Shekulli.info

🚨BEFASI! Anglia nuk fiton dot ndaj Ganës, kombëtares së 73-të në rënditjen e FIFA-s ❌

Rezultati përfundimtar i këtij takimi ishte 0 me 0, pavarësisht se 'Tre Luanët' dominuan në çdo aspekt, goli nuk erdhi dot 🥅

Reagon edhe Besian Mustafa: Duro LDK se gjithë ke duru, duro Mbretneshë

Ish-deputeti i LDK, Besian Mustafa, ka reaguar pas përplasjeve të fundit mes Degëve dhe selisë qendrore të partisë.

Mustafa ka bërë një përshkrim të ngjarjeve nëpër të cilat ka kaluar partia e themeluar nga Ibrahim Rugova dhe ka bërë thirrje për “durim”.

Postimi i plotë:

Eh moj LDK-ja jonë… duro.

Duro se ke duru’ edhe kur kanë dashtë me t’çky n’tana anët në 1990, 1992, 1994…

Duro se ke duru’ edhe kur t’kanë sulmu’ fizkisht, politikisht, e qysh kanë mujt e dijtë në 1999-2004…

Duro se ke duru’ kur t’kanë nda e përça sdi sa herë…

Duro se ke duru’ kur bijtë e bijat tua ma besnike t’i kanë quajt tradhtarë, shpiuna, bashkëpunëtorë të dreqit e t’birit…

Duro se ke duru’ edhe kur Rugovistat e vërtetë t’i kanë njekë stupc prej gjinit tand…

Duro se ke duru’ edhe kur “ata” kanë dashtë me t’i sh*të për patriot e LDK-ista e Rugovista t’vërtetë…

Duro se ke duru’ edhe kur “ata” u sh*tshin ma LDK se na, që jemi lind e rritë n’Ty, që kemi dhanë shpirt e jetë për Ty…

Duro LDK.

Duro se gjithë ke duru.

Duro se gjithë kemi me duru për Ty.

Duro se gjithë kemi me luftu për Ty.

Duro Mbretneshë si dje e sot, ashtu edhe nesër!

Senati i ShBA-së voton për ndaljen e luftës me Iranin

Senati i Shteteve të Bashkuara, ku shumicën e ulëseve e ka Partia Republikane e presidentit Donald Trump, të martën e mbështeti legjislacionin për ndërprerjen e veprimeve ushtarake amerikane kundër Iranit, por nuk ishte menjëherë e qartë se si do të ndikojë kjo masë në luftë, kur administrata e Trumpit po negocion një marrëveshje të paqes me shtetin aziatik.

Senatoi votoi me 50 vota “për” dhe 48 “kundër” rezolutës, e cila ishte miratuar edhe nga Dhoma e Përfaqësuesve më herët këtë muaj, duke pasqyruar shqetësim në rritje edhe në mesin e disa republikanëve të Trumpit rreth konfliktit të papopullarizuar që nisi më 28 shkurt, raporton agjencia e lajmeve “Reuters”.

Kjo ishte hera e parë që të dyja dhomat e Kongresit miratojnë një rezolutë që e udhëzon presidentin që t’i tërheqë forcat amerikane nga veprimet armiqësore, siç përcaktohet në Rezolutën e Kompetencave të Luftës, dokument i vitit 1973, i njohur më mirë si Akti për Kompetencat e Luftës.

Edhe pse ka gjasa që votimi të mbetet kryesisht simbolik, ai shënon një hap të qartë prapa për Trumpin, i cili deri rishtazi gëzonte përkrahje pothuajse të plotë nga anëtarët republikanë të Kongresit. Republikanët kanë shumicë të ngushtë në Senat dhe në Dhomën e Përfaqësuesve.

Sipas Aktit për Kompetencat e Luftës, masa nuk i dërgohet Shtëpisë së Bardhë për t’u nënshkruar nga Trumpi. Megjithatë, Shtëpia e Bardhë ka këmbëngulur se ky legjislacion nuk është kushtetues dhe, rrjedhimisht, as ligjërisht i detyrueshëm.

Ekspertët thonë se kjo gjë mbetet çështje ligjore e kontestuar që me gjasë do të zgjidhet në gjykata.

Kreu i Degës së Ferizajt në përkrahje të Abdixhikut pas përplasjeve të fundit: Po duan ta dëmtojnë LDK’në nga brenda

Kreu i Degës së LDK në Ferizaj, Visar Azemi, ka reaguar pas kërkesave që janë bërë nga disa prej Degëve për dorëheqje të Lumir Abdixhikut.

Sipas tij, rezultatet e dobëta nuk mund të maskohen me kërkesa publike për dorëheqje të kryetarit.

Azemi ka thënë se i jep përkrahje Abdixhikut në projektin e “bashkimit”

Postimi i plotë:

Nuk është as koha e as mënyra që mungesa e përgjegjësisë për rezultatet e dobëta nëpër degë të maskohet me kërkesa publike për dorëheqjen e Kryetarit të Partisë. Secili duhet së pari ta bëjë llogarinë para anëtarësisë së vet dhe të pyesë veten nëse ka bërë mjaftueshëm për ta bërë LDK-në më të fortë në zgjedhjet e fundit.

Në këto zgjedhje, shumë njerëz punuan me mish e me shpirt për rritjen e LDK-së. Prandaj është zhgënjyese kur, në vend të reflektimit dhe mirënjohjes ndaj këtij angazhimi, dikush zgjedh ta dëmtojë LDK-në nga brenda.

Unë i j*p mbështetje të plotë Kryetarit Lumir Abdixhiku dhe procesit të bashkimit të madh të LDK-së. Jo sepse nuk duhet të ketë mendime ndryshe, por sepse vendimet e mëdha janë marrë, proceset demokratike janë kry dhe tani kemi detyrimin të ecim përpara.

Si Kryetar i Degës së LDK-së në Ferizaj, besoj se nuk kemi të drejtë ti humbim energjitë tona në beteja të brendshme e në agjenda personale. Republika pret shumë më tepër prej nesh. Qytetarët presin alternativë serioze dhe një LDK të bashkuar.

Ata që me të vërtetë e duan LDK-në, sot kanë një detyrë ta forcojnë atë, jo ta lodhin me konflikte të pafundme.

Visari

Haziri për kërkesën për dorëheqjen e Abdixhikut: S’na ka zënë në befasi, është kërkesë politike

Nënkryetari i Lidhjes Demokratike të Kosovës, Lutfi Haziri ka folur për kërkesën që ka ardhur nga degët e Pejës dhe Lipjanit për dorëheqjen e kryetarit të partisë pas rezultatit të zgjedhjeve të 7 qershorit.

Ai këtë e ka vlerësuar si pjesë të demokracisë në këtë parti, duke e cilësuar si kërkesë politike.
Haziri ka thënë se kërkesa e këtyre degëve që drejtohen nga Gazmend Muhaxheri dhe Imri Ahmeti, por edhe përgjigjja e Lumir Abdixhikut do të trajtohen në organet e partisë.

Ai ka thënë se një kërkesë e tillë nuk i ka zënë në befasi, pas sipas tij pas zgjedhjeve situata të tilla janë të pritshme.

“Është kërkesë politike, reagimi i kryetarit është ky, ka fillu me falënderim dhe natyrisht e ka ndërtua përgjigjen e tij, të cilën do ta diskutojmë brenda strukturave. Ne kemi një qëllim të përbashkët, nuk bën me prek, qëllimin politik, pse LDK ekziston, garon, cili është misioni jonë , kjo është ajo që e kemi të përbashkët. Derisa LDK nuk kthehet parti e parë për shumë prej neve është e pa pranueshme, trendi është pozitiv. Kjo situatë nuk na ka zënë në befasi, situatat paszgjedhore, LDK është e hapur dallon prej partive tjera nuk i mban të mbyllura këto çështje edhe pse do duhej biseduar brenda”, ka thënë Haziri në Tëvë1.

🗣️ Cristiano Ronaldo pas ndeshjes: "Të gjithë thanë se duhet të dal në pension, por unë jam këtu." 🇵🇹 🐐

Abdixhiku, Muhaxherit dhe Ahmetit: Pres dorëheqjet tuaja, i pranoj menjëherë

Kryetari i Lidhjes Demokratike të Kosovës (LDK), Lumir Abdixhiku, ka reaguar ashpër ndaj kërkesave për dorëheqjen e tij të bëra publikisht nga kryetarët e degëve të partisë në Pejë dhe Lipjan, duke i akuzuar ata për sabotim dhe përpjekje për përçarje të partisë.

Përmes një reagimi publik, Abdixhiku tha se i falënderon dy kryetarët për sugjerimet e tyre, por vlerësoi se do të kishte qenë më korrekte që këto kërkesa t’ia shprehnin drejtpërdrejt dhe jo përmes mediave.

Ai pranoi se rezultati zgjedhor në degët e Pejës dhe Lipjanit nuk ka qenë i kënaqshëm, por theksoi se fakti që LDK ka dalë e treta në komuna ku qeveris, sipas tij, dëshmon për “një sabotim të thellë dhe një projekt që nuk është i LDK-së”.

Abdixhiku rikujtoi se çështjen e dorëheqjes së tij e kishte trajtuar në Kuvendin e partisë më 31 janar, duke shtuar se anëtarësia kishte folur qartë për këtë çështje. Në të njëjtën kohë, ai kërkoi dorëheqjen morale të kryetarëve të degëve në Pejë dhe Lipjan për performancën e dobët dhe rezultatin më të ulët ndër vite, duke deklaruar se do t’i pranonte ato menjëherë.

Kreu i LDK-së u zotua se nuk do të lejojë që, sipas tij, projektet për ndarjen e partisë të marrin formë, duke theksuar se LDK mbetet një parti kombëtare dhe jo “konfederatë interesash lokale apo platformë karrierash individuale”.

Në fund të reagimit, Abdixhiku u bëri thirrje anëtarëve të ruajnë qetësinë në këtë periudhë, duke shprehur keqardhje që, sipas tij, në momente të rëndësishme për partinë dhe vendin, dëmtimi nga brenda vazhdon të jetë synim. Ai e mbylli reagimin me pyetjen retorike: “Si nuk u ngopën kurrë?”.

Edhe Dega II e LDK-së në Prishtinë pritet të kërkojë dorëheqjen e Abdixhikut

Presioni ndaj kryetarit të Lidhjes Demokratike të Kosovës, Lumir Abdixhiku, pritet të rritet edhe më shumë brenda strukturave të partisë.

Sipas burimeve të mirëinformuara të Nacionales, Dega II e LDK-së në Prishtinë, e udhëhequr nga Florian Dushi, pritet të dalë me reagim publik përmes të cilit do të kërkojë dorëheqjen e Abdixhikut nga drejtimi i partisë.

Ky zhvillim do ta rreshtonte edhe këtë degë të rëndësishme të LDK-së përkrah degëve të tjera që tashmë kanë kërkuar përgjegjësi politike pas rezultatit të zgjedhjeve të 7 qershorit.

Më herët, degët e LDK-së në Pejë dhe në Lipjan kanë kërkuar reflektim, llogaridhënie dhe dorëheqje në nivelin më të lartë të partisë, duke e lidhur rezultatin zgjedhor me përgjegjësinë e lidershipit qendror.

Dega e LDK-së në Pejë ka vlerësuar se përgjegjësia për rezultatin duhet të bartet nga udhëheqja, ndërsa Dega e LDK-së në Lipjan ka kërkuar drejtpërdrejt dorëheqjen e kryetarit të partisë, duke e cilësuar atë si standard të përgjegjësisë politike dhe akt reflektimi ndaj mesazhit të dhënë nga qytetarët përmes votës.

LDK-ja në zgjedhjet e 7 qershorit u rendit sërish e treta, rezultat që ka shkaktuar pakënaqësi të hapura brenda partisë.

Gazmend Muhaxheri e Imri Ahmeti i dalin kundër Lumir Abdixhikut: Degët në Pejë e Lipjan kërkojnë dorëheqjen e tij

Dega e LDK-së në Pejë, njofton se pas mbledhjes së Kryesisë dhe analizës së rezultateve të zgjedhjeve të qershorit, “me shumicë votash, anëtarët e Kryesisë në Pejë kanë kërkuar reflektim të thellë politik dhe marrjen e përgjegjësisë nga lidershipi i partisë”.

“Në këtë drejtim, është kërkuar dorëheqja si akt moral dhe politik, duke vlerësuar se përgjegjësia për rezultatin duhet të bartet nga udhëheqja”, thuhet në njoftimin e degës.

“Kryesia konsideron se ky duhet të jetë një imperativ i qartë i kësaj shtëpie të demokracisë, në funksion të ruajtjes së besimit të anëtarësisë dhe forcimit të standardeve demokratike brenda partisë”, përfundon njoftimi.

Kryesia e Degës së LDK-së në Lipjan, pas mbledhjes së mbajtur së bashku me kryetarët e nëndegëve, ka kërkuar dorëheqjen e kryetarit të LDK-së, duke e cilësuar këtë si standard të përgjegjësisë politike dhe akt reflektimi pas mesazhit të dhënë nga qytetarët përmes votës.

Në njoftim, Dega e LDK-së në Lipjan fillimisht ka shprehur mirënjohje për strukturat e degës, aktivistët dhe anëtarësinë për angazhimin gjatë procesit zgjedhor. Po ashtu, janë falënderuar qytetarët e Komunës së Lipjanit për pjesëmarrjen dhe kontributin në një proces zgjedhor demokratik, të qetë dhe dinjitoz.

Sipas postimit, LDK në Lipjan ka kaluar nga 6,338 vota, apo 19.40 për qind, në zgjedhjet e dhjetorit, në 6,455 vota, apo 23.60 për qind, në zgjedhjet e qershorit 2026.

Megjithatë, Kryesia ka vlerësuar se rezultati mbetet larg pritjeve dhe angazhimit të strukturave lokale. Sipas saj, rezultati në nivel vendi nuk mund t’u atribuohet vetëm strukturave lokale, por reflekton edhe gjendjen, organizimin, funksionimin dhe kapacitetin politik të partisë në nivel qendror.

Ronaldo shënon gol dhe e thyen një rekord

Cristiano Ronaldo ia ka bërë sefte golit në Kupën e Botës 2026.

Ronaldo ka shënuar ndaj Uzbekistanit në xhiron e dytë të Botërorit të sivjetëm.

Ai shënoi në minutën e gjashtë.