Healthysolution

هذا موضوع نعيشوه كامل، خاصة الناس لي تخدم في المكاتب، الأساتذة، سائقي الطاكسي، وحتى لي يلعبو "Jeux vidéos".
عادة "حصر البولة" (Se retenir d'uriner) حشاكم.
تبان حاجة عادية و "شطارة"، بصح هي قنبلة موقوتة في جسمك.
خلاص... دقيقة وننوض
راك تخدم، ولا تتفرج في فيلم، ولا حاكم الطريق، وتجيك الرغبة باش تروح للمرحاض.
المخ تاعك يقولك روح.
بصح نتا تقول مازال الحال، نقدر نزيد نصبر ساعة، عندي مثانة صحيحة.
وتبقى حاصر روحك بالسوايع، وتولي تتحرك في بلاصتك بصعوبة، بصح ما تنوضش.
تحس بروحك بطل، لأنك كملت خدمتك.
بصح واش راه يصرا لداخل.
المثانة تاعك راهي تتعمر وتتجبد كي البالون.
والأخطر من هذا، هذاك السائل لي راه راكد لداخل، راه تحول إلى مسبح مثالي لكائنات مجهرية راهي تتكاثر بسرعة كبيرة.
واش يقدر يصرا كي تحصر روحك بزاف؟
علاش يقولك الماء الراكد يفسد؟ وهذا ينطبق على جسمك ثاني.
وكيفاش هاد العادة تقدر توصلك لمشاكل في الكلى أو تخليك ما تقدرش تحكم روحك كي تكبر؟
الجواب في الجزء الثاني.
#الكلى #صحتك

هذه قصة "مجنونة" وتعتبر واحدة من أشهر قصص التضحية في العلم الحديث. قصة الطبيب الذي شرب "المرض" بنفسه ليثبت أن العالم كله كان مخطئاً
عام 1984. أستراليا. 🇦🇺
في هذاك الوقت، العالم كامل كان متأكد 100% من معلومة طبية وحدة:
"قرحة المعدة (L'ulcère) سببها القلق (Stress)، الماكلة الحارة 🌶️، والتدخين."
الأطباء كانوا يقولوا: "المعدة فيها 'أسيد' (حمض) قاطع يذوب الحديد... مستحيل تعيش فيها بكتيريا أو ميكروب. إذا عندك قرحة، نتا هو السبة بستايل حياتك."
المرضى مساكن كانو يعانيو حياتهم كاملة، يشربو الحليب والأدوية، وفي الأخير يديرو عمليات جراحية يقطعولهم نص المعدة.
بصح... كاين طبيب شاب اسمو "باري مارشال" (Barry Marshall) قالهم: "راكم غالطين ! القرحة سببها بكتيريا معدية !"
الأطباء الكبار ضحكوا عليه: "بكتيريا تعيش في الأسيد؟ راك مهبول؟". رفضوا ينشروا بحثه، واستهزأوا بيه في المؤتمرات.
مارشال، باش يسكتهم ويثبت الحقيقة، دار حاجة ما تخطرش على بال بشر.
في صباح يوم عمل عادي... رفد أنبوب معمر بـ "ملايير البكتيريا" (لي عزلها من معدة مريض)... وشربوا شربة وحدة ! 🧪🤢
كان يغامر بحياتو. كان قادر يموت أو يثقب معدتو للأبد.
❓ واش صرا لـ مارشال بعد أيام؟
❓ وكيفاش هاد "الشربة المجنونة" خلاتنا اليوم نعالجو القرحة بـ "مضاد حيوي" بسيط في بلاصة العمليات؟
قصة الطبيب لي "مرض روحو" باش يداوي البشرية...
التفسير في الجزء الثاني.

ارفع راسك للفوق !! 🆙 ... بالخف !"
هادي هي الجملة لي نعيطوها كامل كي نشوفو واحد جاه "الرعاف" (نيفو يسيل بالدم). 🩸
نقولولو: "تكّى للور" ولا "شوف في السقف" باش يحبس الدم.
السيد مسكين يرفد راسو، ويستنى...
الدم يحبس ما يخرجش من نيفو. وحنا نقولو "خلاص، فرات ! سلكت". ✅
بصح... هنا وين راه الفخ الكبير ! 😱
الدم ما حبسش. الدم ما اختفاش. الدم برك "بدل الطريق".
في بلاصة ما يخرج لبرا، راه يهبط لداخل... لواحد البلاصة ما لازمش ڨاع يروح ليها.
بعد دقايق... السيد يولي يغلي، حاب يتقيأ، ولا يبدا يتخنق ويسعل في الدم.
❓ علاش هاد الحركة "الغريزية" لي نديروها كامل هي أخطر حاجة ديرها؟
❓ وين راح هذاك الدم كامل؟
❓ وشنو هي الحركة الوحيدة الصحيحة باش تحبس الرعاف في 3 دقايق؟
الجواب راح يتبدل طريقة تعاملك مع الدم للأبد.
نتلاقاو في الجزء الثاني.
#الرعاف #صحتك

تخيل... مستشفى يوكّلك "الحلوى" (Les bonbons) باطل... صباح وعشية ! 🍬🍭
في السويد 🇸🇪، عام 1945.
الأطباء في مستشفى "Vipeholm" قرروا يديرو "تجربة" غريبة.
جابو مئات المرضى (لي كانو مصابين بأمراض عقلية ومساكن ما يقدروش يرفضو)، وقسموهم لمجموعات.
قالولهم: "من اليوم... الماكلة تاعكم هي الحلوى والكراميل (Toffee) ! كولو شحال تحبو، وفي أي وقت تحبو، وحتى بين الوجبات !"
المرضى فرحو... شكون يكره الحلوى؟
عامين (2 ans) وهوما عايشين في "جنة السكر".
بصح... الهدف الحقيقي كان مرعب. 😈
الأطباء ما كانوش يحوسو "يفرحوهم"... كانوا يحوسو "يفسدولهم سنانهم" عمداً !
كانوا يراقبو في فمهم كل يوم، ويشوفو كيفاش "السوسة" (La carie) راها تاكل في سنانهم وتدمر فيها، وهما يسجلو في الملاحظات بدم بارد، بلا ما يعالجوهم.
❓ علاش أطباء يديرو هكا في بشر؟
❓ واش هي المعلومة "التافهة" لي ضحاو بـ 2000 ضرسة باش يعرفوها؟
❓ وكيفاش بسبة هاد الجريمة... تبدلت حياتنا وحياة أولادنا لليوم؟
القصة الحقيقية وراء "نصيحة" تسمعها كل يوم...
الجواب في الجزء الثاني.
#السكر #السوسة

في نيويورك، عام 1900.
كانت كاين طباخة اسمها "ماري".
ماري كانت "طباخة ماهرة" جداً. أي عائلة غنية تخدم عندهم، يحبوها ويموتو على الماكلة تاعها، خاصة "المثلجات بالخوخ" لي كانت مشهورة بيها. 🍑🍦
بصح كان كاين "لغز" مرعب يتبع ماري وين راحت... 🕵️‍♂️
خدمت عند عائلة محامي... بعد أسبوع، 7 من العائلة مرضو بـ "حمى التيفوئيد" (Typhoïde) وكاين لي مات.
بدلت وراحت لعائلة مصرفي... بعد أسبوعين، ماتت البنت الصغيرة ومرضت الخدامة.
راحت تخدم في مطعم... الزبائن كامل طاحو مرضى.
الشرطة والمحققين الصحيين دخلو في حيط.
علاش؟ لأن "ماري" كانت تبان بصحة جيدة 100% !
خدودها حمر، صحتها بومبا، ما تسعل، ما عندها سخانة، ما تشكي من والو.
كي جاو يقبضو عليها، ماري رفدت "فرشيطة" كبيرة وهجمت عليهم وقاتلهم: "أنا نظيفة ! أنا خاطيني ! نتوما لي حابين تقطعولي خبزتي !"
❓ كيفاش إنسانة "صحيحة" تقتل العشرات بمرض معدي؟
❓ واش كان السر لي مخبي داخل جسم ماري وهي ماعلابالهاش؟
❓ وكيفاش انتهى بيها المطاف محبوسة في جزيرة وحدها لمدة 23 سنة؟
قصة "ماري تيفوئيد" (Typhoid Mary) هي لي بدلت قوانين الصحة في العالم.
التفسير في الجزء الثاني !
#النظافة

"ديرلي سيروم (Sérum) باش نوض على رجلي !" 💉😩
​شكون فينا ما سمعش هاد الجملة؟
واحد مريض، فاشل شوية، ولا عندو زكام خفيف...
تقولوا: "أشرب الدواء، أشرب الماء، وارتاح."
​يخزر فيك بنص عين ويقولك:
"لالا... الكاشيات (الأقراص) ما يديرو والو ! السيروم هو الصح... هو لي يوصل للدم ديريكت وهو لي يصحح !"
​بزاف ناس مقتنعين بلي هذيك القرعة تاع السيروم فيها "قوة سحرية" ⚡، وبلي الإبرة (البيكورة) هي الحل الوحيد باش يرجع "حصان".
وإذا ما دارش السيروم... يحس روحو ما داواش ڨاع.
​❓ بصح... واش كاين داخل هذاك "السيروم" بالصح؟
❓ هل هو "فيتامينات مركزة" وقوة خارقة؟
❓ ولا رانا نعالجو في "النفسية" برك، والجيب هو لي راه يخلص؟
​الحقيقة لي لازم يعرفها الجميع... باش نحبسو ما نثقبو في يدينا باطلاً.
نتلاقاو في الجزء الثاني !
​ #السيروم #الفشلة