Take Advice خذ نصيحة

اليوم مخبر phyto life عطوني علبة magnésium complexe و علبة zinc vit c راح نعطيهم لواحد من متابعي الإنستغرام خص
( القناة تلحق 10k + اترك تعليق و بارطاجي اخي فيديو عندك فيه فائدة علمية و نصيحة بالصيام هاكا نزيدو ندو اجر أنا و أنت )

تكملة موضوع الخلايا السرطانية 🙆🏻‍♂️
كاين مقولة طبية عالمية تقول
"Genetics loads the gun, but Environment pulls the trigger!"
(الجينات تشرجي المكحلة.. بصح البيئة هي اللي تضغط على الزناد!)

كي تتقلق وتتستريسا، كرشك تزيد تخرج بزيادة؟ راح نحيلكم القصة الكاملة لهرمون اسمو 'هرمون الكرش' لي راهو حلف فيك باللي الميزان ما يهبطش!

Take Advice خذ نصيحة

_ شوف 👀 خويا او اختي بزاف ناس يحسبوا بلي القلق يشيّن، بصح الحقيقة العلمية تقول بلي الستريس المستمر هو الصديق الوفي لشحمة الكرش والسبب هو هرمون الكورتيزول أو الـ Cortisol اللي يفرزه الجسم كي نكونو تحت ضغط نفسي ولا قلة نوم هاد الهرمون عندو مهمة 'دفاعية' بصح واعر بزاف لأنه يروح يلم الدهون من كامل الجسم ويبعثها تتخزن ديريكت في منطقة الخصر وتسمى علمياً **Graisse viscérale** والكارثة الكبيرة هي أن الكورتيزول كي يطلع بزاف يروح ديريكت 'يفراني' الغدة الدرقية ويمنع تحويل الهرمونات تاعها للحالة النشطة يعني المحرك تاعك يولي يخدم بـ 20% من طاقتو فقط بسبب القلق وزيد فوق هذا الكورتيزول يطلع السكر في الدم ويحفز مقاومة الأنسولين ( Insulinorésistance ) يعني تولي في حلقة مفرغة تع تعب وقلق وزيادة وزن غير مبررة حتى لو كان ما تاكل والو …

النصيحة و الحل هنا ماشي في الريجيم القاسي اللي هو في حد ذاتو يعتبر ستريس للجسم ويطلع الكورتيزول بزيادة بل الحل يبدا بتنظيم النوم والابتعاد عن مصادر القلق وتدعيم الجسم بالمغنيزيوم و راح تلقو رابط فيديو عن افضل نوع مغنيزيوم و كيفاش نشرو المغنيزيوم 👇🏻

https://vt.tiktok.com/ZSHsSQWbw/

ديرو في بالكم انو المغنيزيوم اللي ينقص حدة التوتر ويخلي المايسترو تاعك (الغدة الدرقية) يعاود يخدم براحتو الحكاية راهي تسيير هرمونات وموازنة كيمياء الجسم قبل ما تكون حساب سعرات …..

@ طاغي صاحبك اللي ديما 'ستريسي' ومقلق وكرشو خارجة قولو بالاك راهو خاصك راحة و 'Reset' للهرمونات وماشي ريجيم جوع 💁🏻‍♂️

الكرش اللي ما مقدرتش تنحيها بال sport و الريجيم تقدر ما تكونش 'شحم' أصلاً! 🤯 تقدر تكون مجرد 'ماء محبوس' لأن محرك جسمك راهو يخدم بـ 20% من طاقتو فقط!

راني نشوف اغلب التعليقات تقول أعطينا ماركة omega 3 نشروها لكن ديرو في بالكم الهدف من الصفحة هو نتعلمو معايير الجودة وليس الترويج لماركة معينة؛ لهذا السبب لم أنشر صورة أي مكمل خصكم تعاودو تشوفو المنشورات و تتعلم علمياً (بحيث تدخل لأي صيدلية)، وتقرأ بنفسك التركيز الحيوي للـ EPA والـ DHA في جدول المكونات، وتعرف هل المنتج يستحق الاستثمار فيه كوقاية قلبية أم أنه مجرد زيت سمك منخفض الكفاءة الاستقلابية ….

👇🏻

-مع العلم أنا حطيت في سطوري الانستجرام افضل المكملات لي أنا شخصيا نستعملوهم بعد البحث تاعي يعني ممكن تلقو في السوق احسن منها أنا بعد البحث و التحري لقيت بلي هذا افضل مكمل في الصيدليات و يستاهل السعر المرتفع لانو يقدم قيمة افضل ✅

ملاحظة تقريبا الجميع عرفتو اسم المنتج لي معرفش يشوف سطوري قناة الإنستغرام لي معندهش يرسلي رسالة ( يكتب فيها افضل مكمل اميغا 3 نرسله صورة ) و شكرا لكم عائلتي الثانية ❤️

Take Advice خذ نصيحة

ديرو في بالكم بلي بذور الكتان و الجوز لي نسموه حنا في الغرب الجزائري (الڨرڨاع) ماتكفيش وحدها لصحة قلبك؟ 🧠🥜

بزاف ناس يقولك علاش نشري مكملات غالية وأنا نقدر ناكل حفنة جوز يومياً الجواب فيه جانبين الجانب الإيجابي:

الجوز غني جداً بـ الـ ALA (حمض ألفا لينولينيك)، وهو نوع من الأوميغا 3 النباتي الممتاز لصحة الدماغ وخفض الالتهابات.
⚠️ الحقيقة العلمية (الصادمة للبعض):

جسم الإنسان ضعيف جداً في تحويل الـ ALA (الموجود في الجوز) إلى EPA وDHA (وهي الأحماض المسؤولة مباشرة عن حماية القلب وتنظيف الشرايين) و الدراسات تقول أن نسبة التحويل لا تتعدى 5% إلى 10% فقط! يعني باش تدي نفس الفائدة الموجودة في كبسولة أوميغا 3 مركزة، لازم تاكل كميات كبيرة من الجوز، وهذا راح يعطيك سعرات حرارية عالية جداً (زيادة في الوزن)

_ الفائدة الوقائية التي تمنع تراكم اللويحات الدهنية في الشرايين (Atherosclerosis) وخفض مستويات الدهون الثلاثية (Triglycerides) مرتبطة مباشرة بتركيزات عالية من EPA و DHA. الاعتماد على الجوز وحده يعني أن جسمك يحصل على كميات ضخمة من الدهون الكلية مقابل نواتج استقلابية ضئيلة جداً من الأحماض الدهنية الأساسية المطلوبة لحماية القلب.

👇🏻

_الجوز إضافة ممتازة للنظام الغذائي كونه غني بمضادات الأكسدة والألياف، لكنه لا يرتقي ليكون مصدراً وحيداً للأوميغا 3 الوقائية دايمن ننصحكم بدمج المصدر النباتي مع المكملات عالية التركيز لضمان حماية حقيقية وطويلة الأمد لشرايين القلب او صرف مليح و كول 😎 الحوت ( السردين لي راه السعر تاعه 1500 دج )

Take Advice خذ نصيحة

راك ترمي في دراهمك! 💸 أغلب أنواع الأوميغا 3 اللي تتباع في السوق هي مجرد 'زيت سمك رخيص' وما عندها حتى فايدة لقلبك.. ارواح نقولك علاش 👇🏻