Candy Queen

Joyeux anniversaire Maman ❤😘

إن شاء الله طوال لعمر و ربي يرزقك الصحة والعافية و الهناء يا رب 🤲❤

مقولتي الشهيرة لماما كل عام و أنا نهبل فيك إن شاء الله 😂😂❤

وأكيد متحلاش أي مناسبة بدون كايك صديقتي و حبيبتي


شكرا على هذه التحفة الراقية يا حلوة 😘😘

Good morning 😍☀️
أحم أحم 😁😁

المفيد أنا عيد ميلاد ماما قرب و لازم هذا العام نديرلها تيراميسو لخطرش قاتلي خلاص شبعت من التشيز كيك 🙃🙃

الحصلة تيراميسو منقدرش نزينو لانو ميتحملش و عندي فكرة حبيت نديرها خفت ممبعد دور عليا تقولي غامرتي بيا 😂😂

المهم اذا شفتوني مبنتش راهي باينة 😂😂

Bonjour tout le monde 😍🌼
Le plus tendance de cette année jusqu'à présent 😌👌

يا درا يا درا الفرنسي صباح ربي راني نكتب و نقول راهي تاع كرواسون 😂😂

المهم انا والله عييت حلفت منزيد نصور هدا المودال خلاص صماطلي ها حوجي بدلو الأذواق خلو الناس تعرف بلي راني نخدم 😂😂

Bonne journée 😁❤

صباح الخير 😍🌼

يوم جديد شهر جديد و مشروع جديد يا لها من بداية جديدة إن شاء الله عودة موفقة يا رب 🤲❤

أنا كي نغيب لازم نجي بحاجة جديدة كان عندي شحال حابة نبدأ في هذا المشروع les dattes fourrées عالم بزاف شباب و أيضا محبوب الجماهير و تربينا بيه كان يحضر في كل مناسبة و قررت نزيدو في مشروعي و إن شاء الله يكون فال خير عليا و عليكم يا رب 🤲😍

مع الوقت راح يكونو بزاف أذواق و أشكال و حشوات و ألوان جديدة و متميزة راكم تعرفوني نحب نخدم على الذوق الرفيع و الجودة العالية و أكيد الإتقان 👌👌

بالنسبة للأسعار راح تكون 150 دج للحبة أكيد مراحش نقدر نبيع بالحبة البوكس يبدأ بعشرة حبات للفوق 👌

و التزيين و الذوق راح يكون من إختياركم أكيد و يبقى نفس السعر (مثال كاين اللي يحب الشوكولا او تكون مناسبة تاع مولود أو عيد يعنى يكون thème بنفس السعر )

مرحبا بالجميع ❤❤

صباح الخير 😍🌼
أصبحنا وأصبح الملك لله و الحمد لله 🤲❤

صحا عيدكم مرة أخرى كل عام و أنتم بألف خير يا رب 😍❤

حشمت معرفتش واش نقول 😂 موالفة بالتشيز كيك أيا اليوم قلت تشوفو حنة يديا فحلويات العيد صحاب الخبرة يا درا يا درا راح نديهالكم 😂😂

شحال كنت خايفة يقلعلي الحسين ايا الحمد لله سلكت أنا درت واش نعرف و درت حاجة اللي ناكلوها كامل يعني محبيتش نغامر و لا نبذر واش يحبو دارنا درت و الحمد لله ربي قدرني و درت الفال 😍😍

عيدكم مبارك ❤
تقبل الله منا ومنكم صالح الاعمال يا رب ❤

صحا فطوركم 😍❤

و نختموها بأحلى روتور تشيز كيك من بيت الجدة ❤🍓

أنا أي مودال جديد نديرو جامي ما نبيعو للناس مباشرة دايما عندي الزيادة باش نذوق و نصور هكذا باش يكون ضميري مرتاح و متيقنة واش راني نبيع للزبون و حتى نتوما تشوفو بعينيكم 👌😌

بصح بيناتنا وحد البنة و هذا اللون و الذوق هو اللي كان عليه الطلب بزاف بيستاش و كنافة بنة خيال لا تقاوم 🍰😋🍓

سهرة ممتعة ❤❤

صباح الخير ❤🌼
أصبحنا وأصبح الملك لله و الحمد لله 🤲❤

حبيتكم تشوفو الطلبية كيفاش تخرج الله الله مستفة و شابة كما نتوما 😌👌

المهم يد راهي فالتشيز كيك و يد فالقاطو بصح هذيك اللي حطت الوصفة تاع غريبية باللوز واش راح نقولك في هذه العواشير الله يهديك لوكان ماشي chat gpt سلكني يزيد يروح كيلو لوز هذا العام 😂😂

قاطو العيد تاع هذا العام برعاية chat gpt 😂😂 صح قتلكم انا منحبش الحلويات التقليدية بصح نعرف كومام والله الوصفة كانت غالطة انا خاطيني😏😏

صباح النور 😍🌼
تقبل الله صلاة الجميع بمزيد من الأجر و المغفرة و الثواب 🤲❤

هذه هي اللي جي عليها كلمة سبيسيال مستفة على حياتي الصراحة 🙂🙂

يعجبوني كي يبعتولي ميساج و يقولو شهيتينا أنا من هذا المنبر نقولكم شهيتكم فالجنة إن شاء الله و حتى انا راني معاكم نتشهى حسبالكم واقيلا راني ناكل باطل يااك نخلص على روحي كما نخلص عليكم 😂😂

مرحبا بالجميع ❤❤

صباح الخير ❤🌼
جمعة طيبة مباركة للجميع يا رب 🤲❤

رمضان راح يخلاص و أنا مراحش نخلاص الله غالب نكون نخدم حتى يجيني مودال في راسي ولوكان زعما منديروش عرق يحب يطرطق 😂😂

ياك أنا هذا المودال نبيعو 1200 دج لكامل الناس بصح ماما تشريه ب 1000 دج 🙃🙃 تقولي بزاف عليك قتلها يا حوجي الفايدة و زعما سييت ندخل في نقاش معاها جبدتلي كامل الأرشيف 😂😂 معليش خير من والو المهم نبيع 😏😏

السعر 1200 دج
1200 دج السعر 😂😂

صباح الخير ❤🌼
أصبحنا وأصبح الملك لله و الحمد لله 🤲❤

المودال الأكثر طلبا و ليت غير نشوف ميساج أختي أخدميلي وحدة هكذا نعرف قبل ما نشوف 😂😂

صراحة نتوما هايلين والله surtout اللي يكمونديو خفيف ظريف تبعت صورة تقولك ديري وحدة هكذا و غدوة نديها الله يكثر من امثالكم 😁😁

هذا الحجم المتوسط بسعر 2000 دج

مرحبا بالجميع ❤❤

صباح الخير ❤🌼
تقبل الله منا ومنكم صالح الاعمال يا رب 🤲❤

يا الله على الألوان و اللباقة و التزيين و الفراولة و الشوكولا و الحشو اللذيذ 🤤🤤

بيناتنا أنا من ضرك راه غالبني بهذا المنظر فما بالك انت يخرجلك المنشور تاعي والله ربي معاكم 😂😂

بصح ساهلة 1200 دج برك و أنت فرحت كرشك 😂😂
يا درا التسويق 😁😁