GhoziS

سؤال اطرحه في نفسي كثيرا .. هل هناك من استعمل مذكراتي للسنة 4 متوسط هذه السنة؟ و كيف وجدها؟ ( أتقبل جميع الانتقادات)

خدمتها لصحبتي ربي يرزقها الذرية الصالحة ♥ أستاذة كل صبع بزوج صنعات 😅 شحال تعطولي النقطة؟
المهم تقدري زميلتي الأستاذة أن تستغلي العطلة في بيع التوزيعات لمختلف المناسبات باستعمال موقع كانفا

مافهمتش علاه الادارة ماقاتلكمش على النسب تاوعكم؟ العام لي فات خرجت فالحين و العام هادا بعد تقريبا ساعة او ساعة و نصف.

نسبة النجاح في المتوسط 68% و نسبة العلوم الفيزيائية 72% ( معنديش السنة 4 هذه السنة)
و أنتم؟ 👇

كيفاش نخدم رأس المذكرة؟
افتح برنامج Word ( ماتنسوش ¶ ضرورية قبل الكتابة)
التصميم: سهل و بسيط بموقع canva ( مستطيلات ملونة و فقط)
المحتوى:
1- أختار موقع ذكاء اصطناعي ( حاليا استعمل notion ai مدفوع من عند صفحة Clickdz.ai).
2- نطلع ملفات عليه ( منهاج السنة 4 متوسط، دليل الاستاذ، الكتاب المدرسي، الوثيقة المرافقة) في الكتاب و الدليل قسمت pdf الخاص بالمادة و تحولاتها لاني أعمل حاليا عليها.
3- نأمر notion بكتابة مذكرة الشاردة و المحلول الشاردي حسب نموذج الوثيقة المرافقة و لكن خطوة بخطوة. و هي كالتالي:
نسخ الكفاءة الختامية للمادة و تحولاتها.
مركبات الكفاءة
معايير و مؤشرات التقويم
الوسائل التعلمية
خصائص الوضعية و طبيعتها
العقبات المطلوب تخطيها
4- ندرسو خطوة بخطوة باش تكون المذكرة دقيقة و ننسخ في كانفا.
5- اذا مثلا تكلم بزاف نقول ببساطة اختصر.
6- نكمل من التصميم على كانفا نحمل صورتي و نروح Word و ندير insertion. نروح لتحميل الصور ( images) و ضروري ندير format de l'image و نروح Habillage و نختار devant le texte.
النتيجة:
عمل سريع في 10د متقن و تربوي بامتياز 😅 ماشاء الله عليا 😊
👈 تدعموني في هذا المنشور نواصل كيفية كتابة مذكرة متقونة على طريقة غوزيس (الاستاذة غرزي سهام ☺️)

تعرفت على صديق رقمي جديد😍 (notion ai) بفضل صفحة Clickdz.ai. و أصبحت طريقة انجاز المذكرات و الصور و المواضيع أسهل 😊.
تواصلوا معاهم و اذكروا اسمي 😃
حاليا أعمل على مذكرة الشاردة و المحلول الشاردي مع صديقي الرقمي الجديد.
ننجزها و ننشر النتيجة مع طريقة الانجاز 🧐 المهم ادعموني في تعليقاتكم مع طرح جميع الاستفسارات باش نعرف انشغلاتكم و نقدر نعاونكم هاد الصيف ان شاء الله 👇

تركيب القاطعة على سلك الحيادي زيدوها فالأعطاب و المصباح مايخدمش. فهمتو يا أساتذة؟

السلام عليكم و رحمة الله و بركاته، بغيت نهدر على أمر شخصي لبعض المتابعين لي مايعرفونيش.
أولا عطلة سعيدة لجميع الاساتذة ( إلا المصححين ☀️🔥🥵)، كيما تعرفو أنا بديت نخدم مذكرات السنة الرابعة متوسط الصيف الماضي ( خدمت الظواهر الكهربائية و الميكانيكية) و على ما أظن أن الكثير من الأساتذة و خاصة الأستاذات استعانو بهم وهاد الشي يفرحني و يشرفني. بالمقابل لقيت عدة تعليقات و انتقادات حول العطلة (استمتعي بعطلتك و كيفاه راكي تخدمي فالصيف وووو) قاومت هذه الانتقادات و الطاقة السلبية و كملت حتى الدخول المدرسي بتوفيق من الله.
هذه السنة راني ناوية إن شاء الله نكمل مذكرات المادة و تحولاتها و التي كانت من أكثر الأعمال طلبا هذه السنة، فمن فضلكم أي تعليق فيما يخص العطلة فهو إلا طاقة سلبية راني نقاوم فيها. خلو طاقتي تكون مفيدة في أعمال تفيدكم مستقبلا .. من فضلكم 🫶
بالنسبة لعطلتي الصيفية ( ماعنديش المال الكافي باش نستمتع كيفكم في الفنادق أو في جزر المالديف)، بالنسبة للبحر نسكن في بني صاف و مؤسستي على حافة الشاطئ، و نسكن في ولاية سياحية نروح للبحر على رجليا. ( مانحكيلكمش اموري الشخصية غ باش ترضاو و تشوفو بلي راني نحوس أنا تاني).
نزيدلكم أمر شخصي آخر، أنا من صغري نحس بالملل بسرعة فالصيف (مانتفرج، مانخرج نتمشى للسخانة) كنت نروح نحل تمارين رياضيات نقرى كتب فيزياء ... أو نكتب فالوورد و نرسم عليه.
في الأخير، ممكن عمل تقعد فيه أنت 4 ساعات أنجزه أنا في نصف ساعة، يعني مايديليش وقت بزاف كيما راك تتخيل و هذا كله توفيق من الله. (الوضعية الانطلاقية للمادة و تحولاتها أنجزتها في ساعتين).
عذارا على الإطالة بصح قد طفح الكيل و يليق ندير المنشور هذا قبل مانبدا نخدم المذكرات. 🌷🌷🌷🌷 (شوفو الستوري)

الوضعية الانطلاقية للمادة و تحولاتها السنة الرابعة متوسط ( رأيكم يهمني ♥)
للتحميل بصيغة word:
https://www.mediafire.com/file/d0kopcwd9uxgv0o/الوضعية+الانطلاقية+للمادة+و+تحولاتها+السنة+4+متوسط.docx/file

محاولتي البسيطة في تغيير السؤال 😁 ماتنتقدوش بزاف هههه و صح عيدكم ♥