Couture Rofaida Skikda

مرة مرة نخرجوا من روتين لخياطة رحت نصور لڨنادر باش نشاركهم معاكم شوفوا ولدي سيسوا واش عمل في روحوا بالطين قولولي مين جاتوا تاع ماما حطتلها لما باش تخدم بيها راح ندب روحوا كي شفتوا فشلت جا فوق الياجورة وقعد ويقلي فيا اخ قولولي وين نديه هدا دك شيطني والله شريري الصغير

قماشي المحبوب كمخة روووعة وحد لقماش عشق مين ترجعيه يرجع طرز خياطة بيرلاج رووووعة قماش خفيف وجاي انسيابي ميقلقش في لبستوا ومتضيڨش روحك من صح هو شوي غالي بصح يستاهل جيست نصيحة لي ماعندهاش سورجي متخيطوش عندها قماش الكمخة لان يسيح بزاف لازم فنيسيو بالسورجي يبقى تم مايروح مايجي
التوصيل 69ولاية 0560105135

مودال فوغم سوتيا خدمتوا على صورة مولدة بالدكاء الاصطناعي تعبني شوي ورفدلي لقماش والسلعة
القماش استعملت 2متر ونصف
سلعة الوردات ب120الف الوحدة 60الف صدقوا او لاتصدقوا خدمتهملي طفلة تخدم معاي بلاك تبانلكم بزاف زايدة بصح كيف درتلها لحساب داية حق يدها فالحبة غير 20الف خدمة اليد واعرة يتباعوا عند سامي فالسيبا جديدة ب70الف للحبة اني جيست خدمت عليهم
نخليلكم صورة الدكاء الاصطناعي وقارنوا ونتاقدوا كيف ماتحب مهوش محدد حتى نجي نبعتوا لمولاتوا نحدوا
التوصيل لجميع الولايات

شروط العمل يرجى الاطلاع عليها قبل اي طلبية

تلفوني ظلمها تقتل والله المودال روووعة خلاه مالقيتلهاش ڨالو يوالمها جبتلها وردات زادوا فيها نص سعر الوردة 4لاف خدمتها في 2متر ونصف قماش
لي تحب جبة مڨدودة لازم لقماش يكون زايد وعلى هداك انا كيف نشري لقماش مباشرة بالزيادة متحتجوش على الاسعار والله كلش غالي راني ندي حقي برك

جبة باليمونش اختيار زبونة ومعندهاش خصر جيست كمشتها فالوسط جاية عريضة كاملة

تحفة مخدومة في 2متر ونصف قماش ايفازي خلاه تعمار إبرة وخيط

2متر قماش ولطاي 48والله تعدبت وانا نفصل فيها زيد منا نقص من افكر سجاف منا والحمدلةه خرجت روووعة جيست مهيش ايفازي بزاف على هداك لازم ديما لقماش يكون زايد
راني منشربش لقماش كيف يكون 2متر قد قد