Abeer's Kitchen

عمل الباذنجان وتخزينه بالدقه الخطيره 👍😋

تعالي اقولك ع تريكايه للرز...... وأنتي بتعملي الرز حطي عليه معلقتين خل هيبقي طعمه تحفه 👍...وع فكره حطي ع أي رز بتعمليه مش شرط الرز الأبيض 😋ادعيلي.........بحبكم 💖

تعالي اقولك عشان البطاطس تطلع مقرمشه وتحفه...في تريكايه اعمليها وادعيلي 😉 لما تقطعيها عشان تقليها حطي عليها شويه ملح وخل واغلي الكاتل وحطيه ع البطاطس وسيبها لحد ماتبرد 👍واقليها وهتاكلي أحلي بطاطس مقرمشه 💋...........بحبكم

♥️♥️

سبحان الله وبحمده سبحان الله العظيم

تعالي اقولك تعملي صينية الكوسه بالبشاميل إزاي
صلي ع النبي من قلبك ..اللهم صل وسلم وبارك عليك يا حبيبي يا رسول الله

شوفي ياستي هتجيبي كيلو كوسه هتقطعيه دواير وهتجيبي طاسه فيها شوية زيت أو سمنه إللي موجود هتشوحيها لحد ما تاخد لون شيلها وفي نفس الطاسه حطي ربع سدق وشوحيه وتكوني مقطعه ٢ طماطم و٢ فلفل أخضر وحطيهم ع السدق وشوحيهم مع بعض وبهاراتك الحلوه بقي الملح والفلفل الاسمر 😄مش اكتر من كده شيليهم وفي نفس الطاسه كل ده من غير ماتغسليها...حطي شويه زيت ومعلقة سمنه ومعلقتين دقيق شوحيهم وحطي عليهم نص كباية لبن وقلبي هتلاقيها تقيله كملي بكوب ماء وحطي عليها واحده مرقه والملح والفلفل وقلبي....

هتحضري الصينيه بتاعتك وفي ارضية الصينيه حطي مغرفة بشاميل ورصي الكوسه وفوقيها السدق وحطي باقي البشاميل عليهم ولو عندك شوية جبنه موتزاريلا حطيهم ع البشاميل وفي الفرن تلت ساعه وبعدين الشوايه...تحفه وادعيلي...