجبة
_ نام كويس (دي مش رفاهية)
_ اتحرك يوميا حتى لو مش جيم 🚶‍♀️
ولو حاسس انك محتاج متابعة وتشجيع من حد متخصص اعمل كده وكلمنا ♥️♥️🙏

الدهون مش كلها عدو… الفرق في النوع 👇
ناس كتير أول ما تبدأ دايت تقول:
❌ همنع الدهون تمامًا!
لكن الحقيقة؟ جسمك محتاج دهون… بس دهون صح ✅
الدهون الصحية زي:
الأفوكادو – المكسرات – زيت الزيتون – الأسماك الدهنية
بتدعم القلب، المخ، والشبع، وبتساعد جسمك يشتغل بكفاءة.
أما الدهون الضارة زي:
المقليات – الوجبات السريعة – الحلويات المصنعة
الإكثار منها ممكن يرفع الكوليسترول، يزيد الالتهابات، ويأثر على الصحة مع الوقت.
✨ الفكرة مش “امنع الدهون” لكن “اختار الدهون الصح”
اختياراتك الصغيرة كل يوم… بتصنع فرق كبير في صحتك
الدايت مش حرمان 🙏
#صحة #تغذية

مش الهدف إنك تنزل وزن بسرعة… الهدف إنك تنزل صح 💚
ناس كتير بتدور على أسرع دايت…
أسرع نتيجة…
وأسرع رقم ينزل على الميزان.
لكن هل النزول السريع دايمًا نجاح؟ 🤔
❌ نزول الوزن بسرعة ممكن يكون من مية أو عضل، مش دهون
❌ وممكن يسبب حرمان وتعب
❌ والأهم… ممكن الوزن يرجع تاني أسرع
✨ النجاح الحقيقي مش إنك تخس في أسبوع…
النجاح إنك تنزل دهون بشكل صحي
وتحافظ على النتيجة على المدى الطويل.
✔️ الهدف مش رقم أقل على الميزان
✔️ الهدف صحة أفضل
✔️ علاقة صحية مع الأكل
✔️ ونتيجة تعيش معاك… مش تروح وترجع
#صحة #تغذية

⚠️ أعراض سوء تغذية الأطفال… مش دايمًا بتكون واضحة!

لو لاحظتي أي من العلامات دي على طفلك، ممكن يكون محتاج تدخل👇

🔸 بطء في النمو (الوزن ثابت أو ضعيف)
🔸 شحوب البشرة (علامة من علامات الأنيميا)
🔸 ضعف الشهية ورفض الأكل
🔸 تعب متكرر وضعف المناعة
🔸 شعر هايش أو بيقع بسهولة
🔸 خمول وقلة نشاط
🔸 ضعف التركيز وتأثير على الأداء الدراسي
🔸 فرط حركة وقلة نوم
🔸 ضعف العضلات
🔸 تأخر في التسنين أو المشي
🔸 قصر القامة أو التقزم
🔸 زيادة الوزن أو السمنة (مش دايمًا الصحة معناها وزن قليل!)
🔸 ضعف البصر واضطراب الرؤية

💡 مهم تعرفي إن سوء التغذية مش بس نقص أكل…
ممكن يكون نقص عناصر مهمة زي الحديد، الكالسيوم، أو الفيتامينات.

✨ كل ما نكتشف بدري… كل ما العلاج بيكون أسهل وأسرع

#صحة #تغذية #أطفال #نصيحة

ضغط الدم المرتفع ممكن يكون صامت،
لكن تأثيره كبير على قلبك وحياتك💔

القرار في إيدك…
اهتم بأكلك، اتحرك كل يوم، قلل الملح، والتزم بالعلاج الموصوف ليك 💙

خطوة صغيرة النهارده… بتحميك من مشاكل كبيرة بكرة 👌

الكشف المبكر والمتابعة والعلاج مجانًا ضمن مبادرة رئيس الجمهورية لفحص وعلاج الأمراض المزمنة والكشف المبكر عن الاعتلال الكلوي ✅

أوميجا 3… سر الصحة اللي جسمك محتاجه يوميًا!
❗ لو بتعاني من:
تعب سريع؟ تركيز ضعيف؟ مزاج مش ثابت؟ 🤯
ممكن يكون جسمك محتاج أوميجا 3!
✨ الحقيقة إن أوميجا 3 من أهم الدهون الصحية وجسمك مش بيقدر يصنعها لوحده… فلازم تاخدها من أكلك 👌
✅️فوائد أوميجا 3:
🔹 تحافظ على صحة القلب ❤️
🔹 تقلل الالتهابات في الجسم
🔹 تحسن التركيز وصحة المخ 🧠
🔹 تدعم صحة البشرة والشعر ✨
🔹 تساعد في تحسين المزاج وتقليل التوتر
🍽️ نلاقي أوميجا 3 فين؟
🐟 الأسماك الدهنية (أفضل مصدر)
السلمون – السردين – الماكريل – التونة
🌰 المكسرات
عين الجمل (الجوز )
🌱 البذور
بذور الشيا – بذور الكتان
🥬 أطعمة نباتية
افكادو
السبانخ (بنسبة صغيرة )

العيد عدى خلاص ... وخلصنا كل الاكل 😂😂😂 بقول كفاية كده ونرجع نلحق نفسنا تانى ✋️😂♥️

🌸 شم النسيم… ناكل وننبسط بس بذكاء 💚
أخطر حاجة في الفسيخ والرنجة هى كمية الملح العالية جدًا
وده ممكن يسبب:
🔸 صداع
🔸 ارتفاع مؤقت في ضغط الدم
🔸 احتباس سوائل (إحساس بالانتفاخ)
✨ الحل بسيط:
✔️ خليك في كمية صغيرة مش وجبة كاملة
✔️ اشرب مياه كتير طول اليوم 💧
✔️ كل جنبهم: خس + بصل + ليمون (بيقللوا تأثير الملح)
✔️ لو عندك ضغط أو مشاكل في الكلى…❌ بلاش فسيخ خالص
💡 حيلة ذكية:
ابدأ أكلك بالخضار الأول… هتلاقي نفسك شبعت أسرع ومن غير حرمان 🤍
🎉 في الآخر استمتع بيومك الأكل مش كل حاجة ..😇
🌼 كل سنة وانتوا طيبين 🌼