timoni.al

💥SKANDALI I ZVËRNECIT: Ish-gjyqtari Alaudin Malaj që vendoste për tokat, sot del përfitues në të njëjtën zonë? SPAK përballë një prej pistave më të rënda të bregdetit shqiptar

Sa më shumë hapen dokumentet e projektit gjigant të Zvërnecit, aq më e errët bëhet panorama e interesave që fshihen pas tij.

Një nga pistat më tronditëse lidhet me emrin e ish-kryetarit të Gjykatës së Apelit Tiranë, Alaudin Malaj. Sipas dokumenteve të publikuara nga BIRN, kompania familjare AM-Invest, në pronësi të familjes Malaj, rezulton të zotërojë rreth 25 mijë metra katrorë tokë brenda zonës së projektit dhe të jetë palë në kontratën e sipërmarrjes për resortin e shumëpërfolur të Zvërnecit.

Kjo nuk do të ishte lajm nëse Alaudin Malaj do të ishte thjesht një biznesmen. Por ai ka qenë gjyqtari që ka vendosur mbi fatin juridik të pronave në të njëjtën zonë.

Sipas investigimit, Malaj ka dhënë të paktën dy vendime kyçe që lidhen me pronat e Zvërnecit. Njëri prej tyre i njohu familjes Shehu 156 hektarë tokë, ndërsa një tjetër pushoi një procedim penal për falsifikim dokumentesh. Të dyja këto vendime u rikthyen për rigjykim nga Gjykata e Lartë, e cila konstatoi probleme serioze në arsyetimin e tyre.

Dhe pikërisht këtu lind dyshimi që kërkon përgjigje.

A kemi të bëjmë me një rast ku pushteti gjyqësor është përdorur për të ndikuar mbi fatin e pronave, ndërsa përfitimi ekonomik është materializuar vite më vonë përmes kompanive familjare?

Faktet janë kokëforta. Sot, në zemër të projektit të Zvërnecit, shfaqet AM-Invest. Pronarët e saj janë Hasan Malaj, Agron Malaj dhe vetë Alaudin Malaj. Pra, familja e ish-gjyqtarit nuk është një spektatore e largët e zhvillimit. Ajo është pjesë e drejtpërdrejtë e tij.

Agron Malaj pretendon se toka është blerë në vitin 2021 përmes bankës dhe nuk ka asnjë lidhje me familjen Shehu apo me vendimet e mëparshme gjyqësore. Por pagesa bankare nuk është provë pafajësie. Ajo tregon vetëm mënyrën e pagesës, jo origjinën reale të pronës, historikun e saj juridik apo mungesën e konfliktit të interesit.

Prandaj pyetjet që SPAK duhet të hetojë janë shumë më të thella:

* Kush ishte pronari real i tokës para vitit 2021?
* A lidhet kjo pasuri me zinxhirin e vendimeve gjyqësore të dhëna ndër vite?
* A ka përfituar familja Malaj nga informacioni apo ndikimi i krijuar gjatë ushtrimit të detyrës së gjyqtarit?
* A justifikohet ligjërisht burimi i kapitalit dhe zgjerimi i pasurive të AM-Invest?
* A kemi të bëjmë me një konflikt interesi të fshehur dhe një përfitim të vonuar ekonomik?

Këto dyshime bëhen edhe më të forta nga fakti se Alaudin Malaj u largua nga sistemi i drejtësisë para përfundimit të procesit të vetingut dhe më pas u përjashtua nga sistemi. Për vite me radhë ai është konsideruar si një nga gjyqtarët më të pasur në vend, me pasuri të deklaruara që arrinin në miliona euro.

Sot, ndërsa në Zvërnec po projektohet një nga investimet më të mëdha turistike në bregdetin shqiptar, emri i familjes së tij del sërish në qendër të vëmendjes.

Kjo nuk është më vetëm histori resortesh, kontratash apo tokash.

Kjo është një çështje që prek besimin tek drejtësia, mënyrën si janë krijuar titujt e pronësisë në bregdet dhe dyshimin nëse vendimet e gjykatave janë shndërruar në pasuri private për familjet e atyre që i kanë dhënë.

Nëse lufta kundër korrupsionit të nivelit të lartë nuk është thjesht slogan, atëherë SPAK duhet të zbresë deri në themel të kësaj historie: të ndjekë rrugën e pronave, të verifikojë historikun e vendimeve gjyqësore, të analizojë lëvizjen e aksioneve dhe të zbulojë se kush janë përfituesit realë të kësaj skeme.

Sepse pyetja që rëndon mbi gjithë projektin mbetet pa përgjigje:

Si përfundoi familja e një ish-gjyqtari që vendoste për tokat e Zvërnecit, pronare dhe përfituese potenciale në të njëjtën zonë ku ai vetë kishte ushtruar pushtetin e tij gjyqësor?

💥Zvërnec South Adriatic Development ndërpret kontratën me kompaninë e sigurisë pas incidentit: Nuk kishin asnjë autorizim nga ne, kërkojmë falje

Pasi kemi shqyrtuar me përgjegjësi të plotë materialet e bëra publike mbi sjelljen e pajustifikueshme të shoqërisë së sigurisë, kompania "Zvërnec South Adriatic Development" njofton shtypin dhe opinionin publik si më poshtë:
Për të garantuar sigurinë e zonës zhvillimore, që është tërësisht pronë private, ishte kontraktuar një kompani sigurie e pajisur me lejet dhe licencat përkatëse nga institucionet shtetërore dhe me përvojë në këtë fushë.
Por ekzaminimi i materialeve e bën absolutisht të papranueshme vazhdimin e marrëdhënies kontraktuale me këtë shoqëri. Në asnjë moment, kompania e kontraktuar e sigurisë nuk ka pasur instruksione nga ana jonë për të vepruar në kundërshtim me autorizimet ligjore dhe në cenim të të drejtave të garantuara për qytetarët shqiptarë.
Ndërhyrja ndaj një qytetari që ishte në të drejtën e tij të plotë për të protestuar jashtë kufirit të pronës, dhe tërheqja e tij brenda saj për të ushtruar forcë, nuk është vetëm e papranueshme moralisht, por edhe e dënueshme penalisht. Për këtë arsye kemi ndërprerë me efekt të menjëhershëm marrëdhënien kontraktuale me shoqërinë e sigurisë.
Kërkojmë ndjesë për këtë incident të panevojshëm dhe u bëjmë thirrje organeve kompetente të kryejnë një hetim të plotë e të paanshëm të ngjarjes dhe të ndëshkojnë sipas ligjit personat përgjegjës. "Zvërnec South Adriatic Development" qëndron në dispozicion të plotë ndaj autoriteteve dhe të gjitha palëve të tjera të interesuara, me gatishmëri dhe transparencë të plotë.
Ritheksojmë se marrëdhënia me komunitetin është thelbësore për investitorët dhe mbetemi të angazhuar të bashkëpunojmë me të gjithë banorët e zonës. Në javët në vijim do të shtojmë përpjekjet tona për një komunikim më thelbësor me komunitetin e respektuar të zonës.
Po ashtu shprehim keqardhjen që episodi i shëmtuar i djeshëm po shfrytëzohet për të qarkulluar në rrjetet sociale pamje tërësisht të fabrikuara të projektit, me qëllim nxitjen e idesë së gabuar se zhvillimi do të shkatërrojë natyrën.
Vlera ndërkombëtare e projektit qëndron pikërisht në përkushtimin maksimal për të harmonizuar projektin me natyrën, sipas standardeve më të larta të aplikuara ndonjëherë, në mbrojtje të ekosistemeve të veçanta të zonës, si vlerë e padiskutueshme e trashëgimisë natyrore të Shqipërisë.
Projekti final do t'i prezantohet në kohën e duhur publikut si dëshmi përtej çdo dyshimi e një shembulli të shkëlqyer të harmonisë me natyrën.

"Geraldo Biba"
Ky eshtë surrati qe terhoqi zvarre
vëllain tonë në protestën e vlores
"Eshte piese e Major Security"
Bojkotojeni

Për më shumë se 20 vjet, e moshuara e përdori objektin për të thyer arra, për të shtypur….

Në verën e vitit 2025, një grua 90-vjeçare nga provinca Hubei në Kinë, zbuloi se "çekiçi" që kishte përdorur për më shumë se 20 vjet nuk ishte aspak një mjet pune, por një granatë dore ushtarake.

Historia nisi rreth dy dekada më parë, kur ajo gjeti në arë një objekt metalik me një dorezë druri. Duke menduar se ishte një çekiç i vjetër, e mori në shtëpi dhe filloi ta përdorte për punë të ndryshme të përditshme.

Për më shumë se 20 vjet, e moshuara e përdori objektin për të thyer arra, për të shtypur erëza dhe madje edhe për të ngulur gozhdë. Nga përdorimi i vazhdueshëm, doreza prej druri ishte bërë e lëmuar dhe e lustruar.

E vërteta doli në dritë vetëm kur disa punëtorë, gjatë punimeve në banesën e saj, vunë re formën e pazakontë të objektit dhe njoftuan policinë. Pas verifikimeve, ekspertët konstatuan se bëhej fjalë për një granatë dore të vjetër ushtarake.

Sipas specialistëve, fakti që granata nuk shpërtheu gjatë gjithë këtyre viteve mund të shpjegohet me degradimin e mekanizmit të ndezjes për shkak të moshës, lagështisë dhe korrozionit të pjesëve të brendshme. Në raste të tilla, sistemi që transmeton ndezjen nga fitili te mbushja shpërthyese mund të mos funksionojë më siç është projektuar. Megjithatë, ekspertët theksojnë se objekte të tilla mbeten tepër të rrezikshme dhe mund të shpërthejnë në rrethana të caktuara.

Policia e sekuestroi menjëherë granatën dhe e asgjësoi në mënyrë të kontrolluar dhe të sigurt.

Ngjarja konsiderohet e jashtëzakonshme, pasi një objekt potencialisht vdekjeprurës u përdor për vite me radhë si një mjet i zakonshëm shtëpiak pa shkaktuar pasoja.