Mario Runa

Të dashur miq,

Që nga dita e djeshme, pas një rishqyrtimi të thelluar nga Departamenti i Shtetit të çështjes time, unë dhe familjarët e mi nuk jemi më të privuar nga mundësia e udhëtimit në Shtetet e Bashkuara të Amerikës. Pra, dje u korrigjua një vendim i padrejtë i administratës së mëparshme të SHBA-së ndaj meje dhe familjes sime.
Me këtë rast, dua të falënderoj administratën e Presidentit Trump dhe Sekretarin Rubio për korrigjimin e këtij vendimi të padrejtë, i cili ishte i bazuar fund e krye në lobimin korruptiv të Edi Ramës dhe mentorit të tij, George Soros.
Unë falenderoj gjithashtu familjen time, miqtë e mi shqiptar dhe të huaj, bashkëpunëtorët e mi, anëtarët dhe mbështetësit e PD-së për solidaritetin dhe mbështetjen e tyre të tejet të çmuar, të cilën e dëshmuan ndaj meje në sagen time për të vërtetën dhe dinjitetin njerëzor.
Mirënjohje të veçantë dua t'u shpreh sot mbi gjysmë milioni qytetarëve shqiptarë, të cilët, në kushtet tejet të vështira të një autokracie elektorale dhe një narkoregjimi, votuan për mua dhe Partinë Demokratike.
Duke përfunduar, ftoj anëtarët dhe mbështetësit e Partisë Demokratike të vazhdojmë pa rreshtur përpjekjet tona për rikthimin e votës së lirë dhe të ardhmes së merituar të qytetarëve shqiptarë.

— Rama, game over.

SQARIM

Lidhur me disa shkrime dhe komente të mediave për qëndrimet e Partisë Demokratike ndaj protestës së fuqishme rinore e qytetare, sqaroj sa vijon:

Së pari: Partia Demokratike që në fillim ka deklaruar se dënon me forcën më të madhe dhunën dhe rrëmbimin e protestuesve paqësorë në Zvërnec, epitetet e përdorura nga Edi Rama ndaj tyre dhe rrethimin e fshatit me tela me gjemba, si në kohë pushtimesh.

Së dyti: Kjo protestë nuk është thirrur nga PD-ja, por ne e respektojmë atë dhe të drejtën e çdo qytetari për të protestuar. Partia Demokratike nuk u ka kërkuar asnjëherë anëtarëve dhe mbështetësve të saj që të mos e mbështesin apo të mos shkojnë në protestë, pavarësisht disa thirrjeve të orkestruara nga "opozita e opozitës" si vegël e faktuar e qeverisë kundër nesh dhe për agjendën e vet politike. Duke i konsideruar këto thirrje si përpjekje të "opozitës së opozitës" për të manipuluar politikisht protestën rinore e qytetare në funksion të agjendës së vet politike, qëndrimi ynë ishte i qartë: nuk duhet që gjethet apo degëzat të na pengojnë të shohim trungun madhështor të protestës së rinisë dhe qytetarëve shqiptarë.

Partia Demokratike është forca kryesore politike opozitare që këto vitet e fundit ka qëndruar fuqishëm dhe ka paguar çmimin më të lartë në përballjen me narkoregjimin e Edi Ramës, këtij "Pashiqi" shqipfolës – por edhe me mbështetësit ndërkombëtarë të regjimit të tij. Ajo arriti të faktojë me vendosmëri para shqiptarëve dhe botës vërtetësinë e kauzës së saj, përmes 8 rezolutave të organizatave politike më të mëdha në botë dhe raporteve kryesore të institucioneve më të rëndësishme ndërkombëtare, në të cilat dënohen me unanimitet shtypja e opozitës dhe pluralizmit politik, farsa elektorale, narkoshteti dhe plaçkitja e shqiptarëve nga Edi Rama dhe organizata e tij kriminale.
Ndaj, edhe pas formulimit dhe paraqitjes publike të pesë kërkesave nga përfaqësuesit e Lëvizjes së fuqishme rinore e qytetare, Partia Demokratike mbështet fuqimisht largimin e regjimit të paligjshëm e narkodiktatorial të Edi Ramës, kreut të organizatës kriminale më të rrezikshme në Evropë, kundër të cilit ajo organizoi 8 protesta të fuqishme si kryengritje paqësore kombëtare.
Kurse lidhur me mbështetjen e kërkesave të përfaqësuesve të Lëvizjes së fuqishme rinore e qytetare për anulimin e një sërë ligjesh të narkoqeverisë që lidhen me investimet strategjike, Korporatën e Investimeve, Partneritetet Publiko-Private (PPP), Paketën dhe Portën e Maleve, mjedisin dhe trashëgiminë kulturore, pa asnjë përjashtim, të gjitha ato janë kundërshtuar me forcën më të madhe nga PD-ja dhe grupi i saj parlamentar në komisionet dhe seancat parlamentare, e madje, në raste të caktuara, edhe në gjykatat e kontrolluara nga qeveria, ndaj dhe ajo i mbështet pa asnjë rezervë këto kërkesa.
Partia Demokratike ka vlerësuar dhe vlerëson shumë ndjeshmërinë dhe shpirtin e protestës së të rinjve, qytetarëve dhe shoqërisë civile për mbrojtjen e mjedisit si një arritje të madhe për kombin dhe Shqipërinë, por shton me vërtetësi se ajo është forca më e madhe politike që ka denoncuar dhe protestuar më shumë se kushdo tjetër kundër batërdisë nga qeveritarët dhe oligarkët e qeverisë në:
Parkun Kombëtar të Butrintit;
Parkun Kombëtar të Shebenikut;
Parkun Kombëtar të Dajtit;
Luginën e Drinit me Hidrocentralin e Skavicës;
Ndërtimin e Aeroportit të Vlorës dhe de fakto asgjësimin e habitatit të shpendëve në Lagunën e Nartës;
Shkatërrimin e shtratit të lumenjve Shkumbin, Mat, etj.
Për të gjitha këto, ajo është krenare edhe për çmimin që ka paguar.

Së fundmi, Partia Demokratike nuk është dhe nuk do të jetë kurrë kundër investimeve të huaja në Shqipëri. Ajo i ka mirëpritur dhe do t'i mirëpresë ato me kushtin e vetëm dhe të panegociueshëm që të bëhen në përputhje të plotë me ligjet e vendit dhe ato ndërkombëtare.

Në këtë pikë, PDSH është e bindur se shkaku më themelor i protestës qëndron tek mungesa totale e transparencës nga Edi Rama në rastin e Zvërnecit, si në çdo rast tjetër në të cilat ai sillet si sulltan i një sulltanati jashtë kohe.

Duke përfunduar: Partia Demokratike mbështet plotësisht pesë kërkesat e drejta të përfaqësuesve të Lëvizjes së fuqishme rinore e qytetare dhe i kërkon Edi Ramës të heqë dorë nga kërcënimet, arroganca, përçmimi dhe etiketimet e protestuesve. Për një zgjidhje të vetme politike, ai duhet të japë menjëherë dorëheqjen, të plotësojë kërkesat e përfaqësuesve të Lëvizjes së fuqishme rinore e qytetare dhe të krijohet një qeveri kujdestare për përgatitjen e zgjedhjeve të lira dhe të ndershme në Shqipëri.

Patëm kënaqësinë që, si anëtarë të rinj të Këshillit Kombëtar të Partisë Demokratike, të zhvillonim një takim me Antonio López-Istúriz White, Sekretar i Përgjithshëm i CDI-së, eurodeputet dhe ish-Sekretar i Përgjithshëm i Partisë Popullore Evropiane, një mik i çmuar i Partisë Demokratike, i Kryetarit Berisha dhe i Demokratëve shqiptarë.

Gjatë takimit diskutuam për ripërtëritjen e Partisë Demokratike, forcimin e rolit të brezit të ri të politikanëve të djathtë dhe vizionin tonë për të ardhmen e Shqipërisë.

Mbështetja e familjes së madhe të partive popullore evropiane për Shqipërinë dhe Partinë Demokratike mbetet e palëkundur. Politikat dhe vizioni i së djathtës janë alternativa që mund t’i sjellë vendit mirëqenie, zhvillim, institucione më të forta dhe më shumë mundësi për çdo qytetar e familje shqiptare.

Me përgjegjësi dhe përkushtim, mbetet misioni ynë që, së bashku, t’i japim Shqipërisë alternativën e duhur qeverisëse dhe të ndërtojmë një të ardhme më të mirë për të gjithë shqiptarët.

PROTESTË

E PREMTE, 5 QERSHOR
ORA 18:00

PARA BASHKISË SË VLORËS

VLORA NGRIHET!

Të nderuar demokratë dhe delegatë të Partisë Demokratike, ju shpreh falenderimet dhe mirënjohjen time më të thellë për secilin prej jush që keni përzgjedhur dhe besuar në emrin tim. Ky besim për mua është një përgjegjësi e madhe dhe një nder i veçantë. Ju jam sinqerisht mirënjohës për mbështetjen tuaj dhe për besimin e treguar. Ju siguroj se do të përpiqem të jem gjithmonë në lartësinë e këtij besimi dhe të kontribuoj me përkushtim maksimal. Faleminderit nga zemra të gjithëve. 🙏🏻

Të nderuar demokratë dhe delegatë,

Nesër, Partia Demokratike mbledh Kuvendin Kombëtar të Ripërtëritjes, pas një katërvjeçari të mbushur me sfida, beteja dhe qëndresë përballë padrejtësive. Ishin vite të vështira, por ne nuk u tërhoqëm. Luftuam për të drejtën, për të vërtetën dhe për shpirtin blu të çdo demokrati që beson te liria, te vlerat dhe te e ardhmja e vendit.

Ky kuvend nuk është vetëm një moment reflektimi për rrugën që kemi kaluar, por edhe një moment vendimtar për të ardhmen e Partisë Demokratike. Nesër do të votohet edhe për Këshillin Kombëtar, një strukturë me përgjegjësi të madhe në përfaqësimin dhe forcimin e zërit të demokratëve.

Kam nderin dhe privilegjin që të jem një nga kandidatët për Këshillin Kombëtar. Me përulësi dhe besim, kërkoj mbështetjen dhe votën tuaj.

Besoj se vetëm të bashkuar mund ta bëjmë Partinë Demokratike më të fortë dhe më pranë qytetarëve. Faleminderit për besimin dhe mbështetjen tuaj!