𝐺𝑎𝑡𝑒𝑎𝑢𝑥 𝑠𝑎𝑙𝑖

سلاااااام لبنات 🥀
شوفو الفوطو لولا من بينترست خيرتها الزبونة عجبتها و انا درتها تحدي ليا مع انها ساهلة صراحة هههه بصح انا مكانش عندي الطابع و مكانش يتباع في المجبارة راكم عارفينها و شريتو و شريت التوت لقيت الابيض برك الغوز مالقيتوش في الجلفة 🥲
ايا لونتو بلاغوم تاع الفراز ههههه
هي صح مش نفسها بالضبط بصح اعطوني رايكم 😌❤️

سلاااااام لبنات 🥀
واش رايكم في هاذ الشكل جبتها ولا لا ههههه واش تتوقعو يكون التزيين 😌🥹

سلااااااام لبنات 🥀
وش رايكم في لبابيو 🎀
في رايكم لواش راح نديرهم شكون الشاطرة 😌
في رايكم نخدم ليموتيف و نبيع ولا لا خاطر نذرح في خدمتهم و زيد ماعنديش لي يشريلي من جلفة و كي ندير سومة غالية ماتعجبش 🥲

سلاااااام لبنات 🥀
جمعة مباركة ❤️
شوفولي الثومة الكوكاو هاذي اول مرة نجربها صراحة ماتوقعتش تنجح لانو الاغلبية لي شفتهم يخدموها غير باللوز بصح الحمدلله فرحت ياااااسر كي نجحت حتى و خصني فيها صوالح لاني ماجربتهاش من قبل كي خدمتها باش عرفت شوي من اسرارها هههههه
كيما الورد هذاك تاع اليد خدمت 5 منها عييت خلاص ماقدرتش 😂 كملتها بلاخر تاع المول عجبني تاع المول خير و نتوما حبيتو ولا ماحبيتو ❤️

بنات وشرايكم في ورداتي 😌🥹❤️

سلام لبنات 🥀
حبيت نقول حاجة و ماكنتش معولة نهدر عليها بصح كاين ناس زودتها بالنسبة للفوطوات تاع خدمتي مكانش لي تديهم بلا اذن مني كي تجي و تقوليلي معليش نحط الفوطو تاع خدمتك عندي و بشرط تقول انها مش خدمتها يعني تخدم كيما هي معليش هذا وش نحب بصح انا كي ندخل كونتات و باجات تاع قاطو نلقا فوطوات تماك و زيد ناسبين خدمتي ليهم هاذي مانقبلهاش

سلاااااام لبنات 🥀
راح نبهكم في حاجة قبل كل شي بما انو قرب الصيف و كي نقولو صيف نقولو مناسبات اعراس حفلات باك بيام لي راح تكوموندي عليا ولا تقلي بكري مش تجيني تقلي بقالي نهار ولا نهارين ولا اذا عرس تقلي بقالي سمانة وزيد راكم عارفين المجبارة ناقصة فيها السلعة ولازمني نوصي على البكري ولا نشري القش المهم كموندو بكري نشري السلعة بكري و كي يلحق الوقت نبدا ديراكت
ربي يوفق صحاب الباك و ينجح البيام و يهني العرايس و دوملكم افراحكم و نكون جزء منها ❤️

سلااااااام لبنات 🥀
ايا كااااامل هنا اعطوني رايكم في الشكل صراحة انا قلت لوكان حطيت اللوز قبل مايطيب فوق الحبة احسن كيما هاك مابانش مليح 🥲
قولولي حبيتو ولا ماحبيتو 😌❤️