Spotted Constantine 25

يا خويا انا من ولابة خلاف ونقرى في قسنطينة ومحتاج خدمة باش نعاون روحي وتكون تتناسب مع اوقات الدراسة

اذا كاين اللي عندو خدمة يخلي تعليق وانا نتواصل معاه

Je recherche un emploi de cariste ; j'ai de l'expérience dans ce domaine.

سلام عليكم
من فضلك اخي
ركبت معايا اليوم استاذة من قسنطينة سونطر فيل إلى لاڨار باه تروح لديدوش.نسات امانة عندي
اذا تقرا هذا المسياج تتصل بيا

يسترك ويهنيك خويا فوتلي هذا السبوت أنا أم لطفلين ماراهمش مرضى منحتاج دواء والحمد لله . اما انا نخدم فطائر كروكي ونبيع للمحلات ونمشي فيها أموري والحمد لله. محتاجة من ناس الخير هاذ المرة تعاوني نشري شكارة فرينة وشكارة سميد مالفا نخبيلهم حقهم اما دراهم صرفتهم كامل على ولادي في امورهم المدرسية . والله كيف حبست خدمة مابقاو عندهم ش يوكلي لا خضرة لا عجائن وملقيت منين نتسلف الله يجازي كل اخت وأخ لقادر يخليني نولي لخدمتي يعاوني وربي يجازيكم الضعف

سلام عليكم خويا الله يرضى عليك فوتلي هذا سبوت رحمة لوالدين جيت قاصدة خاوتي وخوتاتي لوجه ربي سبحانو . أنا مرأة مطلقة عمري 37سنة يعني حمد لله مزالني بصحتي ونخدم كل شيء حلويات تسياق غسيل الفراشات الخياطة نسيق مام الديار ونسترزق منهم نصرف على بني (عندي بني 3سنين وشوي) وعايشة كارية 600الف الشهر ونسلك ب6شهر يعني 3ملاين و600كل شهر وسترها ربي والحمد لله. ذركا مشكلتي راني في ديسمبر لازم ندفع 3ملاين و600الف تاع هذا ال6شهر وانا جمعت غير مبلغ 3ملاين وجمعتهم يعلم ربي بتسلاف و الدين لاني لجمعتهم من قبل داويت بيهم بني. آخر أجل للكراء 21ديسمبر لازم ندفعلو والا يخرجني عييت معاه مبغاش . جيت قاصدة كل ام وأخت وأخ قادر يحس بوضعي يعاوني في مشكلة الكراء لوكان بثلث المبلغ والا ماقدرش ويبغا يحسبهالي دين ماعليهش قابلة اما يستناني حتى يفرج عليا ربي ونفوت مشكلة الكراء . ولمقادرش يعاوني في الكراء يشوف لوجه ربي سبحانو ويشري لي أي جاكيت شتاء تاع طفل 3سنين بني ناقص بزاف ملابس وشتاء عليه وانا والله الحي القيوم ملحقت بسباب الكراء هذا . ننشد كل ام وأخت وأخ الله يستركم. والفايسبوك عند الأدمن.

نبحث عن يسرى راج تسكن بقسنطينة مستواها جامعية لديها اخت واب وامها متوفية

السلام عليكم الله يسترك اخي بارطاجي لي رساله تاعي
نحوس على عائلة دارت قهوة يوم 15 سبتمبر بقاعة إشبيلة قهوة باك طفيلة أمرا هام لي يقدر يوصلني بيهم
يسكنوا ف uv 14 الله يجازيكم تفاعلوا مع المنشور ليصل لأكبر عدد ممكن من الناس ولي عندو معلومة ميبخلش من الحاضرين او العائلة يطلبوا منهم يتواصلوا مع لي خدمتلهم المملحات والحلويات لأنهم ميردووش هواتف مغلقة

السلام عليكم
من فضلك انشرلي
خصني دروس الدعم 2 ثانوي تقني رياضي في مادة الكهرباء والفيزياء في وسط المدينة أو سيدي مبروك (يعني حبيت إجابة من طلبة التقني رياضي عندمن كانو يقراو )

سلام عليكم خويا الله يستر حالك ممكن تفوتلي هذا السبوت . انا عمري 31سنة عايشة مع ميمتي سيقت الديار خدمت في كل البلايص قدرت الحمد لله نعيشها ونعيش روحي بشيء لكتبه ربي. بصح مؤخرا شدني لارني ديسكال شوي سيرتو وقت البرود ينوضلي بزاف . محتاجة من ناس الخير تعاوني غير في حق فور نولي نطيب من دارنا لي كروكي لي صالي لي قاطو ونبيع . عارفة حق الفور غالي الاخر فيهم ب700الف مي حتى خمسين الف من كل واحد تتجمع . آخر مرة كنت راح نجمعها من تسياق وغسيل الفراشات والزرابي شوي شدني سطر وكان لازمني طبيب الله يرحم والديكم نعتبركم خاوتي وخوتاتي لقادرة ولا قادرة تحتسبها صدقة لوجه الله وتنفيس كربة راه أقسم بالله نشربه ونخدم من داري . ميمتي عندها غير أنا وانا عندي غير هي ومكانش كيفاش نحبس خدمة ديار الا اذا خدمت صوالح حلويات ومملحات من داري فرحوني خاوتي الله يفرحكم .

سلام خاوتي لي يعرف طفلة هدي يوصلها ميساج رحولها لبابي تاعها
أسماء بن غاشي و شكرا

سلام الى اهل الخير و رحمة هناك شخص لي ضروفه صعبة ضروف يعلم بيها غير ربي سبحانو من منكم فقط لي عندو قش ڨديم ولا صبابط ڨدم قش ميحتاجوش مهم يتصدق بيه يتوصل معنا فلخاص مقاس يلبس m و صبابط يلبس 42 و اجركم عند الله شكرا هدا نداء الى قلوب رحمة لي عندو يتوصل معنا فلخاص حنا نوصلوه الى السيد لي معندوش فقط يعاونو بدعاوى ربي يفرج عليه على جميع مسلمين يارب