javid Razmand1

منځني ختیځ کې د تاوتریخوالي د زیاتېدو اټکل کېږي او ویل کېږي په راتلونکو ۴۸ ساعتونو کې د ایران او لوېدیځ ترمنځ وضعیت بیا ترینګلی شي.

د دوحې د لوړو زده کړو انسټیټیوټ استاد محمد المصري الجزیرې ته ویلي، د امریکا ولسمشر ډونالډ ټرمپ د سخت دریځو سیاسي کړیو تر فشار لاندې دی.

نوموړی زیاتوي، په دې کې د اسرائیل لومړی وزیر بنیامین نتنیاهو او ځینې جګړه پلوه چارواکي شامل دي چې د کړکېچ د زیاتېدو ملاتړ کوي.

هغه دا هم ویلي چې د ټرمپ او د چین د ولسمشر شي جین پینګ وروستۍ خبرې د واشنګټن لپاره اغېزمنې نه وې او د ایران پر ضد د فشار په برخه کې یې کومه روښانه پایله نه ده ورکړې.

د کیوبا د انرژی وزیر: ذخایرو کې څاڅکی تېل نه لرو.

د کیوبا د انرژی وزیر په تازه څرکندونو کې ویلي، دغه هېواد کې تېل،ګاز او سون توکي په بشپړه ډول خلاص شوي.
نوموړی زیاتوي که په دغه سخت حالت کې یې هر څوک پرې پلوري د دوی دروازې ورته پرانیستي دي.
امریکا په کیوبا پرلپسې بندیزونه لګولي چې له امله یې د تېلو خپل ورځنی تولید ۴۰ زره بیرله دی خو دوی ١١٠ زره بیرلو ته هره ورځ اړتیا لري.

د شاپور ځدراڼ ورور غمي ځدراڼ د هغه دا انځور پر فېسبوک نشر کړی دی او له خلکو یې غوښتي چې نوموړی په دعاوو کې یاد وساتي.
د معلوماتو له مخې، شاپور ځدراڼ دا مهال په ډېر جدي حالت کې د هند په نوي ډیلي کې د یوه روغتون د ICU (جدي څانګه) کې تر درملنې لاندې دی. ډاکترانو ورته یوه نادره او خطرناکه ناروغي تشخیص کړې چې HLH (Hemophagocytic Lymphohistiocytosis) نومېږي.
ویل کېږي، دا ناروغي د بدن د دفاعي سیستم شدید اختلال دی چې د ځیګر، هډوکو مغز او نورو مهمو غړو ته زیان رسوي.
تېر اپریل میاشت کې راپورونه داسې وه چې ناروغي تر پرمختللي پړاو رسېدلې او د هغه روغتیايي وضعیت نازک بلل کېږي.

وال سټریت ژورنال د خپلو باوري سرچینو له قوله خبر ورکړی چې متحده عربي اماراتو په پټه د ایر.ان پر ځینو هدفونو بریدونه کړي دي.

راپور زیاتوي، امارات هغه هېواد ګڼل کېږي چې ایرا.ن پرې د روان کړکېچ پر مهال تر ټولو ډېر بریدونه کړي دي. همداراز ویل شوي چې د ایر.ان د لاوان ټاپو د نفتو پر تصفیه‌خونه شوی بر.ید هم د اماراتو له لوري ترسره شوی و، چې له امله یې لوی اور ولګېد او فابریکه د اوږدې مودې لپاره بنده شوه.

دېشو ولسوالۍ کې یو شمېر خلک شکایت کوي چې په سیمه کې د مناسب روغتیايي خدمتونو د نشتوالي له امله سخت ناروغان د درملنې لپاره تر لښکرګاه د لېږد پر مهال خپل ژوند له لاسه ورکوي.

د سیمې اوسېدونکي وایي، روغتیايي مرکزونه کم دي او د بېړنیو پېښو ناروغانو ته پر وخت درملنه نه رسېږي، چې له امله یې د خلکو ستونزې لا زیاتې شوې دي.

د پښتو واینز مشهور هنرمند صفیان، چې اصلي نوم یې وسیم و او د "شین خالۍ" په نوم پېژندل کېده، د یوې ناروغۍ له امله مړ شوی
د معلوماتو له مخې، د هغه د جنازې مراسم نن ماښام په چارسده کې ترسره شول.