Versus.al

Mimoza Ahmeti dhe Ilir Shaqiri janë përplasur sërish mbi identitetin kombëtar ka tensionuar atmosferën në fermë, duke përfshirë Mozën dhe Ilirin në një përplasje verbale që degradoi në ofendime personale dhe akuza të ndërsjella.

Gjatë debatit, Iliri e cilësoi Mozën si “antishqiptare” dhe përdori termin ofendues “shkinë”, deklarata që ngjallën reagime të forta brenda spektaklit. Në spektaklin e së shtunës, ai shpjegoi se ishte ndier i fyer nga komentet e Mozës për Italinë, vend ku jeton prej vitesh dhe ku ka krijuar familjen e tij.

“Kam nusen italiane dhe vajzën gjysmë italiane, gjysmë shqiptare. Kur ofendohet Italia, unë e marr si ofendim personal. Më irritoi edhe fakti që u përmend vajza ime dhe mënyra se si ajo flet shqip”, u shpreh Iliri.

Nga ana tjetër, Moza kundërshtoi deklaratat e tij, duke theksuar se mësimi i gjuhës shqipe është pjesë e identitetit dhe kulturës së çdo shqiptari.

“Më duket e papranueshme përdorimi i fjalës ‘shkijë’. Nëse një fëmije nuk i mësohet gjuha shqipe, ai humbet një pjesë të rëndësishme të kulturës së tij. Iliri po përpiqet të ndërtojë identitetin e tij në fermë mbi nacionalizmin”, deklaroi ajo.

Policia e Himarës ka finalizuar operacionin e koduar “Shëtitësi”, duke arrestuar një 37-vjeçar të dyshuar për një sërë vjedhjesh të ndodhura gjatë muajve të fundit në zona të ndryshme të bregdetit.

Sipas njoftimit zyrtar, në pranga ka rënë shtetasi A.A., 37 vjeç, banues në Fushë Krujë, i cili dyshohet se është autor i disa vjedhjeve të kryera në Dhërmi, Qeparo, Kuç dhe Himarë, në periudhën janar–qershor 2026.

Hetimet paraprake tregojnë se i dyshuari ka vjedhur banesa, dyqane, markete dhe objekte kulti, duke marrë shuma parash dhe sende me vlerë.

Policia bën me dije se identifikimi dhe kapja e tij është bërë pas një pune hetimore disa mujore, ku janë administruar prova materiale, pamje filmike dhe janë kryer veprime të shumta procedurale, nën drejtimin e Prokurorisë pranë Gjykatës së Vlorës.

Autoritetet theksojnë se hetimet nuk janë mbyllur ende dhe po verifikohen edhe raste të tjera të ngjashme, për të cilat dyshohet se mund të jetë i përfshirë i njëjti shtetas.

Materialet i janë referuar Prokurorisë për veprime të mëtejshme ligjore.

Nëna e Violand Bracellarit, autorit të vrasjes së efektivit të policisë Enea Mekolli dhe plagosjes së efektivit tjetër Edison Adri, ka folur për herë të parë pas ngjarjes së rëndë, në Lozhan.

E pyetur nga gazetarët, Berdane Braçellari ka treguar si dëshmitare okulare versionin e saj mbi mëngjesin e datës 4 Qershor.

“Kam qenë që në fillim, hyra në stallë si gjithmonë, në krahun matanë hyra vet, në anën tjetër hyn djali.

Djali asnjëherë nuk më futej në punë, thjesht me ikën dy punëtorë dhe erdhi. Kisha një parandjenjë se përherë kemi qenë duke u mbrojtur për shkak të policisë. Erdhi policia, i thashë; “Djalë, erdhën”. Djali qenka hedhur dritarja e vicave, aty ishte polici. Del lart djali, i bie polici. “