DI Climatisation 41

ولد عم media
🟢مكيف schallenge مكيف تحسو ميديا حاجة مليح فيه جودة عندي مدة متلقيتش بانبيب صعبة في تدوار كيما هذي بفلكسيبل وصعيب
🟢مكيف جودة برودة ممتازة لكن تشوف كلش تروبيكال في كرطونة لكن في وحدة خارجية T1 لذلك ديما ننصح متبعش كرطونة
🟢عام هذا حمد الله توفر كبير متنوع في مكيفات بكل اسعار وانا عن نفسي تقريبا جميع مكيفات ركبتها وحكيت عليها
❌حاجة اخيرة مننصحش بحتى مكيف في 9 Btu مهما كان نوعه زيد شوية اشري 12

🟢 السلام عليكم.
🕌 إذا سمعت إمام مسجد يشتكي من عطل في المكيفات، أعطه رقمي فقط. صيانة مكيفات المساجد تكون في سبيل الله.

🟢 وأي تقني أو مختص يحب يساهم في هذا العمل الخيري، يترك رقمه في التعليقات

🤲 جعلها الله في ميزان حسنات الجميع.

نزيد نهدرو على geant frostine ولي سعرو جيد في سوق مكيف جيد صوت تقريبا منعدم
🟢درجة حرارة جيدة تقريبا 13 درجة
🟢حاجة وحدة فقط هدرت عليها عام ماضي هي غلاف انابيب في وحدة خارجية يعني روبيني بيانو وهذه انا شخصيا منحبهاش مجرد راي شخصي
🟢لكن عندها مكيف جديد اسمو géant Pure Air مكيف تكنولوجيا هاربة ياسر في تنقية هواء يعمل بغاز R32 صراحة مشفتوش فسوق الا قليلا

🟢سلام عليكم مكيف crestor كنت قد تكلمت عليه شحال من مرة مكيف في قمة خاصة في 18 Btu وسعر تاعو جيد مقارنة ب مكيفات 18 Btu اخرى

خونا TCL 😂مراكش تتمسخر خلاه
🟢من مكيفات 18 Btu لي عجبتني ربي بارك في جودة تصنيع في جودة برودة 👌🏽👌🏽✅

🟢سلام عليكم موضوع يفيد للناس الكل، الأيام هذي بديت نلقى عيوب تركيب ما يتقبلهاش العقل، والكارثة أنها واضحة بالعين المجردة.

🟢 المكيف هذا من نوع أريس، وحدة خارجية دبابة وتستوعب حوالي 1.6 كغ من غاز R410A.

🟢 صاحب المكيف خلال 3 سنوات صرف تقريبًا أكثر من 2 ملاين على تعبئة الغاز. كل مرة يجي يعمرلو الغاز، يبرد شهر أو أقل ومن بعد يرجع نفس المشكل.

🟢 هنا لازم نقولو الحقيقة:
أي شخص يقولك "نزيدلك شوية غاز وخلاص" بدون البحث عن سبب النقص، راهو ما خدمش الخدمة الصحيحة.

✅ إذا المكيف ناقص غاز فهذا يعني غالبًا وجود تسرب (Fuite)، والحل الصحيح هو:

* تحديد مكان التسرب وإصلاحه.
* إجراء اختبار الضغط.
* سحب الهواء والرطوبة بواسطة مضخة التفريغ (Vacuum Pump).
* إعادة شحن المكيف بالكمية الصحيحة من الغاز.

✅ بالنسبة لمكيفات R410A:
في حالة وجود تسرب معتبر، لا يوجد شيء اسمه "نزيد شوية غاز فوق الموجود". الإجراء المهني هو تفريغ الشحنة المتبقية وإعادة الشحن بالكمية المحددة من طرف الشركة المصنعة.

✅ الاستثناء الوحيد هو عند تركيب جديد وزيادة طول الأنابيب عن الطول المرجعي المحدد من المصنع، هنا تتم إضافة كمية محسوبة من الغاز حسب تعليمات الشركة..
✅نتيجة في مكيف رغم انو 12 Btu إلا انو مد نتيجة ممتازة للعلم هذا مكيف عادي مهوش انفرتر ننصح بيه. بشدة اذا كان موجود

🟢سلام عليكم نحكو على مكيف ميديا 24 Btu ولي يجي عادي مش انفرتر عكس كوندور اوهايسنس

🟢مكيف ضخم وحدة داخلية حوالي 1,10 رغم ان on /off الا ان صوت وحدة خارجية عادي

🟢في تبريد وحش مساحة كبيرة جدا و محل لكن متمكن منها جودة نحاس ممتازة انابيب نحاس لكن مدام عادي يعني استهلاك كهرباء عالي زائد اجباري يكون عندك كهرباء جيدة زائد من افضل قاطع لوحده A32 (2*4)

🟢ملاحظة بعض ناس شكتلي من كينغ في 12 Btu انو يدير حس لكن لم اصادف من مكيفات ميديا يعني اي صوت مزعج والله اعلم

قلي وليت نرضها مشعلوش غير باه منشمش ريحة لي فيه مكيف هذا لقيت فيه كلش لماذا ثقبة لي برا مهيش مقفولة زائد محطوط في جنان

غباء اصطناعي😮‍💨😮‍💨

🟢مشهد شفتو ليوم لأسف حاجة كارثية بمعنى كلمة ليمات هذي قاعد نلقا في عجائب ومنيش ننتقد حتى في واحد لي يخدم ربي عاونو عقلية انا نعاون زوالي مبعد كي تروحلو لدار ديرلو حاجة هكا راهي حرام عند ربي زدتي عليه خسارة فقط