STEAM FabLab Barleti

Panairi STEAM është një traditë, dhe ashtu si çdo vit, edicioni i vitit 2026 shfaqi një gamë të jashtëzakonshme projektesh inovative. Studentë nga vende të ndryshme të Shqipërisë morën pjesë, duke sjellë zgjidhje teknike për sfidat moderne.

Një ndër to është projekti "Nanoteknologjia" i prezantuar nga nxënësit e shkollës "Sami Frashëri". Ky projekt ndërthur mjekësinë me teknologjinë, duke u fokusuar në rritjen e vetëdijes për aplikimet e nanogrimcave në fushën e shëndetësisë.

Ajo çka e bën të veçantë këtë projekt, është krijimi i një maketi ndërveprues të mushkërisë për të demonstruar se si funksionon trajtimi mjekësor kundër sëmundjeve të rënda, siç është kanceri i mushkërive. Përmes një modeli të koduar me drita, nxënësit kanë ilustruar procesin në mënyrë vizuale: dritat blu dhe jeshile simbolizojnë qelizat kanceroze, të cilat fiken në momentin që në model futet një "nanogrimcë", duke u zëvendësuar nga një dritë e bardhë që tregon qelizat e shëndetshme dhe mposhtjen e sëmundjes.

Nxënësit shpjegojnë se këto nanogrimca modifikohen përpara se të futen në trup për të kryer funksione specifike dhe trajtime të ndryshme. Synimi kryesor i këtij grupi është që nanoteknologjia të njihet më shumë si degë në Shqipëri, duke parë hovin e madh që ka marrë së fundmi, e pse jo të bëhet pjesë e programeve tona arsimore si një procedurë me vlerë të jashtëzakonshme për të ardhmen.

Çdo inovacion i madh nis me një ide dhe dëshirë për të ndryshuar botën!

Panairi STEAM është një traditë, dhe ashtu si çdo vit, edicioni i vitit 2026 shfaqi një gamë të jashtëzakonshme projektesh inovative. Studentë nga vende të ndryshme të Shqipërisë morën pjesë, duke sjellë zgjidhje teknike për sfidat moderne.

Një ndër to është projekti i një asistence personale inteligjente, me emrin mjaft popullor "Jarvis". I frymëzuar nga filmat e famshëm të Iron Man-it, ky projekt sjell një version akoma më praktik të një asistenti digjital.

Ajo çka e bën të veçantë këtë projekt, është integrimi i sistemeve të sigurisë dhe identifikimit, duke përfshirë Face ID (njohjen e fytyrës) dhe Voice ID (njohjen e zërit). Inteligjenca artificiale arrin të dallojë fytyrën e përdoruesit në kohë reale përpara se të nisë komunikimin.

Pasi bëhet identifikimi, përdoruesi mund të komunikojë lirshëm me "Jarvis-in", i cili mund të prezantojë veten dhe të ekzekutojë komanda të ndryshme zanore.

Sistemi përfshin gjithashtu një model ndërveprues trajnimi dhe vlerësimi përmes funksioneve "Thumbs Up" (Ndihmuese) ose "Thumbs Down" (Gabim), duke bërë që asistenti të mësojë vazhdimisht dhe të përmirësojë ndihmën që ofron.

Çdo inovacion i madh nis me një ide dhe dëshirë për të ndryshuar botën!

Panairi STEAM është një traditë, dhe ashtu si çdo vit, edicioni i vitit 2026 shfaqi një gamë të jashtëzakonshme projektesh inovative. Studentë nga vende të ndryshme të Shqipërisë morën pjesë, duke sjellë zgjidhje teknike për sfidat moderne.

Një ndër to është projekti "PawSense" i prezantuar nga Ejona Kulla dhe Keisi Gjini, nxënëse nga gjimnazi "Flatrat e Dijes" në Fier, të cilat kishin dhe qenin e tyre, Lunën. Ky projekt sjell një zgjidhje teknologjike mjaft humane, duke u fokusuar në mirëqenien e kafshëve dhe sigurinë e komunitetit.

Ajo çka e bën të veçantë këtë projekt, është krijimi i një jeleku inteligjent i cili mat parametrat jetësorë të qenit, përkatësisht saturimin e oksigjenit, rrahjet e zemrës dhe temperaturën. Gjithashtu, sistemi monitoron shpejtësinë e lëvizjes gjatë ecjes apo vrapimit, si dhe nivelin e zhurmave nga njerëzit përreth. Të dhënat shfaqen në kompjuter në kohë reale, duke mundësuar marrjen e masave parandaluese për qetësimin e kafshës përmes masazheve apo tingujve specifike që prodhon vetë jeleku në momentet kur dedektohet stres apo agresion.

Nxënëset e kanë ndërtuar këtë projekt me fokus të veçantë menaxhimin e qenve endacakë, një problematikë mjaft e pranishme në qytetin e Fierit që prek sidomos fëmijët dhe moshën e tretë. Për realizimin e "PawSense", ato kanë bashkëpunuar me Bashkinë Fier dhe Drejtorinë Veterinare të saj. Vajzat synojnë ta çojnë idenë e tyre edhe më tej përmes një bashkëpunimi me një shoqatë zvicerane për mbrojtjen e qenve, duke e zvogëluar sistemin e sensorëve në një qafore praktike që të jetë sa më pak e bezdisshme për kafshët.

Puna dhe përkushtimi i treguar në këtë projekt janë një frymëzim për të gjithë ne.

Çdo inovacion i madh nis me një ide dhe dëshirë për të ndryshuar botën!

Panairi STEAM është një traditë, dhe ashtu si çdo vit, edicioni i vitit 2026 shfaqi një gamë të jashtëzakonshme projektesh inovative. Studentë nga vende të ndryshme të Shqipërisë morën pjesë, duke sjellë zgjidhje teknike për sfidat moderne.

Një ndër to është dhe projekti "Mblidh shiun dhe mbro të ardhmen" i realizuar nga grupi "Go Eco - Go Green". Ky projekt konsiston në një sistem ekologjik filtrimi, i cili synon të shfrytëzojë ujin e shiut për të ricikluar burimet natyrore dhe për të kursyer energji në mjediset shkollore.

Ajo çka e bën të veçantë këtë projekt, është implementimi i bimës TIFA në pjesën e filtrimit nëntokësor. Kjo bimë i përshtatet plotësisht klimës në Shqipëri, rritet në çdo kohë të vitit dhe largon vetëm nutrientët e panevojshëm, duke ofruar një filtrim krejtësisht natyral, me kosto të ulët dhe që shërben njëkohësisht si një dekor i këndshëm për një shkollë eco-friendly.

Për realizimin e këtij ekosistemi, nxënësit kanë matur syprinën e tarracës së shkollës, për të llogaritur potencialin e mbledhjes së ujit dhe bilancin e energjisë që pritet të kursehet. Mbi këto të dhëna, ata kanë ndërtuar komplet planimetrinë e shkollës në 3D, duke paraqitur në mënyrë të detajuar depozitën dhe sistemin e filtrimit.

Ky sistem është projektuar me një kosto mjaft të arsyeshme për t'u zbatuar fillimisht në një shkollë, por me vizionin e madh për t'u shtrirë në të gjithë Tiranën dhe në mbarë Shqipërinë. Duke qenë se reshjet e shiut nuk mungojnë në vendin tonë, ky projekt sjell një qasje tejet praktike se si mund t'i shfrytëzojmë ato për mirë, duke pasur një kosto investimi shumë më të ulët krahasuar me vlerën e madhe që do të kursehet në të ardhmen.

Puna e palodhur dhe vizioni i këtyre nxënësve është dëshmi se e ardhmja e inovacionit në Shqipëri është në duar të sigurta. Mos rreshtni së krijuari dhe eksperimentuari.

Çdo inovacion i madh nis me një ide dhe dëshirë për të ndryshuar botën!

Panairi STEAM është një traditë, dhe ashtu si çdo vit, edicioni i vitit 2026 shfaqi një gamë të jashtëzakonshme projektesh inovative. Studentë nga vende të ndryshme të Shqipërisë morën pjesë, duke sjellë zgjidhje teknike për sfidat moderne.

Një ndër to është projekti "Eko Bulqiza Smart Hub" i realizuar nga nxënëset e Gjimnazit "Arbëria" në Bulqizë. Ky projekt sjell një vizion të plotë ekologjik, duke u fokusuar në shfrytëzimin e energjisë së rinovueshme dhe mbrojtjen e mjedisit në një zonë malore me miniera.

Ajo çka e bën të veçantë këtë projekt, është integrimi i një sistemi gjeotermal kaskad, i cili merr nxehtësinë natyrale të ujit nga miniera nëntokësore për të ngrohur një resort, si dhe për të furnizuar pishina termale, shtëpi alpine dhe sera pa shpërdoruar asgjë.

Për prodhimin e energjisë, ky ekosistem inteligjent kombinon turbinat e erës, sistemet e ventilimit të minierës dhe panelet diellore të pajisura me Micro:bit dhe module ESP32 të programuara në C++.

Sistemi automatik mbron punëtorët e minierës duke zbuluar gazrat e rezikshme dhe duke aktivizuar ventilimin, ndërsa sensorët e lëvizjes kujdesen për sigurinë nga kafshët e egra të zonës. Për më tepër, projekti integron ashensorë e teleferikë të komanduar dixhitalisht, sisteme të filtrimit të ujit dhe një cikël të plotë akuaponie ku mbetjet e shpendëve dhe peshqve ushqejnë njëra-tjetrën.

Puna e palodhur dhe vizioni i këtyre nxënëseve është dëshmi se e ardhmja e inovacionit në Shqipëri është në duar të sigurta. Mos u ndalni së eksploruari dhe së krijuari, sepse idetë tuaja sot janë themelet e teknologjisë të së nesërmes.

Çdo inovacion i madh nis me një ide dhe dëshirë për të ndryshuar botën!

Panairi STEAM është një traditë, dhe ashtu si çdo vit, edicioni i vitit 2026 shfaqi një gamë të jashtëzakonshme projektesh inovative. Studentë nga vende të ndryshme të Shqipërisë morën pjesë, duke sjellë zgjidhje teknike për sfidat moderne.

Një ndër to është "Rrjeti i Emergjencave SE-DC" nga Shkolla e Mesme "Besnik Sykja". Ky projekt përqendrohet në një rrjet hibrid emergjence të projektuar për të ruajtur energjinë për infrastrukturën kritike spitalore gjatë dështimeve të rrjetit.

Ajo çka e bën të veçantë këtë projekt, është integrimi hibrid i energjisë duke kombinuar panelet diellore me ndjekje të diellit, një gjenerator miqësor me mjedisin dhe bateritë litium për të siguruar një furnizim të qëndrueshëm me energji.

Ky sistem përdor mikrokontrollues Arduino për të lejuar menaxhimin dixhital përmes komandave me prekje dhe zë.

Ai gjithashtu siguron që nëse një burim energjie, siç është paneli diellor ose gjeneratori, dëmtohet fizikisht, bateria e litiumit merr automatikisht kontrollin.

Sistemi përdor rrymë të vazhdueshme (DC) për të furnizuar drejtpërdrejt me energji pajisjet moderne të reanimacionit dhe sallës së operacionit, të cilat shpesh funksionojnë me rrymë DC të brendshme.

Puna e palodhur dhe vizioni i këtyre nxënësve është dëshmi se e ardhmja e inovacionit në Shqipëri është në duar të sigurta. Mos u ndalni së eksploruari dhe së krijuari, sepse idetë tuaja sot janë themelet e teknologjisë së nesërme.

Çdo inovacion i madh nis me një ide dhe dëshirë për të ndryshuar botën!

Në STEAM Lab, studentët vazhdojnë punën.

Këto janë disa momente nga projektet e tyre. Çdo gjë mësohet duke u praktikuar. Çdo dështim është një mësim. Projektet konkrete, konsistojnë në dritat sekuenciale dhe sensor parkimi. Këto ndërtohen duke përdorur ekosistemin e Arduino.

I urojmë suksese studentëve!