Programa Especial TV

☀️🎉 𝗦𝗨𝗡𝗗𝗔𝗬 𝗕𝗜𝗡𝗚𝗢! 🎉☀️

🎯 Sunday Bingo ta October 4th pa 5 PM ! 🤩🍀🏆 .

Fundacion Alzheimer Aruba
cu Charla : "Descubriendo
Misterionan di Trastornonan
Frontotemporal ( FTD "

Oranjestad 27 September 2026 :

Diadomingo Fundacion Alzheimer Aruba a conclui e siman di consientisacion riba e malesa di
Alzheimer y awe dialuna dia 28 di september , den solidaridad cu e comunidad global , ta uni cu e
comienso pa e Dia Mundial di Conscientisacion riba FTD ( Trastornonan Frontotemporal of Fronto
Temporal Disorders FTD , ta diferente grupo di malesa di cerebro cu , segun estudionan haci , a aumenta
ultimo añanan significantemente na mundo y ta conosi como di ta malesa nan cu ta prevalece
specifico den e edadnan mas " hoben " ( entre 45 y 65 aña ) Durante ultimo aña a yega regularmente na
mi conocemento ( den practica di Neuropsicologia ) di casonan cu frecuentemente ta wordo neglisha of
mal diagnostica y consecuentemente mal maneha pa rasonnan conoci Comunidad mester bira mas
consiente y cuminsa haci e preguntanan corecto pa ta miho informa tocante su propio salud , ta mas
critico y sin miedo ! E prome paso ta wordo haci hunto cu Fundacion Pashentnan di Aruba den persona
di Dr. Jayburrt Dijkhoff cu lo elabora riba kico FTD ta y kico por spera ora derechonan di pashent wordo
viola
Charla : Descubriendo e Misterionan di Trastornonan Frontotemporal (FTP)
• Fecha : Diaranson , 30 di September 2026
• Ora : 7:00 PM – 9:00 PM
• Sitio : Biblioteca Nacional San Nicolas
• Entrada : Totalmente Gratis
Oradornan Experto Invita :
• Dr. Jayburrt Dijkhoff ( PDA ) – Representando Pashentnan di Aruba
• Drs. Melva Croes-Yánez ( F.A.A. ) – Representando Fundacion Alzheimer Aruba
Fundacion Alzheimer Aruba ta invita cordialmente tur cuidador , profesional di cuido , studiante y publico
en general pa asisti na e charla informativo aki Aumenta consientisacion local ta nos instrumento mas
fuerte pa yega e caminda pa un diagnosis corecto y pa sigura un miho red di apoyo pa e famianan cu ta
biba cu Trastornonan Neurocognitivo na edad hoben .

🎉🎟️ Ainda bo por pasa busca bo carchi nan di 𝐒𝐮𝐧𝐝𝐚𝐲 𝐁𝐢𝐧𝐠𝐨 na 𝗯𝗼 𝗣𝗨𝗡𝗧𝗢 𝗗𝗜 𝗕𝗘𝗡𝗧𝗔 faborito !📍🛍️ .

Pasco Encanta ta bolbe : e magia cu ta reuni nos tur ta cuminsa dia 14 di october 2026 :

ORANJESTAD ( 25 di september 2026 ) - Tin un momento den aña cu Aruba ta cuminsa sinti cu Pasco ta cercando E musica ta trece recuerdo , mientras famia y amigonan ta busca otro mas frecuente, y den cada cas ta nace e emocion di e dianan mas special di aña Pa hopi oyente , e sentimento ey ta cuminsa cu Pasco Encanta. Y Pasco Encanta su temporada 2026 ta cuminsa diaranson 14 di october , pa 6:00 di atardi , na momento cu Erin Croes ta invita henter Aruba pa comparti e prome anochi di su di tres temporada riba Magic FM

The Queen of Broadcasting a indica cu Pasco Encanta ta bolbe mas magico cu nunca E programa ta un invitacion pa para un rato den mey mey di e core core di tur dia , sinta hunto y disfruta di loke Pasco ta trece : amor , paz , alegria y e placer di comparti cu esunnan cu nos ta stima E prome transmision di e programa tan gusta aki a bira , pa hopi famia , e señal cu temporada di Pasco a cuminsa

Hunto cu Erin , manera semper lo t’ey meneer Addonsito Croes y juffrouw Thyara Doornkamp Nan tambe ta aporta nan energia y calor humano na e programa cu seccionnan manera Arubanita y cuminda delicioso

E temporada lo ta yena un biaha mas di musica di Pasco y fin di aña , recetanan cu ta haci nos corda e sabor di cas, ideanan pa decora , storianan inspirador , participacion di oyentenan y sorpresa pa grandi y chikito

Sea bo ta scucha den auto , for di trabou , preparando cuminda na cas of ta sigui for di exterior , Pasco Encanta ta laga bo sinti cu bo tambe ta parti di e celebracion

Manera semper , e programa tambe ta habri porta di studio di Magic FM pa artistanan y gruponan musical presenta loke a crea pa e dianan di fiesta Nan produccionnan ta merece un lugar special den e temporada : ta e bosnan y melodianan di nos mes pueblo cu ta bira e soundtrack di e recuerdonan cu famianan lo traha e Pasco aki

Algo masha great ta cu , pa prome biaha , publico por sigui Pasco Encanta riba tres plataforma : riba frecuencia radial di Magic FM 96.5 , e pagina di Facebook di Pasco Encanta y tambe a traves di TeleAruba Asina , e magia por yega na mas hogar, tanto na Aruba como na esnan cu ta leu , pero cu durante Pasco ta sinti nan curason cerca di cas

E di tres edicion di Pasco Encanta lo parti mas premio cu nunca Entre e sorpresanan tin regalonan di Super Food Plaza , Balashi Aruba & Aruba Tropical Bottling Company , Flora Market , Aruba W**e & Dine , Compra Aruba N.V , Setar N.V y N.V. Elmar Magic FM ta gradici tur sponsor y partner cu , cu nan sosten , ta yuda haci e temporada aki mas alegre pa nos comunidad

E cita hunto ta diaranson 14 di october proximo , pa 6:00 di atardi , pa nos habri e porta pa Pasco un biaha mas Pone Magic FM , bini hunto den famia y amigonan , y laga Pasco Encanta rebiba e magia den bo cas .

DVG TA INFORMA RIBA MALESANAN CU TA CIRCULA DEN COMUNIDAD !

Directie Volksgezondheid ( DVG ) ta informa comunidad cu segun e ultimo datonan di nos sistema di vigilancia di salud , tin diferente malesa circulando na Aruba

DVG ta registrando principalmente un aumento den casonan di keintura cu
sintomanan respiratorio

👉For di siman 35 ( cuminsando 24 augustus ) e cantidad di casonan a aumenta , principalmente infeccion di e vianan respiratorio superior , pero tambe Pneumonia y Bronquitis / Bronchiolitis

👉Den siman 38 , ( 14 september pa 20 september ) actividad di malesanan respiratorio a surpasa e nivel di alerta y DVG ta sigui vigila e situacion di cerca

👉Durante e ultimo 8 simannan , tambe a registra un promedio di 45 caso di
Gastroenteritis (stoma y tripa) pa siman , 18 caso di Bruela y un promedio di 6 caso
pa siman di malesanan transmiti pa sangura ( entre otro Dengue )

DVG ta recomenda comunidad pa aplica medidanan preventivo pa cuida nos salud y preveni malesa di sigui plama den nos comunidad :

✅ : Laba man frecuentemente
✅ : Cubri boca y nanishi ora tosa of nister
✅ : Keda cas ora bo ta malo
✅ : Evita contacto cerca cu personanan vulnerabel ora bo ta malo
✅ : Bebe suficiente likido
✅ : Bebe bo remedi segun indicacion
✅ : Elimina awa para rond cas y proteha bo mes contra picadura di sangura

Importante pa busca atencion medico si sintomanan ta severo , ta bira pio of si tin
señal di deshidratacion of cansancio extremo

DVG ta sigui vigila e situacion y lo informa comunidad si tin cambio importante

Bo Salud , Nos Prioridad !





Pa keda semper bon informa :
✅ : Like nos page Directie Volksgezondheid DVG Aruba
✅ : Follow nos riba Instagram directie_volksgezondheid_aruba
✅ : Check Aruba Health App
✅ : Subi nos website www.dvg.aw
✅ : Yama nos na 5224200
✅ : Mail nos na [email protected] .

Dia 1 october bo programa mas gusta E Fiesta Di Fin Di Aña Cu Robby Rosel Lo Wordo Transmiti Atraves Di page , Youtube Channel , LINKY TV Canal 24 www.linky.tv , Twitch TV Keda Sintonisa .

Keda sintonisa Awe 3:00Pm - 5:00PM Bo Canal Favorito Preparando Pa Fin Di Aña Na Abo Cas Por Scucha Atraves Di Top 95 FM , page , Youtube Channel , Linky TV Canal 24 www.linky.tv Click Ariba E Link Y Scroll Bai Abao Y Busca Canal 24 Programa Especial TV , Radio Ambiente Musical Keda Sintonisa Bo Programa Mas Gusta .