AutoFix Solutions

السلام عليكم بالنسبة لصحاب الابترا 1.6 لي عندهم مشكل مع capteur pression كاين هاد référence فال bosch تطلع على الابترا خير مالكابتور تاع شناوة . موديفيو برك الفيشة كيما فالصورة

السلام عليكم حبيت نحكيو على نقطة مهمة في سائل تبريد السيارة .
اولا نعرفو واش هو سائل التبريد : هو مزيج بين الماء + مادة فعالة ضد الصدا + الغليكول (المادة اللي تمنع سائل التبريد من التجمد) .
من هنا نستنتج سائل التبريد عندو عدة ادوار لي هي تبريد المحرك و المسؤول عن هاذا هو الماء الي يعتبر احسن ناقل حراري , يحمي المحرك من الصدا .. و يضمن في حالة البرد الماء من التجمد .
المشكل انه اغلبية الناس تحسب انه كلما كان تركيز الغليكول في سائل التبريد عالي كان سائل التبريد مليح , و هنا نحكيو على مناخ الجزائر , يعني نشوف الناس كي جي تشري , يشريو 36- درجة على اساس هذاك افضل و فالاصل هو مخصص للبلدان الباردة لان نسبة الغليكول عالية توصل حتى 50/50 بالمئة و المشكل فالغليكول هو انه ماشي ناقل حراري فعال كيما الماء (H2O) .
يعني في مناخ كيما الجزائر الاحسن نختاروه ما يكونش تحت 5- درجة او لي يحب يشري مركز و يخلطو يدير على الاقل 75% ماء و الباقي مركز باش يبقى سائل التبريد قادر ينقل الحرارة بكل سهولة . يعني كلما كانت نسبة الماء كبيرة المحرك يبرد بكل سهولة .